Malaki 4:3 - AHYERƐLƐ KRONGRON

³ Na ɛmɔkotiatia bɔnefoɛ mɔ so; ofikyɛ kyẽa bɔ ngɔyɔ sɔ ne, bɛkɔyɛ nzoen wɔ ɛmɔ gya bo, Asafo AWURADE noa dwirɛ ɛne.

Malaki 4:3 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

2 Samuel 22:39

Nnili bɛ so ngonim, mmobɔle bɛ nguale berɛ bɔ bangora dwɔso ko ɔ, na bɛtotɔle beguale me gya bo.

2 Samuel 22:43

Ndini bɛ muhumuhu kyɛ aseɛnwo mvuture, na ndiatiale bɛ so nwɔle bɛ kyɛ dwaaso nnɛterɛ.

YOB NWOMAA NE 40:12

Nea anwomasoɛfoɛ amukoraa, ná brɛ bɛ ase, ná tiatia bɔnefoɛ so wɔ nekaa bɔ bɛwɔ ɔ.

Edwein 147:6

AWURADE ma anwobrɛaseɛfoɛ so, nakoso bɔnefoɛ de, ofindi ye to ase.

Edwein 49:14

Bɛte kyɛ mmoaen, na bɛ mukoraa bewu. Ewue yeɛ odi bɛ nyunu fa bɛ kɔ ɔ; teneneefoɛ koli bɛ so tumi ngyerɛmɔ, na b’anwonyemene kɔsɛkye wɔ ewue kumaa nu; na ɛborɔ yeɛ ɔkɔyɛ b’awuro ɔ.

Edwein 91:13

Ɛkɔnate gyata ne ɛbɔnaa so, na ekotiatia gyata akrɔngrɔma ne sasrabɔnzam so.

Yesaya 25:10

AWURADE tumi asaa ne kɔtena bokaa he aso, nakoso Moabo de, okotiatia ye so kɔbɛtɛ ye, kyɛbɔ betiatia ewura so wɔ fofoɛ so ɔ.

Yesaya 26:6

Agyirɛ tiatia so, bɛ bɔ bɛyɛ anwumvo ɔ betiatia so, yeɛ ehiafoɛ koso betiatia so.”

Awuye 1:15

“M’anwoserɛfoɛ amukoraa bɔ bɛwɔ me nu ne, AWURADE atiatia bɛ so. Wafrɛfrɛ mmenia pee maa babɔ dwaa batia me, kyɛ behũhũ me mmerandeɛ mɔ. AWURADE atiatia Yuda awa brasua ababunu ne aso, kyɛbɔ bɛyɔ ye wɔ kumaa bɔ betwi nu nzaa ne anu ne ala.

Hesekiel 28:18

Ɛnate w’amumuyɛɛ worawora ne wɔ dwaalilɛ fiɛ ne aso agua wɔ nekaa krongron nemɔ nwo fiɛ; yiti mama see asɔ wɔ wɔ nu, na wayera wɔ, na mamaa atɔ nzoen wɔ aseɛ so, bɔ bɛ bɔ benwuni wɔ amukoraa bɛ nye tua ɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Mika 7:10

Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Sakaria 10:5

Na bɛkɔyɛ kyɛ katakyie mɔ bɔ betiatia bɛ pɔfoɛ mɔ so wɔ mmorɔnoɛ so nnɛterɛ nu wɔ koɛ nu ɔ. Bɛkɔho koɛ, ofikyɛ AWURADE gyi bɛ si, na pɔngɔhanɛfoɛ bɔ bɛtete pɔngɔ so ɔ bɛ nyunu kogua ase.

Malaki 3:17

Asafo AWURADE nwa nyoo: Kyẽa bɔ ngobua ndɛen ne, bɛkɔyɛ me bɔbɔ me deɛ, na ngonwu bɛ anwumvoin kyɛbɔ seɛ onwu ɔwa bɔ ɔso ye ɔ anwumvoin ɔ.

Romanfoɛ 16:20

Na ɔngɔhyɛ koraa asomdwee Nyameɛ ne kɔbɛtɛ Abɔnzam wɔ ɛmɔ gya bo. Y’Awurade Yesu Kristo ɔlo ɛmɔ.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 14:20

Na betiatiale bobe mmaa ne aso wɔ kumaa bɔ betwi nzaa wɔ nu ne anu, wɔ kuro ne bondua, na mogya fili kumaa bɔ betwi nzaa wɔ nu ne anu hɔle anwuro oodwuli pɔngɔ tendenn, na ɔtengyɛle hɔle kɔyɛ kwanzii ɛyaa nyɔ.