Marko 1:21 - AHYERƐLƐ KRONGRON

²¹ Na beedwuli Kapanɔm. Na afofikyẽa ne dwuli pɛ, ɔhɔle nyianu sua nu ɔɔyɛle ngyerɛkyerɛ.

Marko 1:21 Iomraidhean Croise

Mateo 4:13

Otu fili Nasarɛte ɔɔtenane Kapanɔm bɔ ɔwɔ mboanoa, wɔ Sebulɔn ne Nafetali mbɔtam.

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Marko 1:20

Na berɛ ne ala ɔfrɛle bɛ, na bɛyakyili bɛ baba Sebedeo ne apaafoɛ nemɔ ɛlɛen ne anu beelili ye si.

Marko 1:29

Befili nyianu sua ne anu befitele pɛ, bɛ ne Yakobo ne Yohane bɛhɔle Simɔn ne Andrea awuro.

Marko 1:33

Na kurotue ne amukoraa bɛɛhyerele so wɔ anoa nu berɛ.

Marko 1:39

Na ohyinini Galilea amukoraa hane nzɛmba ne wɔ bɛ nyianu sua nemɔ anu, na otutuli sunzummɔne mɔ.

Marko 10:1

Afei Yesu fili berɛ hɔle Yudea manzini nu ne asue Yɔɔdan si dɔ; mmenia birikabirika wale ye berɛ bieku, na kyɛbɔ né ɔtaa yɔ ne, ɔyɛle ngyerɛkyerɛ hyirele bɛ bieku.

Marko 2:1

Ngyẽa kãa bie asi ne, Yesu sa hɔle Kapanɔm, na mmenia tele kyɛ ɔwɔ awuro.

Marko 3:1

Yesu sa hɔle nyianu sua nu, na né biaa bie wɔ berɛ bɔ ye sa ko awu ɔ.

Marko 6:2

Na afofikyẽa dwuli nen, ɔhyɛle ye bo yɛle ngyerɛkyerɛ wɔ nyianu sua nu. Mmenia wora bɔ bɛtele ye ngyerɛkyerɛ nen, bɛ nwo dwirili bɛ, na bɛhane kyɛ, “Nisua yeɛ biaa he oosuane ɛhemɔ ye? Nworɛ beni yeɛ bafa bama ye sɔa ye? Ɔyɛ sɛɛ yeɛ ɔyɔ anwanwadeɛ hemɔ ye?

Luka 10:15

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu.

Luka 13:10

Afofikyẽa bie, né Yesu ɔyɛ ngyerɛkyerɛ wɔ nyianu sua nemɔ ko anu.

Luka 4:16

Yesu hɔle Nasarɛte, nekaa bɔ bɛtetele ye ne; na afofikyẽa ne, kyɛbɔ ɔyɔ ye daa ne, ɔhɔle nyianu sua nu. Na odwɔso gyinane berɛ kyɛ ɔbaakenga.

Luka 4:23

Na Yesu sele bɛ kyɛ, “Ɔnyɛ nwanwa kyɛ ɛmɔkobu anyandera he bekohyire me kyɛ, ‘Safoɛ, sa wɔ nwo anwonyerɛ e! Bɔ yate kyɛ ɛyɔle ye wɔ Kapanɔm nen, yɔ bie wɔ wɔ bɔbɔ wɔ kuro wa e!’ ”

Asomafoɛ 17:2

Na kyɛbɔ né Pɔɔlo taa yɔ ne, ɔhɔle nyianu sua ne anu, na ɔne bɛ yɔle Ahyerɛlɛ ne anu ngyerɛkyerɛ afofikyẽa sɔ alaa pɛen nza.

Asomafoɛ 18:4

Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.