Biblia Todo Logo
Bìoball air-loidhne

- Sanasan -




Malaki 3:8 - AHYERƐLƐ KRONGRON

8 Aso odi kyɛ sona di Nyameɛ ndurum anaa? Nakoso ɛmɔ de, ɛmɔdi me ndurum. Na ɛmɔbisa kyɛ, ‘Atee beni aso yeɛ yɛdi wɔ ndurum ɔ?’ Ɛmɔdi ye wɔ buru nu ngyɛmuɛ ko ɔne afɔleɛbɔlɛ nu.

Faic an caibideil Dèan lethbhreac




Malaki 3:8
18 Iomraidhean Croise  

Animnyam bɔ ɔfata AWURADE dumaa ne, ɛ́mɔfa bɛ́ma ye; ɛ́mɔsɔne AWURADE wɔ animnyam krongron nu.


Ebiemɔ bɛye bɛ kunu bɛyɔ paa paa, nakoso bɛkɔ so benya bɛ nwo, yeɛ ebiemɔ wora bɛfa bɛ nningyein bɛbɔ atianuserɛ, nakoso bɛkɔ so bedi hiaa.


Amva wɔ mmoaen amma ammɔ naen yeralɛ afɔleɛ amma me, yeɛ amva w’afɔleɛ mɔ anhyɛ me animnyam. Mamva afɔleɛ mɔ manyɛ wɔ so adesoa, yeɛ mammisa wɔ ɛyɛɛ mamva manha w’adwene.


Nakoso ye afoɛ nnu ne aso de, ɛ́mɔli bɛ mma bɔ bekosu ne bie, amaa ɔnate so basu pee bama ɛmɔ: Me ole AWURADE ɛmɔ Nyameɛ.


Na osele me kyɛ, “Ɛhe te ɛnomalɛ bɔ okyinikyini fa aseɛ so amukoraa ɔ. Ebiala bɔ okowua ne, bɔ ɔwɔ ye bue faen ne yeɛ bekogyina so bɛkɔpɛ ye asue bekofi wa ɔ; yeɛ ebiala bɔ ɔkɔta ndaen mbaen ne, bɔ ɔwɔ ye bue faen ne yeɛ bekogyina so bɛkɔpɛ ye asue bekofi wa ɔ.


Ɛmɔsa bɛkã kyɛ, Eh, nzikyɛ ɛfɛɛ ɛhe? Na ɛmɔsobi bɛ noa begua so, Asafo AWURADE noa dwirɛ ɛne. Kaka bɔ ɛmɔali aminɛ banya ye, anaa kaka bɔ wabubu, anaa bɔ ɔnde apɔ ɔ yeɛ ɛmɔfa bɛbabɔ afɔleɛ ɔ. Aso odi kyɛ mede ɛhe mefi ɛmɔ berɛ anaa? Asafo AWURADE noa dwirɛ ɛne.


Sɛ ɛmɔfa kaka anyesiniwaa bɛbabɔ afɔleɛ a, aso ɔtte bɔne hɔ ɔ? Yeɛ sɛ ɛmɔfa kaka agyabuburuwaa anaa bɔ ɔnde apɔ ɔ bɛbabɔ afɔleɛ a, aso ɔtte bɔne hɔ ɔ? Nzaade fa kɔma w’amrado nea! Aso ɛkɔsɔ ye nye, anaa ɔkɔnea wɔ nyunu anaa? Asafo AWURADE noa dwirɛ ɛne.


Bebuale ye kyɛ, “Kaesare deɛ ɔ!” Yeɛ osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”


Yeɛ Yesu sele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.” Na ye nwo yɛle bɛ nwanwa.


Na osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”


Ɛ́mɔtua ebiala deɛ bɔ ɔfata ye ɔ bɛ́ma ye! Ɛ́mɔtua ɛtoɔ bɛ́ma bɔ ɛtoɔ fata ye ɔ; ɛ́mɔtua ndɔ bɛ́ma bɔ ndɔ fata ye ɔ; ɛ́mɔsuro bɔ odi kyɛ besuro ye ɔ; yeɛ ɛ́mɔfa anidie bɛ́ma bɔ anidie fata ye ɔ.


Wɔ bɔ ɛkã kyɛ nnɛmaa bɛsɛkye agyaa ne, aso ɛsɛkye agyaa? Wɔ bɔ ekyi mmosoen nen, aso ɛyɔ musue nikyee wɔ asɔneyɛɛ sua nu?


Yisrael ayɔ bɔne. M’apam bɔ nhyɛle bɛ kyɛ beli so ne, babu so. Basesa nningyein bɔ matu masie berɛ kyɛ bɛsɛkye ye ne bie; bawua, bapɛ ngondombo, na bafa baafea bɛ bɔbɔ bɛ nningyein nu.


Lean sinn:

Sanasan


Sanasan