Malaki 2:12 - AHYERƐLƐ KRONGRON

¹² Na bienzua biala bɔ ɔyɔ sɔ, kyɛ okyirekyire oo, anaa osua oo, AWURADE konua ye boso ama mukoraa bɛ bo kofi Yakob ɛtena sua nu, bɔ ebiala ngɔha bɔ ɔkɔfa afɔleɛ kɔbrɛ Asafo AWURADE ɔ.

Malaki 2:12 Iomraidhean Croise

1 Aberɛso Dwirɛ 25:8

Mbanyi oo, ngwadaa oo, bɛ bɔ bekyire oo, bɛ bɔ besua oo, bɛfale serewagualɛ so yeɛ bɛhyɛle b’edweintolɛ adwuma ne bɛmane bɛ ɔ.

Yesaya 61:8

Ofikyɛ me, AWURADE, mekuro pɛpɛɛpɛyɛlɛ, mekyi naen yeralɛ afɔleɛ bɔ ɔte awue nikye ɔ, ngogyina pɛpɛɛpɛyɛlɛ so ngɔma bɛ akatuaa, na me ne bɛ yɛkɔyɛ apam afebɔɔ.

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Hesekiel 14:10

B’amumuyɛɛ kɔbɔ bɛ ti so: ngɔmhyɛlɛniɛ ne, ye asohwenɛ ne, ɔte kyɛ sona bɔ wahɔ abisa ɔ ye asohwenɛ deɛ ne ala;

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hosea 9:12

Sɛ bɛtete mmaa po a, ngɔmaa bekoli abawuo bɔ baa ko po ngɔha ɔ; amba, sɛ meyakyi bɛ nu a, bɛ yaakɔ!

Lewitikɔso 18:29

Ofikyɛ ebiala bɔ ɔkɔyɔ akyiwadeɛ hemɔ anu biala ne, odi kyɛ bɛpɛ ye asue befi maen ne anu.

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Amose 5:22

Ɔwɔ nu kyɛ ɛmɔbɔ naen yeralɛ afɔleɛ ne aleɛ afɔleɛ bɛma me, nakoso menne mendo nu; yeɛ ɛmɔ nandwie sayɛɛ asomdwee afɔleɛ ne, mengɔfa me nye mengɔnea.

Sakaria 12:7

“AWURADE koli moa kɔpepɛ kole Yuda ɛtena sua mɔ, amaa ɔnate so Dawide awuro ama animnyam ne Yerusalemfoɛ b’animnyam bambagya bandra Yuda.

Malaki 1:10

O, ɛmɔ nu nwa yeɛ ɔkɔɔtoto anoa nemɔ anu ɔ, amaa ɔnate so ɛmɔangɔ anzɔ m’afɔleɛ bokyea ne aso see mbaen. Me kunu ndwo wɔ ɛmɔ nwo, yeɛ mengole ɛmɔ sa nu afɔleɛ ne, Asafo AWURADE noa dwirɛ ɛne.

Malaki 1:13

Ɛmɔsa bɛkã kyɛ, Eh, nzikyɛ ɛfɛɛ ɛhe? Na ɛmɔsobi bɛ noa begua so, Asafo AWURADE noa dwirɛ ɛne. Kaka bɔ ɛmɔali aminɛ banya ye, anaa kaka bɔ wabubu, anaa bɔ ɔnde apɔ ɔ yeɛ ɛmɔfa bɛbabɔ afɔleɛ ɔ. Aso odi kyɛ mede ɛhe mefi ɛmɔ berɛ anaa? Asafo AWURADE noa dwirɛ ɛne.

Malaki 2:10

Aso nna Seɛ komapɛ yeɛ yɛ mukoraa yɛle ye ɔ? Aso nna Nyameɛ komapɛ yeɛ ɔbɔle yɛ ɔ? Na ɔwale ye sɛ bɔ ebiala pepɛ ngondombo okyire obiɛngo, bɔ yɛfa yɛgua yɛ nana mɔ apam ne anwo fiɛ ɔ?

Numeri 24:5

O Yakob, wɔ ɛtena sua mɔ yɛ nyemene, O Yisrael, w’atenaleɛ mɔ yɛ nyemene!

Mateo 15:14

Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

1 Samuel 3:14

Na ɔnate sɔ ati, meta Eli abusua nwo ndaen kyɛ, kaka afɔleɛ anaa aleɛ afɔleɛ biala nne berɛ bɔ ɔkɔhora kɔpata kɔma Eli abusua amumuyɛɛ ɔ le.”