Malaki 2:16 - AHYERƐLƐ KRONGRON

¹⁶ Ofikyɛ mekyi agyaayiralɛ, AWURADE Yisrael Nyameɛ noa dwirɛ ɛne; yeɛ sona bɔ ɔfa nzɛmmɔne kata ye tena so ɔ, Asafo AWURADE noa dwirɛ ɛne. Yiti ɛ́mɔnea ɛmɔ nwo yé wɔ ɛmɔ sunzum nwo, ná ɛmɔammɔ sɔ nnakannaka bra ne.

Malaki 2:16 Iomraidhean Croise

Edwein 73:6

Yiti bafa anwomasoɛ baya kyɛ akomuade; bahera basabasayɔlɛ kyɛ ɛtena.

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Anyandera 5:20

Mma, nzu ati yeɛ odi kyɛ ɛma brasua sanzaniɛ ye hurolɛ di wɔ ti maa ɛsosɔ brasua foforɛ nyɔfone nu ɔ?

Yesaya 28:20

Ofikyɛ mba ne te tika bɔ sona ngora ye nu tengyɛ wɔ so ɔ, yeɛ dabua ne te teamaa bɔ ɔnzo sona nwo gurɔ ɔ.

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Yesaya 59:6

Bɛ ndendaen ne, ɔngɔyɛ ɛtena, yeɛ bɛ yɔleɛ ne koso, bɛfa begurɔ bɛ nwo a ɔnyɛ yee. Bɛ yɔleɛ te abusudeɛ, na atutureasɛm ali bɛ ti.

Luka 16:18

“Bienzua biala bɔ okoyira ɔye ná okogya braa foforɛ nen, ɔsɛkye agyaa; yeɛ bienzua biala bɔ okogya brasua bɔ ohu ayira ye nen, ɔsɛkye agyaa.

1 Korintofoɛ 7:10

Na bɛ bɔ bagya bie ne de, bɔ mekã ye, nna me mmeraa ɔ, na mmom Awurade deɛ ɔ. Nnɛma brasua yira ohu.