Malaki 2:6 - AHYERƐLƐ KRONGRON

⁶ Nahorɛ mmeraa ne yɛle ye noa dwirɛ, na amumuyɛɛ biala wamvite ye noa. Asomdwee ne pɛpɛɛpɛyɛlɛ nu yeɛ ɔne me natele ɔ, na ɔmane mmeni pee bɛyakyili amumuyɛɛyɔlɛ.

Malaki 2:6 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 6:9

Nowa boso ama ɛhe: Né Nowa te sona bɔ ɔtengyɛ, bɔ ngekalewa biala nne ye bra nu wɔ ye aberɛ so mmenia nu ɔ. Nowa fale ye nwo bɔle Nyameɛ.

Edwein 119:142

Wɔ tenenee ne, ɔte tenenee afebɔɔ, na wɔ mmeraa yeɛ ɔte nahorɛ ɔ.

Edwein 119:151

Nakoso AWURADE, wɔ, epingye, na wɔ mmeraa dwirɛ amukoraa te nahorɛ.

Edwein 37:30

Teneneeniɛ kã nworɛ dwirɛ, na ye noa dwirɛ te nahorɛ turoloo.

Edwein 37:37

Hyɛ sona bɔ ye bra te sannwuu ɔ nzorɛ, ná nea teneneeniɛ, ofikyɛ sɔ sona ne, ye ayieleɛ te asomdwee.

Anyandera 5:2

amaa ɔnate so w’adwene nu abukye, ná wɔ noa ahã nimdeɛ dwirɛ.

Yeremia 23:22

Nakoso sɛ bɛmaa me ne bɛ yɛtuli agyina, yeɛ sɛ bɛmane me maen bɛtele me dwirɛ a, ahaa bɛmaa bɛsesane befili b’atee tɛɛ ne aso, ɔne bɛ bɔne yɔleɛ ne anwo.

Daniel 12:3

Bɛ bɔ bɛte mmadwemma ne, bɛkɔta kyɛbɔ ewienu ta ɔ; yeɛ bɛ bɔ behyirehyirele mmeni pee maa bɛfale tenenee atee so ne, bɛ wora bɛkɔta kyɛ nzramaa afebɔɔ.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Mateo 22:16

Na bɛsomane b’asuafoɛ mɔ ne Herodefoɛ maa bɛwale ye berɛ beebisale ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ekyirekyire Nyameɛ atee ne turoloo, ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea.

Marko 12:14

Na bɛwale nen, besele ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea, na mmom ekyirekyire Nyameɛ atee ne nahorɛ nu. Aso mmeraa ma ate kyɛ yɛtua ɛtoɔ yɛma Kaesare, anaakyɛ ɔmma ate? Yɛ́tua anaakyɛ nnɛmaa yɛtua?”

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Luka 20:21

Yiti bebisale ye kyɛ, “Kyerɛkyerɛniɛ, yɛse kyɛ wɔ noa dwirɛ ne wɔ ngyerɛkyerɛ te turoloo, yeɛ ɛmva wɔ nye ndo sona ye dibea, na mmom ekyirekyire Nyameɛ atee ne nahorɛ nu.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Deuteronomi 33:10

Bekohyire Yakob wɔ nhyehyɛleɛ ne, ná bahyire Yisrael wɔ mmeraa ne; bɛkɔfa ayirefona bɛkɔwa wɔ nyunu, ná babɔ afɔleɛ mumua yeralɛ wɔ w’afɔleɛ bokyea ne aso.

Deuteronomi 33:8

Bɔ ɔha fale Lewi nwo ɛhe: Fa wɔ Tumim ne ma Lewi, fa wɔ Yurim ne ma wɔ krongronniɛ ne, bɔ esole ye neane wɔ Masa, ná ɛne ye perele so wɔ Meriba asue nwo ne.

Deuteronomi 33:9

Ye bɔ ɔhane edwirɛ fale ɔse ne oni nwo kyɛ, ‘Memva bɛ menyɛ huu’; obuli ye nye guale oliɛma mɔ so, na ɔpole ye mma mɔ. Ofikyɛ Lewifoɛ lele wɔ dwirɛ bɛtole nu, na belili w’apam ne aso.

Nyekyire 14:5

Bɛ yeɛ bɛppɛle ngondombo le ɔ, ofikyɛ ngekalewa biala nne bɛ nwo.

1 Samuel 2:12

Eli mma nemɔ, né bɛte busuefoɛ mmenia. Né bɛmva AWURADE bɛnyɛ huu;