Malaki 3:2 - AHYERƐLƐ KRONGRON

² Nakoso kyẽa bɔ ɔ́ba ne, nwa yeɛ ɔkɔhora kogyina ye noa ɔ? Ɔye ye nwo ali a, nwa yeɛ ɔkɔhora kogyina ye nyunu ɔ? “Ofikyɛ ɔte kyɛ sona bɔ ohuro buralɛ ɔ ye see ne, ɔne bɔ ɔkɔ atapoɛ ɔ ye saminaen;

Malaki 3:2 Iomraidhean Croise

Gyenesise 19:28

Ɔtole ye nye neane Sodom ne Gomora, ɔne aseɛ frɛtɛɛ ne amukoraa, na onwuni kyɛ aseɛ ne aso nwosina ótu kɔ anwuro kyɛ foonoo nu nwosina.

YOB NWOMAA NE 28:1

“Amba, nekaa bɔ betu ɛdwetɛ ɔ wɔ berɛ, yeɛ nekaa bɔ benwunzi sikaa kɔkorɛ ɔ koso wɔ berɛ.

Edwein 130:3

AWURADE, sɛ ɛsesẽ amumuyɛɛ a, ao Yɛ Mene, ahaa nwa yeɛ ɔkɔhora kogyina ɔ?

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Edwein 76:7

Nakoso wɔ de, wɔ nwo yɛ suro! Sɛ ɛfɛ yaa a, nwa yeɛ ɔkɔhora wɔ nyunu gyina ɔ?

Anyandera 25:4

Ye efiɛ ne fi ɛdwetɛ nu, na dwumvoɛ konya ye kɔfa koli adwii.

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Yesaya 4:4

mmerɛ bɔ AWURADE kɔfa ndɛenbualɛ sunzum so ne ɛyeralɛ sunzum so kobia Sion mma mmrasua nwo fiɛ kogua, ná wanwunzi mogya bɔ Yerusalem ahã agua ne.

Yeremia 2:22

Ɔwɔ nu kyɛ ɛfa kondu bia, bɔ saminaen pee boka so ɔ, nakoso w’amumuyɛɛ te ngekalewa wɔ me nye so, AWURADE Nyameɛ noa dwirɛ ɛne.

Hesekiel 22:14

Kyẽa bɔ me ne wɔ yɛkoli ye weewee so ne, aso ɛkɔhora kosi wɔ hue, anaa ɛkɔhora kogyina ye noa’? Me, AWURADE, me yeɛ mahã ɔ, na ngɔyɔ koso.

Daniel 11:35

Bɛ bɔ bɛte badwemma ne, nu biemɔ kɔtotɔ, maa ɔnate so bɛkɔfa bekosale bɛ nwo, bɛkɔfa bɛkɔte bɛ nwo, bɛkɔfa bɛkɔma bɛ nwo kɔyɛ fitaa koodwu ayieleɛ mmerɛ ne; ofikyɛ sɔ mmerɛ ne kɔwa kyɛbɔ bahyehyɛ bato berɛ ne ala.

Yoel 2:11

AWURADE tea nu serɛserɛ wɔ ye koɛhonɛfoɛ nyunu, ofikyɛ ye lɔen ne te piri paa, na bɔ odi ye dwirɛ so ne, ye nwo yɛ se. Ofikyɛ AWURADE kyẽa ne te piri, ɔyɛ suro paa, na nwa yeɛ ɔkɔhora ye noa gyina ɔ?

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 25:10

Na bɛhɔle kyɛ bɛkwaatɔ bie nen, atɔmvorɛ biaa ne wale; na bɛ bɔ né baboaboa bɛ nwo basie ne, bɛ ne ye hɔle atɔmvorɛ ne abo, na bɛtole anoa ne anu.

Marko 9:3

Ye ataadeɛ yɛle fufue hyɛnn, bɔ sona biala bɔ ɔpo nningyein wɔ aseɛ ye aso ɔ ɔngɔhora ngɔpo ma ɔngɔyɛ hyɛnn sɔ ɔ.

Luka 2:34

Na Simeon yirayirale bɛ, na osele oni Maria kyɛ, “Nea, akwadaa he yeɛ bafa ye basie berɛ bama mmenia pee b’asefinɛ ne bɛ dwɔsolɛ wɔ Yisrael ɔ, ɔne sɛngyerɛnneɛ bɔ mmenia bekodwudwo bekotia

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Luka 3:17

Ye huhuamoa tira ye sa nu, kyɛ ɔfa prapra ye nekaa bɔ bɛboro aburoo ne ma berɛ yɛ sannwuu, ná ɔboaboa atokoɔ ne noa ogua ye pata so; nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Luka 3:9

Na kekesaala ye po, bafa akumaa ne babɔ bakaa ne ndii nu, na bakaa biala bɔ onzu mmaa paa nen, bɛkɔpɛ bekogyi bɛkɔto see nu.”

Luka 7:23

Na sona bɔ nnde sundidua memma ye ne, wanya saleɛ.”

Yohane 8:55

Nakoso ɛmɔnze ye, na me de, mese ye. Na sɛ mekã kyɛ menze ye a, ngɔyɛ ngondomboniɛ kyɛ ɛmɔ ala. Nakoso mese ye, na medi ye dwirɛ so.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Nyekyire 6:17

ofikyɛ ye ahonehulɛ kyẽa piri ne adwu, na nwa yeɛ ɔkɔhora kogyina ye noa ɔ?”

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

1 Samuel 6:20

Afei Bete Semesefoɛ hane kyɛ, “AWURADE, Krongronniɛ Nyameɛ he, nwa yeɛ ɔkɔhora kogyina ye nyunu ɔ? Nwa berɛ koraa yeɛ yɛye AWURADE alaka ne yɛfi yɛ wa yɛkɔ ɔ?”