Marko 1:10 - AHYERƐLƐ KRONGRON

¹⁰ Na mmerɛ bɔ Yesu fili nzue ne anu fitele pɛ, onwuni kyɛ anwuro abukye, ná Sunzum ne odwu kyɛ abubure ba ye so ɔ.

Marko 1:10 Iomraidhean Croise

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 64:1

O, sɛ ahaa ekosunzua ewienu nu ná ekodwu ase maa mmokaa kopusu wɔ wɔ nyunu a!

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Mateo 3:16

Mmerɛ bɔ ɔbɔle Yesu asu yiele nen, Yesu fili nzue ne anu fitele pɛ, yieee, anwuro bukyele (mane ye), na onwuni Nyameɛ Sunzum ne kyɛ abubure odwu ba ye so,

Marko 1:11

Na komviɛ bie fili nyameɛso sele kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Marko 1:9

Na sɔ mmerɛ ne anu, Yesu fili Nasarɛte bɔ ɔwɔ Galilea wale, na Yohane bɔle ye asu wɔ asue Yɔɔdan nu.

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”