Malaki 2:9 - AHYERƐLƐ KRONGRON

⁹ Yiti, me koso, maprapra animguaseɛ magua ɛmɔ so, yeɛ mabrɛ ɛmɔ ase wɔ maen maen amukoraa bɛ nyunu, kyɛbɔ ɛmɔmva m’atee so, ná mmom ɛmɔbua ndɛengyea ne ala.”

Malaki 2:9 Iomraidhean Croise

1 Ahemvo 22:28

Yeɛ Mikaya sele kyɛ, “Sɛ efi koɛ ne noa esa ba asomdwee nu a, ye de nna AWURADE yeɛ wafa me so wadwudwo ɔ.” Na ɔtoale so sele kyɛ, “Ɛmɔ amukoraa, ɛ́mɔfa bɛsa terɛ nwo!”

YOB NWOMAA NE 32:21

Mengɔyɛ nyeyemuɛ biala, yeɛ mengɔhã adɛfɛdɛfɛ dwirɛ ngɔfa ebiala nwo.

Anyandera 10:7

Teneneeniɛ nwo ngayeɛ ɔte saleɛ, nakoso bɔnefoɛ de, ye dumaa komini.

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Hesekiel 13:21

Ngɔtete ɛmɔ duku ne anu, ná mapepɛ male me mmenia mafi ɛmɔ sa nu, na bɛngɔyɛ kyɛ naen bɔ ɛmɔahye bɛ ɔ wɔ ɛmɔ sa nu, amaa ɔnate so ɛmɔanwu kyɛ me ole AWURADE.

Hesekiel 7:26

Musue kɔwa kɔtoatoa so, yeɛ ngunga kɔwa kɔtoatoa so; bɛkɔpena nyekyire bekofi ngɔmhyɛlɛniɛ ne berɛ, mmeraa ne anwo nimdeɛ kɔbɔ ɔsɔfo, yeɛ foɛtulɛ kɔbɔ mbanyi mɔ.

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Nahum 3:6

Ngogyi akyiwadeɛ fitii ngogua wɔ so, ngobu wɔ animtia, ngɔmaa ɛkɔkakyi nikyee bɔ mmenia tu bɛ nye begua ye so ɔ.

Malaki 2:3

Tie, ngohwi ɛmɔ bosofoɛ bɛ nyunu, na ngɔfa bondua ngɔpete ɛmɔ nyunu, ɛmɔ aluolue ngaka bondua ne, na bekogyi ɛmɔ ne bondua ne bekogua.

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Luka 10:29

Nakoso ye de, né ɔpena kyɛ obua ye nwo be ne ati, obisale Yesu kyɛ, “Na nwa yeɛ ɔte mmiɛngo ɔ?”

Luka 11:42

“Ɛmɔ Farasiifoɛ, ɛmɔ yaakɔ! Ofikyɛ, ɛmɔfa ɛmeɛ, ɛmanyire ne nyaanyaa biala buru nu ngyɛmuɛ ko bɛma, nakoso ɛmɔbu bɛ nye begua pɛpɛɛpɛyɛlɛ ne Nyameɛ nwo dɔ so. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Galatiafoɛ 2:6

Na bɛ bɔ bebu bɛ nwo kyɛ bedi mu ne, bɛte nzikyɛ mmenia koraa po a, me de ɔmva me nwo; ofikyɛ Nyameɛ de ɔnyɛ nyeyemuɛ, na bɛ bɔ bebu bɛ nwo kyɛ bedi mu ne bamva hwee bammoka so.

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.