Malaki 2:11 - AHYERƐLƐ KRONGRON

¹¹ Yuda anni nahorɛ, na bɛbɔ akyiwadeɛ bra wɔ Yisrael ne Yerusalem; ofikyɛ AWURADE nekaa krongron bɔ ɔla ye ahone nwo ne, Yuda agua ye nwo fiɛ, na wagya bosoen ɛwɔfoɛ bie ɔwa brasua.

Malaki 2:11 Iomraidhean Croise

Ɛsra 10:2

Na Elam bosoniɛ Yehiel ɔwa Sekania sele Ɛsra kyɛ, “Yanni nahorɛ yamma yɛ Nyameɛ, kyɛ yagyigya Amaenmaensofoɛ mmrasua bɔ bɛwɔ aseɛ ne aso ɔ. Nakoso ɛhe asi ye po, anyelasoɛ wɔ berɛ ma Yisrael.

Ɛsra 9:12

Yiti nnɛma ɛmɔfa ɛmɔ mma mmrasua bɛma bɛ mma mmienzua mɔ begya, yeɛ nnɛma ɛmɔgyigya bɛ mma mmrasua bɛma ɛmɔ mma mmienzua. Nnɛma ɛmɔpena bɛ ne asomdwee anaa paa, amaa ɔnate so ɛmɔ nwo ayɛ se, ná ɛmɔali aseɛ ne aso nningyein paa, ná ɛmɔafa bayakyi ɛmɔ mma mɔ maa wayɛ agyapadeɛ afebɔɔ.’

Edwein 106:28

Afei bɛfale bɛ nwo bɛɛbɔle bosoen Baal Peɔ, na belili afɔleɛ mɔ bɔ babɔ bama awufoɛ ɔ.

Yeremia 2:3

Né Yisrael te krongron ma AWURADE, ye fieso aleɛ bɔ olili moa fale hɔ ɛne; bɛ bɔ belili bie amukoraa belili fɔ; musue tole bɛ, AWURADE noa dwirɛ ɛne.”

Yeremia 3:10

Nakoso ɛhe amukoraa si ne, oliɛma brasua ngondomboniɛ Yuda wanza wamva ye ahone amukoraa wamma me berɛ, na mmom ɔyɔle sɔ wɔ nnakannaka atee so, AWURADE noa dwirɛ ɛne.”

Yeremia 7:10

ná afei ɛmɔagyina me nyunu wɔ awuro ye bɔ me dumaa la so ɔ ye anu, ná ɛmɔahã kyɛ, ‘Edwirɛ tɛɛ biala ngɔto yɛ!’ ná ɛmɔahɔ so babɔ sɔ akyiwadeɛ bra he amukoraa?

Hesekiel 18:13

ɔbɔ bosea fa nzihoɛ si ye nwo, anaa ode bie boka so a, aso okonya ngoa anaa? Ongonya ngoa. Wabɔ sɔ akyiwadeɛ bra ne amukoraa; ewue yeɛ okowu ɔ, na ye bɔbɔ ye mogya kɔbɔ ye ti so.

Hesekiel 22:11

Ebie ne obiɛngo aye bɛbɔ akyiwadeɛ bra; ebie ɔbɔ nyanzoen bra ɔfa ɔwa bienzua aye; na wɔ nu yeɛ ebie to oliɛma brasua bɔ ɔne ye bɛte seɛ mmaa mmɔnaa ɔ.

Hosea 6:7

Na mmom babu apam ne aso kyɛ Adam ala, berɛ yeɛ banni nahorɛ bamma me ɔ.

Lewitikɔso 20:26

Ɛ́mɔyɛ krongron bɛ́ma me, ofikyɛ me AWURADE, nde krongron, na maye ɛmɔ masie ahameɛ mafi maen ngaa nemɔ anu mayɛ me deɛ.

Malaki 1:1

AWURADE noa dwirɛ bɔ ɔnate Malaki so ɔfa brɛle Yisrael ne, ye ɛhe.

Deuteronomi 14:2

Ofikyɛ ɛte maen krongron ma AWURADE wɔ Nyameɛ, na AWURADE aneanea nu waye wɔ wafi aseɛ so mmenia mukoraati nu kyɛ ɛyɛ ye bɔbɔ ye maen.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Maenbulɛfoɛ 3:6

Na Yisraelfoɛ gyigyale bɛ mma mmrasua mɔ, yeɛ bɛfale bɛ mma mmrasua deɛ mɔ bɛmomane Kaananfoɛ mma mmienzua agyaa. Afei bɛsole Kanaanfoɛ mmosoen nemɔ.