Malaki 2:5 - AHYERƐLƐ KRONGRON

⁵ M’apam ne yɛle ngoa ne asomdwee mane ye, na mva mane ye kyɛ osuro. Osurole me, na me dumaa nwo suronyi tɔle ye so.

Malaki 2:5 Iomraidhean Croise

Edwein 61:5

Ofikyɛ wɔ, Nyameɛ, ate me bɔhyɛ ne, bɛ bɔ besuro wɔ dumaa ne, afa b’agyapadeɛ ama me.

Anyandera 14:2

Sona bɔ ɔnate nahorɛlilɛ atee so ne, osuro AWURADE, nakoso bɔ ɔnate atee tɛɛ so ne de, obu ye animtia.

Hesekiel 34:25

“Me ne bɛ yɛkɔyɛ asomdwee apam, na ngotu ngaka aboyaa mɔ bo ngofi aseɛ ne aso, amaa ɔnate so batena ɛserɛ ne aso asomdwee nu, ná balela ɛhɔayeɛ nemɔ anu.

Hesekiel 37:26

Asa koso, me ne bɛ yɛkɔyɛ asomdwee apam, ɔkɔyɛ me ne bɛ daa apam; ngɔmaa bekotindim, ngɔmaa bɛkɔta pee, na ngɔfa me nekaa krongron ne ngosie bɛ nu afebɔɔ.

Numeri 25:7

Mmerɛ bɔ Finehase, bɔ ɔse ole ɔsɔfo Aarɔn awa Eleasa nwuni ye ne, odwɔsole hwene ye nwo fili mmenia ne anu. Ɔfale pealɛɛ tirale,

Numeri 25:8

na ɔpole Yisraelniɛ biaa ne wɔ ɛtena sua nu berɛ. Ɔfale pealɛɛ ne wɔle Yisraelniɛ biaa ne ɔne Midianniɛ braa ne bɛ munyɔ bɛ kunu. Na amaneɛ ne fili Yisraelfoɛ so.

Numeri 3:45

“Fa Lewifoɛ mɔ si Yisraelfoɛ bamuɛbaa amukoraati bɛ gya nu, ná Lewifoɛ bɛ nyɛmmoa mɔ koso, fa bɛ si Yisraelfoɛ bɛ nyɛmmoa mɔ gya nu, na Lewifoɛ mɔ kɔyɛ me deɛ: Me ole AWURADE.

Numeri 8:15

Sɛ ɛte Lewifoɛ mɔ anwo yie, ná ɛfa bɛ yɛ ɛnwahanɛ afɔleɛ wɔ AWURADE nyunu a, ye si ye, odi kyɛ Lewifoɛ mɔ bɛkɔhyɛ b’adwuma bo wɔ ɛtena sua atenaleɛ ne anu berɛ.