Malaki 3:16 - AHYERƐLƐ KRONGRON

¹⁶ Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Malaki 3:16 Iomraidhean Croise

Gyenesise 22:12

Na ɔhane kyɛ, “Nnɛfa wɔ sa ka akwadaa ne, yeɛ nnɛyɔ ye hwee, ofikyɛ afei de manwu kyɛ esuro Nyameɛ, na amva ɛwa komapɛ twe ne ammɔ me aheɛ.”

2 Samuel 7:1

Afei Nana Dawide tenane ye awuro, na AWURADE mane ye asomdwee fili ye pɔfoɛ amukoraa bɔ bapɛ ye nwo bayia ɔ sa nu ne,

1 Ahemvo 18:12

Sɛ menya mefi wɔ nwo wa mekɔ pɛ, AWURADE Sunzum kɔfa wɔ kɔhɔ nekaa bie bɔ menze ɔ. Na sɛ mekã mekyire Ahabo maa ɔba, ná sɛ wannwu wɔ a, okohu me, ɔwɔ nu kyɛ w’akoaa, ofi me ngwadaa nu yeɛ masuro AWURADE ɔ.

1 Ahemvo 18:3

Ahabo tole ye sa frɛle Obadia, bɔ né ɔnea ahemvie berɛ ne. (Né Obadia suro AWURADE paa.

2 Aberɛso Dwirɛ 6:7

Me baba Dawide yɛle ye adwene kyɛ okosi sua kɔfa AWURADE Yisrael Nyameɛ dumaa kɔto so.

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Ɛseta 2:23

Bɛneaneane edwirɛ ne anu, na benwuni kyɛ ɔte nahorɛ nen, bɛbɔle sɔ mmienzua nyɔ ne kɔme wɔ bakaa so. Na bɛhyerɛ bewurale aberɛso dwirɛ nwomaa ne anu wɔ Nana Ahasuro nyunu berɛ.

Ɛseta 6:1

Sɔ kyẽa ne kɔngɔen, Nana Ahasuro angora da. Yiti ɔhyɛle kyɛ bɛfa abakɔsɛm nwomaa bɔ ɔte aberɛso dwirɛ ne bɛbra. Na bɛkengale behyirele ye.

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Edwein 104:33

Mmerɛ bɔ nde ngoa nu ye, ngɔto dwein ngɔye AWURADE ayɛ, Kyɛ nde ase ye, ngɔto me Nyameɛ nwo ayɛyelɛ dwein.

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Edwein 115:13

okoyira bɛ bɔ besuro AWURADE ɔ, kwahweabaa mɔ ne atitire mɔ.

Edwein 119:63

Bɛ bɔ besuro wɔ ne, yeɛ bɛ bɔ bedi w’ahyɛdeɛ so ne, nde bɛ mukoraa bɛ biɛngo.

Edwein 139:4

Anzana mebaabukye me noa medwudwo ne po, ao AWURADE, né ɛse bɔ mebaahã amukoraa.

Edwein 147:11

na mmom AWURADE nye gye bɛ bɔ besuro ye ɔ nwo, bɛ bɔ bɛfa bɛ nwo bɛto ye ɔdɔ bɔ onni ngasi ne aso ne.

Edwein 16:3

Krongronfoɛ bɔ bɛwɔ aseɛ ne aso ne, bɛ yeɛ bele animnyam ɔ, ná bɛ nu yeɛ m’anigye amukoraa wɔ ɔ.

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Edwein 33:18

Amba, bɛ bɔ besuro AWURADE, ɔne bɛ bɔ bɛ nye la ye ɔdɔ bɔ onni ngasi ne aso ne, bɛla ye ahone nwo,

Edwein 34:15

AWURADE nye wɔ teneneefoɛ so, na ɔyɛ asoɛ tie bɛ sufrɛ.

Edwein 56:8

Wɔ yeɛ anwu aworabɔlɛ worawora bɔ medi ɔ, fa wɔ towaa ne sɔ me nye moen. Aso ɔnne wɔ ngrataa nu anaa?

Edwein 56:9

Na afei kyẽa bɔ ngosu ngɔfrɛ wɔ ne, me pɔfoɛ mɔ bɛkɔtete bekosa. Mese ye sɔ, ofikyɛ Nyameɛ gyi me si.

Edwein 66:16

Ɛmɔ amukoraa bɔ ɛmɔsuro Nyameɛ ɔ, ɛmɔbra beetie, na bɔ wayɔ wama me ne, ngɔhã ngohyire ɛmɔ.

Edwein 94:19

Sɛ adwenedwene pee tɔ me so a, w’aworakyekyerɛ ma me kra nye gye.

Ɛksadɔso 32:32

Nakoso mesrɛ wɔ, fa bɛ bɔne kyɛ bɛ. Na sɛ wamma ye sɔ de a, nzaade kyikyi me (dumaa) fi wɔ nwomaa bɔ ahyerɛ ne anu!”

Anyandera 13:20

Sɛ ɛne nworɛniɛ nate a, enwu nworɛ, nakoso sɛ ɛne ngwaseafoɛ bɛbɔ afɛ a, edwirɛ to wɔ.

Yesaya 26:3

Na sona bɔ ye adwene atindim wɔ wɔ nu ne, ɛbɔ ye nwo waen wɔ asomdwee bɔ odi mu ɔ nu, ofikyɛ ɔfa ye wora wura wɔ nu.

Yesaya 26:8

O AWURADE, yɛ nye la wɔ ate wɔ wɔ ndɛenbualɛ atee ne aso, yɛ kra wora adɔ wɔ dumaa, ɔne wɔ nwo ngayeɛ.

Yesaya 4:3

Na ɔkɔwa kyɛ, bɛ bɔ bayakyi bɛ berɛ wɔ Sion bɔ baha Yerusalem ne, ebiala bɔ baha ye baboka ateasefoɛ so wɔ Yerusalem ne, bɛkɔfrɛ ye krongron,

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Yesaya 65:6

Ɛ́mɔtie, bahyerɛ yeɛ ɔla me nyunu ɔ: Mengɔyɛ konn, na mmom ngotua so kerɛ, yoo, ngotua so kerɛ maa ɔkɔbɔ bɛ ti so.

Yeremia 31:18

Amba, mate kyɛ Efraim ɔ́bɔ abubue kyɛ, ‘Ahwe me so, na manya asohwenɛ, kyɛ nandwie ba bɔ bennya bɛffale kɔnnua bɛttole ye kɔme ɔ. Maa nza mmra, na ngosa ngɔwa, ofikyɛ wɔ yeɛ ɛte AWURADE me Nyameɛ ɔ.

Yeremia 8:6

Mayɛ asoɛ matie, nakoso bɔ bɛkã ne, nahorɛ nne nu; ebiala nne berɛ bɔ onya ye bɔne nwo nnuhoɛ ɔ, bɔ ɔkã kyɛ, ‘Na nzikyɛ yeɛ mayɔ e?’ Ebiala wamakye waafa ye bɔbɔ ye atee so, kyɛ pɔngɔ bɔ ole amirika ɔkɔ koɛ noa ɔ.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Luka 2:38

Na sɔ mmerɛ ne anu ala, ye koso oogyinane berɛ bie yele Nyameɛ ayɛ sɔ ala, na ɔhane akwadaa ne nwo dwirɛ hyirele bɛ bɔ né bɛ́nwondɛ elelɛ bɔ bɛkɔɔpɔ Yerusalem bekole ye ne.

Asomafoɛ 1:13

Bedwuli kuro ne anu ne, bɛhɔle sua bie anu wɔ aborɔsaen so; na berɛ yeɛ né Petro, Yohane, Yakobo ne Andrea, Filipo ne Tɔmase, Batolomeo ne Mateo, Alfeo awa Yakobo, Simɔn Selote, yeɛ Yakobo awa Yudase bɛte ɔ.

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 2:1

Pɛntekɔso kyẽa ne dwuli ne, né agyidifoɛ nemɔ amukoraa baboa bɛ noa neka horɛ.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Ɛfesofoɛ 5:19

Ɛ́mɔfa sangoo dwein, ayɛyelɛ dwein ne sunzum nu dwein bedwudwo behyirehyire ɛmɔ nwo; ná ɛ́mɔfa ɛmɔ ahone amukoraa bɛto Awurade nwo dwein;

1 Tɛsalonikafoɛ 5:11

Yiti ɛ́mɔtutu ɛmɔ nwo foɛ, ná ɛ́mɔbokaboka ɛmɔ nwo, kyɛbɔ ɛmɔyɔ ne ala.

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.

Hebrifoɛ 10:24

Ɛ́mɔma yɛpena atee bɔ yɛkɔfa so yɛkɔbokaboka yɛ nwo bɔ ɔkɔmaa yɛkohyire ɔdɔ ná yayɔ nnwumaa paa ɔ.

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Hebrifoɛ 3:13

Na mmom ɛmɔtutu bɛ nwo foɛ kyẽa biala bɔ bɛfrɛ ye “Ɛnɛ” ne, na bɔne annakalaka ɛmɔ nu biala amma wanyɛ asoserɛ.

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.