Malaki 2:8 - AHYERƐLƐ KRONGRON

⁸ Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Malaki 2:8 Iomraidhean Croise

2 Ahemvo 16:11

Ɔsɔfo Yuria sili afɔleɛ bokyea ne. Kyɛbɔ Nana Ahase fa somane fili Damasko brɛle ye ne, osili ye sɛso koraka yeɛ Nana Ahase ofi Damasko ɔba ɔ.

Nehemia 13:29

Ao me Nyameɛ, kaye bɛ ná ɛne bɛ li, ofikyɛ sɔfolilɛ adwuma ne, yeɛ sɔfolilɛ ne Lewifoɛ apam ne, bagua ye nwo fiɛ.

Edwein 119:102

Nnnili wɔ nhyehyɛleɛ nwo makyebu, ofikyɛ ahyirehyire me.

Edwein 18:21

Ofikyɛ mali AWURADE dwirɛ so, na nnyɔle bɔne nngakyili me si mmmane Nyameɛ.

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Yesaya 30:11

ɛ́mɔmakye béfi atimbire ne aso, ɛ́mɔfi atee ne aso, nnɛmɔmaa yɛte Yisrael Krongronniɛ ne nwo dwirɛ ko.”

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yesaya 9:16

Ofikyɛ bɛ bɔ bekyire maen he atee ne, bɛmaa bemini, na bediedie mmenia bɔ bekyire b’atee ne maa bɛkɔ ewue nu.

Yeremia 17:13

Ao AWURADE, Yisrael anyelasoɛ! Ebiala bɔ ɔpo wɔ ne, ye nyunu kogua ase; bɛ bɔ bɛkakyi bɛ si bɛma me ne, bɛkɔhyerɛ bɛ dumaa wɔ aseɛ so, ofikyɛ bapo AWURADE bɔ ɔte ngoa asue ti ne.

Yeremia 17:5

Bɔ AWURADE kã ɛhe: “Musue to sona bɔ ɔfa ye wora wura sona nu, ná ɔfa ye nwo to sona mmokalɛ so, ná ɔye ye adwene fi AWURADE so ɔ.

Yeremia 18:15

Nakoso me maen de, ye wora afi me, bɛyera ɛyɛɛ mɔ bɛma mmosoen mbaen mbaen mɔ; bamaa basoti wɔ b’atee mɔ so, bafi atimbire daa nemɔ aso, bafa makyebu atee mɔ so, bɔ nna atimbire ahɔ ɔ.

Yeremia 2:8

Asɔfo nemɔ bammisa kyɛ, ‘AWURADE wɔ nisua?’ Yeɛ bɛ bɔ bekyirekyire mmeraa ne anu ne, bɛnze me; bɛ neafoɛ nemɔ, bɛyɔle bɔne betiale me; bosoen Baal yeɛ ngɔmhyɛlɛfoɛ bɛfale ye bɛhyɛle ngɔm ɔ, na belili nningyein bɔ mvasoɛ nne so ɔ si.

Hesekiel 22:26

Ye asɔfo mɔ babu me mmeraa so, bagua me nningyein krongron nemɔ anwo fiɛ; bɛmma nzonzoleɛ nna nningyein bɔ bɛte krongron ɔne bɔ bɛtte krongron ɔ b’afia; yeɛ bengyire nzonzoleɛ bɔ ɔla nikyee bɔ ye nwo te ɔ ɔne bɔ ye nwo nde ɔ b’afia, bɛmva m’afofingyẽa nemɔ bɛnyɛ huu, na bagua me nwo fiɛ wɔ bɛ nu.

Hesekiel 44:10

Na Lewifoɛ bɔ bɛhwene bɛ nwo befili me nwo bɛhɔle dedeede, wɔ mmerɛ bɔ Yisrael lili makyebu beelili bɛ mmosoen mɔ si ne, bɛ sa kɔhã b’amumuyɛɛ nwo asohwenɛ.

Hesekiel 44:12

Na ɔnate kyɛ bɛyɔle ɛsɔnenɛ adwuma bɛmane Yisraelfoɛ wɔ bɛ mmosoen nemɔ anyunu maa ɔnate so ɔyɛle amumuyɛɛ sundidua mane Yisrael awuro ama ne ati, mafɛ bɛ so yaa kyɛ, bɛ sa kɔhã b’amumuyɛɛ nwo asohwenɛ, AWURADE Nyameɛ noa dwirɛ ɛne.

Hesekiel 44:7

Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Lewitikɔso 21:15

amaa ye boso ama nwo angua fiɛ wɔ ye abusua nu; ofikyɛ me ole AWURADE bɔ mete ye nwo ɔ.”

Sefania 3:4

Ye ngɔmhyɛlɛfoɛ bɛte anwohoahoafoɛ, nnakannaka mmenia, ye asɔfo mɔ begua nekaa krongron berɛ nwo fiɛ, na bɛmva mmeraa ne bɛnyɛ huu.

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Malaki 2:5

M’apam ne yɛle ngoa ne asomdwee mane ye, na mva mane ye kyɛ osuro. Osurole me, na me dumaa nwo suronyi tɔle ye so.

Numeri 25:12

Yiti ka kyire ye kyɛ, me ne ye yayɛ m’asomdwee apam.

Numeri 25:13

Na ɛhe kɔyɛ daa sɔfolilɛ nwo apam kɔma ye ne ye boso ama, ofikyɛ wagyina ye gya nu pindinn wama ye Nyameɛ, na wapata wama Yisraelfoɛ.”

Romanfoɛ 14:21

Ɔte paa kyɛ engoli naen anaa ɛngɔno nzaa anaa ɛngɔyɔ nikyee biala bɔ ɔkɔyɛ sundidua kɔma eliɛma ɔ.

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.

1 Samuel 2:17

Yiti mmerandeɛ nemɔ bɔne yɛle piri wɔ AWURADE nyunu, ofikyɛ bamva anidie bamma AWURADE afɔleɛ nemɔ.

1 Samuel 2:24

Daabi, me mma, ɛ́mɔyakyi! Edwirɛ bɔ AWURADE mmenia bɛkeka maa mete ne, ɔtte mayee.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.