Malaki 2:4 - AHYERƐLƐ KRONGRON

⁴ Na ɛmɔkonwu kyɛ me yeɛ nzomane maa bɛfale sɔ mmeraa dwirɛ ne bɛbrɛle ɛmɔ ɔ, amaa ɔnate so me ne Lewi apam ne watindim, Asafo AWURADE noa dwirɛ ɛne.

Malaki 2:4 Iomraidhean Croise

1 Ahemvo 22:25

Na Mikaya buale kyɛ, “Kyẽa bɔ ɛkɔnwati kɔɔfea pumbu nu ne yeɛ ekonwu ye ɔ.”

Nehemia 13:29

Ao me Nyameɛ, kaye bɛ ná ɛne bɛ li, ofikyɛ sɔfolilɛ adwuma ne, yeɛ sɔfolilɛ ne Lewifoɛ apam ne, bagua ye nwo fiɛ.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yeremia 28:9

Na ngɔmhyɛlɛniɛ bɔ ɔhyɛ ngɔm kyɛ asomdwee kɔwa ne, sɛ sɔ ngɔmhyɛlɛniɛ ne ye dwirɛ ne ba nu a, ye de bekonwu ye kyɛ AWURADE yeɛ wasoma sɔ ngɔmhyɛlɛniɛ ne amba.”

Hesekiel 33:33

Na sɛ sɔ dwirɛ ne ba nu a, yoo, ɔkɔwa nu koso amba, yeɛ afei bekonwu kyɛ ngɔmhyɛlɛniɛ bie ɔne bɛ baatena le ɔ.”

Hesekiel 38:23

Yiti ngɔla me piri ne me krongronyɛlɛ ali. Na ngɔye me nwo ali ngɔma maen maen pee bekonwu me, na afei bekonwu kyɛ me ole AWURADE.

Hesekiel 44:7

Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Numeri 18:2

Yiti fa eliɛma mɔ bɔ bɛte wɔ nana Lewi abusua kure nu ama ne bra maa bɛɛboka wɔ so, ná bɛso wɔ mmerɛ bɔ yeɛ ɛne wɔ mma mɔ ɛmɔwɔ apam ɛtena sua ne anyunu ɔ.

Numeri 18:21

“Nikyee biala bɔ ɔwɔ Yisrael ne, mafa nu buru nu ngyɛmuɛ ko mama Lewifoɛ. Ɛsolɛ bɔ bɛso wɔ ɛtena sua atenaleɛ ne anu ne, ye nwo akatuaa ɛne.

Numeri 25:12

Yiti ka kyire ye kyɛ, me ne ye yayɛ m’asomdwee apam.

Numeri 3:11

Na AWURADE sele Mose kyɛ,

Numeri 3:12

“Nea, maye Lewifoɛ ne mafi Yisraelfoɛ nu, na mafa bɛ masi Yisraelfoɛ bamuɛbaa mɔ amukoraa bɛ gya nu. Lewifoɛ mɔ kɔyɛ me deɛ,

Numeri 3:45

“Fa Lewifoɛ mɔ si Yisraelfoɛ bamuɛbaa amukoraati bɛ gya nu, ná Lewifoɛ bɛ nyɛmmoa mɔ koso, fa bɛ si Yisraelfoɛ bɛ nyɛmmoa mɔ gya nu, na Lewifoɛ mɔ kɔyɛ me deɛ: Me ole AWURADE.

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Luka 10:11

‘Ɛmɔ kuro wa mvuture po bɔ wahã yɛ gya bo ne, yɛporoporo yɛgua ɛmɔ ti so; na yɛ́ma ɛmɔnwu ye kyɛ, Nyameɛ ahennie ne wapingye ɛmɔ.’

Yohane 15:2

Me nwo mmaen biala bɔ onzu mmaa ne, ɔpɛ to; na mmaen biala bɔ osu mmaa ne de, ɔye ye nwo, amaa ɔnate so wasu mmaa pee.