Marko 1:28 - AHYERƐLƐ KRONGRON

²⁸ Na berɛ ne ala, Yesu nwo dwirɛ trɛ hɔle mbɔtam bɔ bapɛ Galilea nwo bayia ne amukoraa nu.

Marko 1:28 Iomraidhean Croise

Mika 5:4

Na ɔkɔfa AWURADE anwoserɛ kogyina berɛ kɔma ye mmoaen kure aleɛ, wɔ AWURADE ye Nyameɛ animnyam ahennie dumaa nu. Bɛ bo kotimu, ofikyɛ afei ɔkɔyɛ titire koodwu aseɛ so nekaa biala.

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Mateo 9:26

Na sɔ dwirɛ ne trɛ hɔle mbɔtam berɛ amukoraa.

Mateo 9:31

Nakoso befili berɛ ne, bɛbɔle Yesu nwo dawure wɔ mbɔtam berɛ amukoraa.

Marko 1:27

Na ɛhe mane bɛ mukoraa bɛ nwo dwirili bɛ, maa ɔnate so bebisabisale bɛ nwo kyɛ, “Nzikyɛ dwirɛ ɛhe? Ngyerɛkyerɛ foforɛ beni ɛhe? Ole tumi hyɛ sunzummɔne mɔ po, na betie ye.”

Marko 1:29

Befili nyianu sua ne anu befitele pɛ, bɛ ne Yakobo ne Yohane bɛhɔle Simɔn ne Andrea awuro.

Marko 1:45

Nakoso, biaa ne de, ofili berɛ hɔle nen, ɔhyɛle ye bo ɔbɔle edwirɛ ne dawure maa otenele. Na ye sɔ ati, Yesu angora wanye ye nyunu wangɔ kuro biala so ko; na mmom ɔhale ɛserɛ ne aso berɛ, na mmenia fili nekaa biala bɛwale ye berɛ.

Luka 4:17

Bɛfale ngɔmhyɛlɛniɛ Yesaya nwomaa ne bɛmane ye; na obukyele nwomaa ne anu nwuni nekaa bɔ bahyerɛ ye kyɛ,

Luka 4:37

Na ye nwo dwirɛ trɛ hɔle mbɔtam berɛ amukoraa bra yiale.

Luka 7:17

Na ye nwo dwirɛ trɛ hɔle Yudea amukoraa ne aseɛ mɔ bɔ bapɛ ye nwo bayia ne amukoraa so.