Malaki 3:11 - AHYERƐLƐ KRONGRON

¹¹ Ɛmɔ ti ngosi sɛkyefoɛ ne ate, amaa ɔnate so wanzɛkye ɛmɔ aseɛ so aleɛ ne; yeɛ ɛmɔ fieso bobe amui ne ngɔporo ngogua, Asafo AWURADE noa dwirɛ ɛne.

Malaki 3:11 Iomraidhean Croise

Yeremia 8:13

Ngonua bɛ boso amba, AWURADE noa dwirɛ ɛne. Bengonwu bobe mmaa wɔ bobe bakaa so, yeɛ bengonwu borɔdoma wɔ borɔdoma bakaa so. Bɛ nyaa mɔ po kɔkese, na bɔ mva mane bɛ ne, okofi bɛ sa.

Hosea 2:21

“Na sɔ kyẽa ne, ngotie, ngɔfa mmuayɛɛ ngɔma nyameɛso, na bɛ koso bɛkɔfa mmuayɛɛ bɛkɔma aseɛ, AWURADE noa dwirɛ ɛne.

Yoel 1:12

Bobe ne akese, borɔdoma bakaa ne atwindwam, yeɛ akengaa, ayee ne aprɛ bakaa nemɔ koso sɔ ala; eburo mmakaa amukoraa bakese; ofikyɛ anigye atu amini afi adasa mmaa mɔ nu.

Yoel 1:4

Bɔ aketekyire ali maa waha ne, mmɛbɛ ali; bɔ mmɛbɛ bali maa waha ne, mmɛbɛ mbiri ali; bɔ mmɛbɛ mbiri bali maa waha ne, ɛsaa ali.

Yoel 1:7

Wasɛkye me bobe ne pasaa, wapomba me borɔdoma mmaen nemɔ: wawɔngyewɔngye ye si boen ne wagua; ye maen nemɔ nwo ayɛ hoyaa.

Yoel 2:20

na mmom ɛlɔen bɔ ofi sorɔ dɔ ne, ngɔye ye ngofi ɛmɔ so ngɔhɔ dedeede, na ngɔfoa ye ngɔhɔ aseɛ pralaa katerepee bie aso, bɔ ye nye kyire eyia afiteleɛ ɛpo, ná ye si kyire eyia atɔleɛ ɛpo; ye nwo pambaen kotu kɔwa, na ye mvaa ne kɔbɔ kɔwa, ofikyɛ wayɔ bɔne mbiri mbiri.

Yoel 2:22

Ɛmɔ, eburo ngaka, nnɛma ɛmɔsuro, ofikyɛ ɛserɛ so ngaka aleɛ afefɛ; mmakaa su bɛ mma, borɔdoma ne bobe su biribiraa.

Yoel 2:25

Na afoɛ mɔ bɔ nzomane mmɛbɛ, mmɛbɛ mbiri, ɛsaa ne aketekyire, bɔ bɛte me koɛhonɛfoɛ anwoserɛfoɛ maa bɛwale ɛmɔ berɛ bɛɛsɛkyele nningyein ne, ngosa ngɔfa ngosi ɛmɔ gya nu.

Amose 4:9

“Mafa fieso nningyein kesenɛ ne asukuo nwo amaneɛ mato ɛmɔ so. Mmerɛ bɔ ɛmɔ turo mɔ, ɛmɔ bobe boo mɔ, ɛmɔ borɔdoma mmakaa ne ɛmɔ olive mmakaa yɛle pee ne, mmɛbɛ sɛkyele bɛ, nakoso ɛmɔanza bamma me berɛ,” AWURADE noa dwirɛ ɛne.

Habakuku 3:17

Ɔwɔ nu kyɛ borɔdoma mmɔ nyerɛen, bobe nemɔ benzu mmaa, olive sulɛ wali ngasi, eboo mɔ bɛngye aleɛ, mmoaen nemɔ bɛ boso ayera wɔ tuin ne anu, yeɛ nandwie biala nne tuin nemɔ anu,

Hagae 1:11

Na mato me sa mafrɛ wawa kandinga paa maa wape aseɛ so, mmokaa so, aburoo so, nzaa monɛ so, ngoo so, nikyee biala bɔ benya befi aseɛ so ɔ so, mmenia so, nyɛmmoa so, ɔne ɛmɔ sa noa adwuma mukoraa so.”

Hagae 2:17

Mvale fieso nningyein kesenɛ, asukuo ne asukɔtwea nzɛkyele ɛmɔ sa noa adwuma mukoraa; nakoso ɛmɔanza bamma me berɛ, AWURADE noa dwirɛ ɛne.

Sakaria 8:12

Ofikyɛ nningyein lualɛ kɔyɛ asomdwee nu, bobe kosu ye mma, aseɛ kɔhye aleɛ, anwuro kɔtɔ ye bosue, na maen he mmenia bɔ baha ne, ngɔmaa bekonya ɛhemɔ amukoraa.

Deuteronomi 11:14

ye de ɔkɔma esue kɔtɔ kogua ɛmɔ aseɛ so mmerɛ bɔ ɔsɛ ɔ nu, asuso ne bokyisue, na ɔnate so ekonya aburoo ne nzaa ne ngoo.