Malaki 2:7 - AHYERƐLƐ KRONGRON

⁷ Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Malaki 2:7 Iomraidhean Croise

2 Ahemvo 16:11

Ɔsɔfo Yuria sili afɔleɛ bokyea ne. Kyɛbɔ Nana Ahase fa somane fili Damasko brɛle ye ne, osili ye sɛso koraka yeɛ Nana Ahase ofi Damasko ɔba ɔ.

2 Ahemvo 16:16

Ɔsɔfo Yuria yɔle bɔ Nana Ahase hyɛle ye ne amukoraa.

2 Aberɛso Dwirɛ 30:22

Lewifoɛ bɔ bɛyɔle ɛsɔnenɛ adwuma ne yé ne, Hesekia hyɛle bɛ mukoraa nguraen paa. Yiti mmenia ne belili aluolue aleɛ ne ɛlɛsoo, na bɛbobɔle asomdwee afɔleɛ bɛlale AWURADE bɛ nana mɔ Nyameɛ ne ase.

2 Aberɛso Dwirɛ 31:4

Ɔfale ahyɛdeɛ mane bɛ bɔ bɛte Yerusalem ne kyɛ nningyein bɔ odi kyɛ bɛfa bɛma asɔfo mɔ ne Lewifoɛ mɔ ne, bɛ́fa bɛ́ma bɛ, amaa ɔnate so asɔfo nemɔ ne Lewifoɛ nemɔ bahora batu bɛ nwo basie berɛ bama AWURADE mmeraa ne.

Ɛsra 7:10

Ofikyɛ né Ɛsra watu ye nwo wasie berɛ kyɛ okosua AWURADE mmeraa ne, kyɛ okoli so, ɔne kyɛ okohyirehyire sɔ ahyɛdeɛ ne ɔne nhyehyɛleɛ ne wɔ Yisrael.

Ɛsra 7:25

“Na wɔ, Ɛsra, wɔ Nyameɛ nworɛ bɔ wafa wama wɔ ne, gyina so yeye edwirɛlilɛfoɛ ne maenbulɛfoɛ bɔ bɛse wɔ Nyameɛ mmeraa ne, bɔ bɛkɔla mmenia amukoraa bɔ bɛwɔ asue Yufreti si mbɔtam noa bɛkɔtoto nikyee biala pɛpɛɛpɛ ɔ. Bɛ bɔ bɛnze mmeraa ne koso, ɔsɛ kyɛ ɛmɔkyirekyire bɛ.

Anyandera 5:2

amaa ɔnate so w’adwene nu abukye, ná wɔ noa ahã nimdeɛ dwirɛ.

Nworɛ Dwirɛhanɛniɛ 5:5

Ɔte paa kyɛ ɛngɔhyɛ bɔ tra kyɛ ɛkɔhyɛ bɔ ná anni so ɔ.

Yesaya 42:19

Nwa yeɛ ye nye asi kyɛ me somvoɛ, anaa nwa yeɛ ye so ati kyɛ me bɔfoɛ bɔ mesoma ye ne ɔ? Nwa yeɛ ye nye asi kyɛ bɔ watu ye nwo wasie berɛ wama me ne ɔ, anaa ye nye asi kyɛ AWURADE somvoɛ ne ɔ?

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Yeremia 15:19

Yiti bɔ AWURADE kã ɛhe: “Sɛ esa wɔ si ɛba a, ngosa ngole wɔ, na ekoogyina me nyunu. Sɛ ɛkã edwirɛ bɔ odi mu, ná angekã edwirɛ mbaen mbaen a, ye de, ɛkɔyɛ kyɛ me kyeame. Bɛ yeɛ bekosa bɛkɔwa wɔ berɛ ɔ, nna wɔ yeɛ ɛkɔhɔ bɛ dɔ ɔ.

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Yeremia 2:8

Asɔfo nemɔ bammisa kyɛ, ‘AWURADE wɔ nisua?’ Yeɛ bɛ bɔ bekyirekyire mmeraa ne anu ne, bɛnze me; bɛ neafoɛ nemɔ, bɛyɔle bɔne betiale me; bosoen Baal yeɛ ngɔmhyɛlɛfoɛ bɛfale ye bɛhyɛle ngɔm ɔ, na belili nningyein bɔ mvasoɛ nne so ɔ si.

Hesekiel 22:26

Ye asɔfo mɔ babu me mmeraa so, bagua me nningyein krongron nemɔ anwo fiɛ; bɛmma nzonzoleɛ nna nningyein bɔ bɛte krongron ɔne bɔ bɛtte krongron ɔ b’afia; yeɛ bengyire nzonzoleɛ bɔ ɔla nikyee bɔ ye nwo te ɔ ɔne bɔ ye nwo nde ɔ b’afia, bɛmva m’afofingyẽa nemɔ bɛnyɛ huu, na bagua me nwo fiɛ wɔ bɛ nu.

Hesekiel 7:26

Musue kɔwa kɔtoatoa so, yeɛ ngunga kɔwa kɔtoatoa so; bɛkɔpena nyekyire bekofi ngɔmhyɛlɛniɛ ne berɛ, mmeraa ne anwo nimdeɛ kɔbɔ ɔsɔfo, yeɛ foɛtulɛ kɔbɔ mbanyi mɔ.

Daniel 11:33

Na maen ne anu mmenia bɔ b’adwene nu pi ne, bekohyirehyire nu bekohyire mmeni pee maa bɛkɔte ye bo; ɔwɔ nu kyɛ bɛkɔtotɔ ngrandɛ noa de, bɛkɔyera bɛ, bɛkɔhye bɛ nnure, yeɛ bɛkɔbɔ bɛ nningyein apaa mmerɛ kãa.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Lewitikɔso 10:11

na odi kyɛ ɛmɔkyirekyire Yisraelfoɛ ahyɛdeɛ bɔ AWURADE nate Mose so ha hyirele bɛ ne amukoraa.”

Sefania 3:4

Ye ngɔmhyɛlɛfoɛ bɛte anwohoahoafoɛ, nnakannaka mmenia, ye asɔfo mɔ begua nekaa krongron berɛ nwo fiɛ, na bɛmva mmeraa ne bɛnyɛ huu.

Hagae 1:13

Yeɛ Hagae bɔ ɔte AWURADE bɔfoɛ ne, ɔhane AWURADE ngraa ne hyirele maen ne kyɛ, “Ngyi ɛmɔ si, AWURADE noa dwirɛ ɛne.”

Sakaria 7:3

ná bebisa Asafo AWURADE awuro berɛ asɔfo mɔ ne ngɔmhyɛlɛfoɛ nemɔ kyɛ, “Aso nni aworabɔlɛ ná ngye hɔen wɔ bosome bɔ ɔtɔ so nnu ne anu, kyɛbɔ mayɔ ye afoɛ worawora ye anu ye anaa?”

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Numeri 27:21

Nakoso odi kyɛ ɔba ɔsɔfo Eleasa nyunu maa ɔfa Yurim so obisa AWURADE noa dwirɛ ɔma ye wɔ AWURADE nyunu. AWURADE noa dwirɛ so yeɛ odi kyɛ ɔne Yisrael maen ne amukoraa begyina bɛyɔ nikyee biala ɔ.”

Yohane 13:20

Nahorɛ nu paa, mekã mekyire ɛmɔ kyɛ, ebiala bɔ ode sona bɔ mesoma ye nen, ode me; na ebiala bɔ ode me nen, ode bɔ ɔsomane me ne.”

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

Galatiafoɛ 4:14

Ɔwɔ nu kyɛ m’anwonyerɛ ne yɛle nzɔhwɛ mane ɛmɔ, nakoso ɛmɔammu me animtia, yeɛ ɛmɔambo me; na mmom ɛmɔlele me nyemene so kyɛ nyameɛso abɔfo, kyɛ ɛmɔkɔyɛ Kristo Yesu ne ala.

Deuteronomi 21:5

Afei Lewi bosofoɛ bɔ bɛte asɔfo ne, ɔsɛ kyɛ bɛkɔ berɛ, ofikyɛ AWURADE wɔ Nyameɛ waneanea nu waye bɛ kyɛ bégyina ye nyunu bɛ́so ye, ná bɛ́fa AWURADE dumaa béyirayira mmenia. Na bɛ noa dwirɛ yeɛ bekogyina so bekobua aporowaa ne ngondii mukoraa nwo ndɛen ɔ.

Deuteronomi 24:8

“Sɛ kwata anwonyerɛ yɛ wɔ a, nikyee biala bɔ Lewifoɛ bɔ bɛte asɔfo ne kohyire wɔ kyɛ ɛyɔ ne, nea kyɛ ɛkɔyɔ ye pɛpɛɛpɛ ɔ; na kyɛbɔ mahyɛ bɛ nen, sɔ ala yeɛ yɔ ɔ.

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

1 Samuel 2:17

Yiti mmerandeɛ nemɔ bɔne yɛle piri wɔ AWURADE nyunu, ofikyɛ bamva anidie bamma AWURADE afɔleɛ nemɔ.