Malaki 3:1 - AHYERƐLƐ KRONGRON

¹ “Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Malaki 3:1 Iomraidhean Croise

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Ɛksadɔso 23:20

“Tie, mésoma abɔfo maa odi wɔ nyunu, maa ɔbɔ wɔ nwo waen fa wɔ kɔ nekaa bɔ masiesie ne.

Ɛksadɔso 23:21

Suro ye ná tie ye dwirɛ. Nnɛtwi fa ye dwirɛ so, na ɔngɔfa ɛmɔ mmeraatolɛ ngɔhyɛ ɛmɔ, ofikyɛ me dumaa la ye so.

Yesaya 40:10

Nea, AWURADE Nyameɛ le tumi ɔ́ba, ye tumi asaa ne yeɛ ɔfa di hene ɔ, tie, otira ye akatuaa, yoo, ye akatuaa li ye nyunu.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Hagae 1:13

Yeɛ Hagae bɔ ɔte AWURADE bɔfoɛ ne, ɔhane AWURADE ngraa ne hyirele maen ne kyɛ, “Ngyi ɛmɔ si, AWURADE noa dwirɛ ɛne.”

Malaki 2:4

Na ɛmɔkonwu kyɛ me yeɛ nzomane maa bɛfale sɔ mmeraa dwirɛ ne bɛbrɛle ɛmɔ ɔ, amaa ɔnate so me ne Lewi apam ne watindim, Asafo AWURADE noa dwirɛ ɛne.

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Malaki 4:5

Ɛ́mɔtie, ngɔsoma ngɔmhyɛlɛniɛ Elia wɔ ɛmɔ berɛ koraka né AWURADE kyẽa piri bɔ ɔyɛ suro ne wawa.

Mateo 11:14

na sɛ ɛmɔkuro kyɛ ɛmɔde bɛto nu a, ye ole Elia bɔ ɔ́ba ne.

Luka 1:76

Na wɔ, akwadaa he, bɛkɔfrɛ wɔ Anwuro Anwuroniɛ ne, ye ngɔmhyɛlɛniɛ; ɔnate kyɛ ekoli Awurade nyunu moa ekosiesie ye atee nu,

Luka 19:47

Na daa biala ɔyɛle ngyerɛkyerɛ wɔ asɔneyɛɛ sua ne anu. Né asɔfo mbanyi, ahyerɛlɛfoɛ ne maen mbanyi bɛpena kyɛ ahaa beku ye ɔ,

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 2:38

Na sɔ mmerɛ ne anu ala, ye koso oogyinane berɛ bie yele Nyameɛ ayɛ sɔ ala, na ɔhane akwadaa ne nwo dwirɛ hyirele bɛ bɔ né bɛ́nwondɛ elelɛ bɔ bɛkɔɔpɔ Yerusalem bekole ye ne.

Luka 2:46

Na ɔwale kyɛ, ye ɛlɛsa ne aso, beenwuni ye wɔ asɔneyɛɛ sua ne anu kyɛ ɔte akyerɛkyerɛfoɛ mɔ b’afia, bɔ ótie bɛ ná óbisabisa bɛ dwirɛ ɔ.

Asomafoɛ 19:4

Na Pɔɔlo sele kyɛ, “Nahorɛ nu, Yohane bɔle adwenesakyeralɛ asu, na ɔhã hyirele maen ne kyɛ béle bɔ oli ye si ɔ́ba, bɔ ye ole Yesu ne béli.”

Asomafoɛ 7:38

Mmerɛ bɔ Yisrael ɛlɔen ne yiale ɛserɛ so nen, né Mose boka bɛ so; ɔne yɛ nana mɔ yeɛ né bɛwɔ berɛ ɔ, afei koso né ɔne abɔfo bɔ odwudwo hyirele ye wɔ Sinai Bokaa ne aso ne wɔ berɛ, na olele Nyameɛ ngoa dwirɛ ne mane yɛ.