Marko 1:27 - AHYERƐLƐ KRONGRON

²⁷ Na ɛhe mane bɛ mukoraa bɛ nwo dwirili bɛ, maa ɔnate so bebisabisale bɛ nwo kyɛ, “Nzikyɛ dwirɛ ɛhe? Ngyerɛkyerɛ foforɛ beni ɛhe? Ole tumi hyɛ sunzummɔne mɔ po, na betie ye.”

Marko 1:27 Iomraidhean Croise

Mateo 15:31

Yiti ɔyɛle ɛlɔen ne nwanwa, mmerɛ bɔ benwuni kyɛ emumu dwudwo, ná mbakye nwo asa, ná mmubuafoɛ nate, ná anyesiniwaafoɛ benwu nikye ne; na bɛhyɛle Yisrael Nyameɛ animnyam.

Mateo 8:9

Ofikyɛ me koso nde sona bɔ nwura tumi bo, na asraafoɛ wura me bo, na mekã mekyire ɛhe kyɛ, ‘Kɔ!’ a, ɔkɔ; yeɛ mekã mekyire ko koso kyɛ, ‘Bra!’ a, ɔba; na mekã mekyire m’akoaa kyɛ, ‘Yɔ ɛhe!’ a, ɔyɔ.”

Mateo 9:33

Yesu tuli sunzummɔne ne nen, emumu ne dwudwole; na ɔyɛle ɛlɔen ne nwanwa maa bɛhane kyɛ, “Yɛnnwuni ɛhe bie le wɔ Yisrael!”

Marko 1:26

Na sunzummɔne ne maa ɔsenzene, ɔteane nu serɛserɛ, na ofili ye nu fitele.

Marko 1:28

Na berɛ ne ala, Yesu nwo dwirɛ trɛ hɔle mbɔtam bɔ bapɛ Galilea nwo bayia ne amukoraa nu.

Marko 10:24

Yesu dwirɛ bɔ ɔhane ne yɛle asuafoɛ nemɔ nwanwa. Nakoso Yesu sa sele bɛ kyɛ “Me mma mɔ, ɛmɔanwu kyɛbɔ osi yɛ se ma bɛ bɔ bɛfa bɛ nwo bɛto anwonyadeɛ so kyɛ bɛkɔhɔ Nyameɛ ahennie ne anu ɔ!

Marko 10:32

Né bɛnate atee so bɛfo bɛkɔ Yerusalem, na né Yesu li bɛ nyunu moa. Ɔyɛle asuafoɛ nemɔ nwanwa, na mmenia bɔ beli ye si ne koso besurole. Yeɛ ɔfale asuafoɛ buru ne nyɔ nemɔ hɔle ahameɛ bieku, na ɔhyɛle ye bo hane amaneɛ bɔ ɔbaanwu ye ɔ hyirele bɛ kyɛ,

Marko 16:5

Bewurale asieleɛ ne anu ne, benwuni aberandeɛ bie bɔ owura ataadeɛ fufue tendenn kyɛ ɔte asieleɛ ne famaa so berɛ, na bɛ kunu tele bɛ.

Marko 16:6

Na osele bɛ kyɛ, “Nnɛmɔma ɛmɔ kunu te ɛmɔ. Ɛmɔpena Nasarɛteniɛ Yesu bɔ bɛbɔle ye mmeamudua nu ne. Watingye, ɔnne wa. Ɛ́mɔnea nekaa bɔ bɛfale ye bɛtole ɔ!

Marko 7:37

Ɛhe yɛle bɛ nwanwa maa ɔbole so, na bɛhane kyɛ, “Wayɔ nikyee mukoraa yé; ɔma asotiniwaafoɛ po bɛte dwudwolɛ, na ɔma emumu mɔ bedwudwo.”

Luka 4:36

Na ɔyɛle bɛ mukoraa nwanwa, na besisele bɛ nwo kyɛ, “Edwirɛ beni yeɛ ɔte sɔaa ye? Ofikyɛ tumi nu ne anwoserɛ nu yeɛ ɔhyɛ sunzummɔne mɔ maa betutu befi nu ɔ!”

Luka 9:1

Yesu frɛle asuafoɛ buru ne nyɔ ne maa beeyiale, na ɔmane bɛ sunzummɔne amukoraa ne anwonyerɛsalɛ so tumi ne anwoserɛ.

Asomafoɛ 17:19

Yiti bɛ ne ye hɔle Areopago na bɛhane kyɛ, “Ɛkɔhora kohyire yɛ ngyerɛkyerɛ foforɛ bɔ ɛkã ye nwo dwirɛ ne bo?