Malaki 3:10 - AHYERƐLƐ KRONGRON

¹⁰ Ɛ́mɔfa buru nu ngyɛmuɛ ko ne amukoraa bɛbra nekaa bɔ besie nningyein ne, amaa ɔnate so aleɛ awa m’awuro. Ɛ́mɔfa béso me bɛ́nea, sɛ mengobukye nyameɛso mboma mengɔma ɛmɔ a, sɛ mengohwie saleɛ ngogua ɛmɔ so ma ongobu ngɔfa so a, Asafo AWURADE noa dwirɛ ɛne.

Malaki 3:10 Iomraidhean Croise

Gyenesise 28:22

Na nyɔboɛ he bɔ mafa mapena berɛ mayɛ ngayeɛ nyɔboɛ ye kɔyɛ Nyameɛ awuro, na nikyee biala bɔ ɛkɔma me ne, ngɔma wɔ so buru nu ngyɛmuɛ ko.”

Gyenesise 7:11

Na Nowa lili afoɛ ɛyaa nzia ne, ye bosome nyɔ ne anu kyẽa bɔ ɔtɔ so buru ne nzoo ne, sɔ kyẽa ne, aseɛ bo dɔ nzue mukoraa pu wale, na anwuro nzue mboma mɔ koso bukyebukyele.

2 Ahemvo 7:19

sɔ safohene ne buale Nyameɛ sona ne kyɛ, “Sɛ AWURADE tofitofi ewienu (ma ayuo tɔ gua ase) po a, aso ɛhe kɔhora kosi?” Nakoso Elisa buale kyɛ, “Ɛkɔfa wɔ nye konwu ye, nakoso engoli bie.”

2 Ahemvo 7:2

Yeɛ Yisrael hene safohene bɔ ode ye di paa ne sele Nyameɛ sona ne kyɛ, “Sɛ AWURADE tofitofi ewienu (ma ayuo tɔ gua ase) po a, aso ɛhe kɔhora kosi?” Nakoso Elisa buale ye kyɛ, “Ɛkɔfa wɔ nye konwu ye, nakoso engoli bie.”

1 Aberɛso Dwirɛ 26:20

Lewifoɛ nemɔ anu, Nyameɛ awuro berɛ nekaa bɔ besie nningyein, ɔne nekaa bɔ besie nningyein bɔ batu basie berɛ bama Nyameɛ ne, Ahiya yeɛ né ɔnea so ɔ.

Nehemia 12:44

Sɔ kyẽa ne, sua mɔ bɔ bɛfa akyɛdeɛ nemɔ, fieso aleɛ bɔ bekoli moa bɛkɔfa nemɔ, yeɛ buru nu ngyɛmuɛ ko nemɔ besie nu ne, bɛyele mmenia kyɛ bɛnea so. Mbɔtam berɛ nguro nemɔ, bɛ fieso nningyein kyɛfa bɔ mmeraa ne kyire kyɛ bɛfa bɛma asɔfo ne Lewifoɛ nemɔ ne, né odi kyɛ sɔ mmenia bɔ baye bɛ ne, bɛboaboa ye noa begua nu, ofikyɛ né Yudafoɛ bɛ nye gye asɔfo ne Lewifoɛ b’adwuma bɔ bɛyɔ ne anwo.

Nehemia 12:47

Serubabɛl aberɛ so ne Nehemia aberɛ so, daa daa aleɛ bɔ odi kyɛ bɛfa bɛma edweintolɛfoɛ ne pambim awɛmvoɛ ne, Yisraelfoɛ amukoraa bɛfa bɛbrɛle bɛ. Bɛyele bɔ ɔte krongron ne besiele ahameɛ bɛmane Lewifoɛ nemɔ, na bɔ odi kyɛ bɛfa bɛma Aarɔn boso ama nemɔ ne, Lewifoɛ nemɔ ye siele ahameɛ bɛfa bɛmane bɛ.

Nehemia 13:5

né wasiesie sua piri ko wama Tobia. Sɔ sua ne, né bɛfa sɔ nningyein hemɔ besie nu: aburoo afɔleɛ, ɛyɛɛ, ngukue, aburoo ngyɛmuɛ buru nu ko, nzaa ngyɛmuɛ buru nu ko ne ngoo ngyɛmuɛ buru nu ko bɔ bahyɛ kyɛ bɛfa bɛma Lewifoɛ, edweintolɛfoɛ ɔne pambim awɛmvoɛ, yeɛ afei akyɛdeɛ bɔ bɛfa bɛma asɔfo nemɔ ne.

Edwein 37:3

De AWURADE di, na yɔ bɔ ɔte paa ɔ; amaa ɔnate so anya aseɛ ne aso atena, ná wɔ nwo atɔ wɔ.

Edwein 78:23

Nakoso ɔhyɛle ewienu bɔ ɔwɔ anwuro, na obukyele nyameɛso anoa nemɔ;

Nworɛ Dwirɛhanɛniɛ 11:3

Sɛ esue yi munungum nu tɛkyɛ a, ɔtɔ gua aseɛ so; sɛ bakaa bu tɔ ngwaen anaa sorɔ a, nekaa bɔ bakaa ne tɔle ne, berɛ ala yeɛ ɔkɔla ɔ.

Hesekiel 34:26

Bɛ ne aseɛ bɔ bapɛ me bokaa ne anwo bayia ne, ngɔmaa bɛkɔyɛ saleɛ, na ngɔma esue kɔtɔ wɔ ye mmerɛ nu; ɔkɔyɛ saleɛ esue.

Hesekiel 44:30

Na fieso nningyein mukoraa nu mmaa bɔ oli moa ne, nu paa paa ne, ɔne afɔleɛ ahoroɔ biala bɔ ofi ɛmɔ afɔleɛ mukoraa nu ne, ɔkɔyɛ asɔfo nemɔ deɛ. Na ɛmɔ mɔle bɔ oli moa ne koso, odi kyɛ ɛmɔfa bɛma asɔfo nemɔ, amaa ɔnate so saleɛ awa ɛmɔ awuro.

Hosea 2:21

“Na sɔ kyẽa ne, ngotie, ngɔfa mmuayɛɛ ngɔma nyameɛso, na bɛ koso bɛkɔfa mmuayɛɛ bɛkɔma aseɛ, AWURADE noa dwirɛ ɛne.

Yoel 2:19

Amba, AWURADE buale ye maen sele ye kyɛ, “Ɛ́mɔtie, ngɔbrɛ ɛmɔ aburoo, nzaa ne ngoo, na bɛkɔma ɛmɔ ko koyi; mengɔma ɛmɔngɔyɛ nikyee bɔ bebu ye animtia wɔ maen maen mɔ nu ɔ ko,

Yoel 2:24

Nekaa bɔ bɛboro aburoo ne, aburoo koyi berɛ to, na nzaa ne ngoo koyi angora nemɔ maa okobu kɔfa so.

Lewitikɔso 26:10

Fieso aleɛ daa bɔ ɛmɔafa basie pata so bahyɛ ɔ yeɛ ɛmɔkoli ɔ; ɛmɔkogyi aleɛ daa ne bekogua, koraka né ɛmɔanya ate bafa foforɛ basi ye gya nu.

Lewitikɔso 26:3

“Sɛ ɛmɔdi m’ahyɛdeɛ so, ɛmɔyɛ me mmeraa dwirɛ nwo sotie, ná ɛmɔfa bɛyɔ adwuma nahorɛ nu a,

Lewitikɔso 27:30

“Aseɛ ne aso aleɛ buru nu ngyɛmuɛ ko ne, kyɛ betu befili aseɛnwo oo, anaakyɛ ɔte mmakaammaa oo, ye mukoraa te AWURADE deɛ; bɛte krongron bɛma AWURADE.

Hagae 2:19

Aso aburoo ne bie waha wɔ pata so? Bobe ne borɔdoma ne akengaa ne olive mmakaa nemɔ, benzu mmaa. Ofi ɛnɛ bɔ ɔkɔ ɔ, ngoyira ɛmɔ.”

Numeri 18:21

“Nikyee biala bɔ ɔwɔ Yisrael ne, mafa nu buru nu ngyɛmuɛ ko mama Lewifoɛ. Ɛsolɛ bɔ bɛso wɔ ɛtena sua atenaleɛ ne anu ne, ye nwo akatuaa ɛne.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Deuteronomi 12:6

Berɛ yeɛ ɔsɛ kyɛ ɛmɔfa ɛhemɔ bɛkɔ ɔ: ɛmɔ naen yeralɛ afɔleɛ, ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɛmɔ aboadeɛ afɔleɛ, ɛmɔ akyɛdeɛ afɔleɛ, ɔne ɛmɔ nandwie ne mmoaen bamuɛbaa mɔ.

Deuteronomi 14:22

“Afoɛnoa biala, fa wɔ fieso nningyein buru nu ngyɛmuɛ ko (ma AWURADE).

Deuteronomi 14:29

Ofikyɛ Lewiniɛ (ye de, olle kyɛfa anaa agyapadeɛ biala kyɛbɔ wɔ de anya ye ne), yeɛ afei ɛwɔfoɛ, nyisiaafoɛ ne akunafoɛ bɔ bɛwɔ wɔ kuro ne anu ne, bɛkɔwa bekooli kɔma bɛ ko koyi; na ɔnate so AWURADE wɔ Nyameɛ koyira wɔ wɔ wɔ sa noa adwuma mukoraati bɔ ɛkɔyɔ ɔ nu.

Deuteronomi 28:12

AWURADE kobukye anwuro, nekaa bɔ osie ye nningyein paa ne kɔma wɔ; ɔkɔtɔ nzue kogua w’aseɛ so mmerɛ bɔ ɔsɛ ɔ nu, na okoyira wɔ sa noa adwuma mukoraati. Ɛkɔfa nningyein kɔfɛmo maen maen pee, nakoso wɔ de, ɛngɔfɛmo nikye fee ngofi ebiala berɛ.