Malaki 4:1 - AHYERƐLƐ KRONGRON

¹ Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Malaki 4:1 Iomraidhean Croise

YOB NWOMAA NE 18:16

Ye ndii twindwam wɔ aseɛnwo, na ye mmaen koso kese wɔ anwuro.

Edwein 119:119

Aseɛ ye aso bɔnefoɛ amukoraa, ebu bɛ kyɛ ewura, yiti me nye gye wɔ noa dwirɛ nwo.

Edwein 37:9

Ofikyɛ bekonua bɔnefoɛ bɛ boso, nakoso bɛ bɔ bɛ nye la AWURADE so ne de, bɛ sa kɔhã aseɛ ne.

Ɛksadɔso 15:7

Ɛnate wɔ tumi piri ne aso ɛkã bɛ bɔ bɛko betia wɔ ɔ gua; Ɛsoma wɔ yaa piri ne, na ɔyera bɛ kyɛ ngyɛngyɛma.

Yesaya 40:24

Betu bɛ bɛtɛ ala a, bedua bɛ ala a, bɛ bakaa tira ndii wɔ aseɛnwo ala a, ohu mvrama gua bɛ so maa bɛkese, na mvrama piri pia bɛ kɔ kyɛ afafu.

Yesaya 41:2

Sona bɔ tenenee li ye si wɔ nekaa biala bɔ otia ne, nwa yeɛ wakanyane ye wafi eyia afiteleɛ ɔ? Nwa yeɛ wafa maen maen mɔ wawura ye sa, ɔne ahemvo mɔ wawura ye bo ɔ? Ye ngrandɛ maa bɛkakyi kyɛ mvuture, na ye agyaen to bɛ pete kyɛ afafu.

Yesaya 47:14

Tie, bɛte kyɛ ɛserɛ worowaa, see kɔyera bɛ, bɛngɔhora ngole bɛ nwo ngofi see wuronyiwuronyi ne sa nu, na ɛhe de, nna see bɔ otu sona nwo ɛyerɛ ɛne, yeɛ nna see bɔ bɛtena ye nwo bɛto hɔ ɛne!

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Yesaya 9:18

Nahorɛ nu, amumuyɛɛ ogye kyɛ see, ɔyera agurɛ ne mmowue, ɔyera ɛhɔayeɛ too, na bɛyɛ nwosina ningɔnn bɛkɔ anwuro.

Yesaya 9:19

Asafo AWURADE ɛyaafɛlɛ piri ne, wama aseɛ ne ayera, na mmenia ne ayɛ kyɛ eyein bɔ bɛfa bɛsɔ see ɔ, na ebiala wannwu obiɛngo anwumvoin.

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Hesekiel 21:32

Bɛkɔfa wɔ bɛkɔkakyi eyein bekohua see, bɛkɔhã wɔ mogya bekogua wɔ aseɛ ne aso, na bɛngɔkaye wɔ ko, ofikyɛ me, AWURADE, me yeɛ mahã ɔ.’ ”

Hesekiel 24:11

Afei, fa dadesɛn ne too sie see ne aso, maa ɔyɛ hye paa bɔ nu kɔɔbere ne kɔbe kɔyɛ kɔɔ ɔ, amaa ɔnate so nu fiɛ ne wahuro wɔ nu, ná ye naakye ne watu wafi nu.

Hesekiel 34:17

“Na ɛmɔ, me mmoaen kure, AWURADE Nyameɛ nwa nyoo: Ɛ́mɔtie, mebaabua boaen ne boaen b’afia ndɛen, yeɛ boaen nyii ne abɔngye nyii b’afia ndɛen.

Hesekiel 7:10

Nea, kyẽa ne ɛhe! Nea kyɛ ɔ́ba ɔ! W’ayieleɛ ne adwu. Mbire ne afifi, yeɛ anwomasoɛ afefɛ.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Amose 2:9

Nakoso Amoriniɛ bɔ ye tendenn te kyɛ sida bakaa ne, bɔ ye nwo yɛ se kyɛ eluii ne, nguni ye wɔ bɛ nyunu. Nzɛkyele ye mmakaammaa wɔ anwuro, yeɛ nzɛkyele ye ndii wɔ ye bo.

Obadia 1:18

Yakob boso ama kɔyɛ see, Yosef boso ama kɔyɛ see bɔ ogye ɔ, na Yisɔ boso ama de, bɛkɔyɛ ngyɛngyɛma, na bɛkɔsɔ wɔ bɛ nu bɛkɔyera bɛ. Yisɔ boso ama biala ngɔha, ofikyɛ bɔ AWURADE ahã hɔ ɛne.

Nahum 1:10

Mmerɛ bɔ batoatoa nu kyɛ mmowue, ná babobo kyɛ akɔnomnzafoɛ nen, ɔkɔyera bɛ kyɛ ɛserɛ worowaa.

Sefania 1:14

AWURADE kyẽa piri ne wapingye, wapingye, na ɔpe ndɛen paa; esuɛ bɔ bɛkɔte ye AWURADE kyẽa ne nen, ɔkɔyɛ aworabɔlɛ kyɛ! Katakyie mɔ kosũ hahii.

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Sakaria 14:1

Tie, AWURADE kyẽa ne ɔ́ba, bɔ koɛ nu nzesadeɛ bɔ basesa ye wɔ wɔ nu ne, bɛkɔhyɛ ye wɔ wɔ nu ɔ.

Malaki 3:15

Na afei de, yɛbu ahandaenfoɛ kyɛ bɛ yeɛ banya saleɛ ɔ; amba, bɛ bɔ bɛbɔ bra tɛɛ ne yeɛ benya ngɔsoɛ ɔ; amba, bɛ bɔ beso Nyameɛ bɛnea ne yeɛ benya bɛ ti bedidi nu ɔ.’ ”

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

Malaki 3:2

Nakoso kyẽa bɔ ɔ́ba ne, nwa yeɛ ɔkɔhora kogyina ye noa ɔ? Ɔye ye nwo ali a, nwa yeɛ ɔkɔhora kogyina ye nyunu ɔ? “Ofikyɛ ɔte kyɛ sona bɔ ohuro buralɛ ɔ ye see ne, ɔne bɔ ɔkɔ atapoɛ ɔ ye saminaen;

Malaki 3:3

ɔkɔtena ase kyɛ dwumvoɛ bɔ ohuro ɛdwetɛ ɔye ye nwo fiɛ ɔ: ɔkɔte Lewi boso ama mɔ bɛ nwo, okohwi bɛ nwo kyɛ sikaa kɔkorɛ ne ɛdwetɛ, amaa ɔnate so bafa tenenee afɔleɛ babrɛ AWURADE.

Malaki 4:5

Ɛ́mɔtie, ngɔsoma ngɔmhyɛlɛniɛ Elia wɔ ɛmɔ berɛ koraka né AWURADE kyẽa piri bɔ ɔyɛ suro ne wawa.

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Luka 19:43

Ofikyɛ mmerɛ bie baawa wɔ so, bɔ wɔ pɔfoɛ mɔ bɛkɔyɔ nyinasoɛ bɛkɔfo so bɛkɔwa wɔ nu, bɔ bɛkɔpɛ bɛkɔbra wɔ nwo bekoyia, ná batua wɔ bahã wɔ bamia;

Luka 21:20

“Na sɛ ɛmɔnwu kyɛ koɛhonɛfoɛ bapɛ Yerusalem nwo bayia a, ye de ɛ́mɔnwu ye kyɛ ye bɔlɛ apingye.

Luka 6:23

Ɛ́mɔma ɛmɔ nye gye wɔ sɔ kyẽa ne, ná ɛmɔli ahurusi, ɔnate kyɛ ɛmɔ akatuaa te piri wɔ nyameɛso; na sɔ ala yeɛ bɛ nana mɔ bɛfa belili ngɔmhyɛlɛfoɛ nemɔ ɔ.

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

2 Petro 3:7

Na anwuro ne aseɛ bɔ ɔwɔ berɛ ye, ɔnate ye noa dwirɛ komapɛ ne ala so yeɛ otira nu ɔ, na wasiesie ye wama see, na ɔfa nwondɛ ndɛenbualɛ ne amumuyɛɛfoɛ kyẽa ne.