Malaki 2:10 - AHYERƐLƐ KRONGRON

¹⁰ Aso nna Seɛ komapɛ yeɛ yɛ mukoraa yɛle ye ɔ? Aso nna Nyameɛ komapɛ yeɛ ɔbɔle yɛ ɔ? Na ɔwale ye sɛ bɔ ebiala pepɛ ngondombo okyire obiɛngo, bɔ yɛfa yɛgua yɛ nana mɔ apam ne anwo fiɛ ɔ?

Malaki 2:10 Iomraidhean Croise

Nehemia 13:29

Ao me Nyameɛ, kaye bɛ ná ɛne bɛ li, ofikyɛ sɔfolilɛ adwuma ne, yeɛ sɔfolilɛ ne Lewifoɛ apam ne, bagua ye nwo fiɛ.

YOB NWOMAA NE 31:15

Ye bɔ ɔbɔle me tole me ni akunu ne, aso nna ye ala yeɛ ɔnwone yɛ tole yɛ ni mɔ akunu ɔ?

Edwein 100:3

Ɛ́mɔnwu ye kyɛ AWURADE yeɛ ɔte Nyameɛ ɔ, ye yeɛ ɔbɔle yɛ ɔ, na yɛte ye deɛ; yɛte ye maen ne ye mmoaen bɔ ɔma bɛ aleɛ ɔ.

Ɛksadɔso 19:4

Ɛmɔ bɔbɔ ɛmɔanwu bɔ mva nyɔle Misraimfoɛ ɔ, ɔne kyɛbɔ nnodole ɛmɔ wɔ kɔleɛ ndaa so, ná mvale ɛmɔ mmale me berɛ ɔ.

Ɛksadɔso 19:5

Na afei de, sɛ ɛmɔkoli me dwirɛ so, ná ɛmɔali m’apam ne aso a, ye de, ɛmɔkɔyɛ me bɔbɔ deinn me deɛ wɔ mmenia mukoraati nu, ofikyɛ aseɛ mukoraati te me deɛ.

Ɛksadɔso 24:3

Mose wale, na ɔɔfale AWURADE dwirɛ amukoraa ne ye nhyehyɛleɛ amukoraa bɔle mmenia ne amaneɛ, na mmenia ne amukoraa bɔle nu hane kyɛ, “Edwirɛ biala bɔ AWURADE aha ne, yɛkoli so.”

Ɛksadɔso 24:7

Afei ɔfale apam nwomaa ne, ɔkengale mane mmenia ne tiele, na besele kyɛ, “Edwirɛ biala bɔ AWURADE aha ne, yɛkɔyɔ, na yɛkoli so.”

Yesaya 43:1

Na afei, O Yakob, AWURADE bɔ ɔbɔle wɔ, O Yisrael, ye bɔ ɔnwone wɔ ne, ɔnwa nyoo: “Nnɛsuro, ofikyɛ maapɔ wɔ male wɔ, mabɔ wɔ dumaa mafrɛ wɔ, ɛte me deɛ.

Yesaya 43:15

Me ole AWURADE, ɛmɔ Krongronniɛ ne, ɛmɔ Hene ne, bɔ ɔbɔle Yisrael ne.”

Yesaya 43:7

ebiala bɔ bɛfa me dumaa bɛfrɛ ye ɔ, bɔ mmɔle ye kyɛ ɔhyɛ me animnyam ɔ, bɔ nwone ye, ná nyɔle ye ɔ.”

Yesaya 44:2

AWURADE bɔ ɔbɔle wɔ, bɔ ɔnwone wɔ wɔ eni akunu, bɔ ɔboka wɔ ne, ɔnwa nyoo: Nnɛsuro, O, me somvoɛ Yakob, wɔ, Yesurun bɔ maneanea nu maye wɔ ɔ.

Yesaya 51:2

Ɛ́mɔnea ɛmɔ nana Abraham ne Sara bɔ bɛwole ɛmɔ ne; ofikyɛ mvrɛle Abraham ne, né ɔte sona horɛ, nyirale ye, na mmaa ɔtale pee.

Yesaya 63:16

Ofikyɛ wɔ yeɛ ɛte yɛ Baba ɔ, ɔwɔ nu kyɛ Abraham nze yɛ, yeɛ Yisrael koso onne yɛ ndo nu; O AWURADE, wɔ yeɛ ɛte yɛ Baba ɔ, yɛ Defoɛ, wɔ dumaa ne ɔwɔ berɛ fi tetetete.

Yesaya 64:7

Ebiala nne berɛ bɔ ɔbɔ wɔ dumaa sɔne wɔ ɔ bɔ waye ye kunu wafa ye nwo wabɔ wɔ ɔ; ofikyɛ aye wɔ nye ato buro afea yɛ, na yɛ amumuyɛɛ ti ahũhũ yɛ.

Yesaya 64:8

Nakoso, O AWURADE, wɔ yeɛ ɛte yɛ Baba ɔ, yɛ de, yɛte ɛfaa, na wɔ yeɛ ɛnwo yɛ ɔ; na yɛ mukoraa yɛte wɔ sa noa adwuma.

Yeremia 31:9

Bele esuɛ ne ngotosrɛ yeɛ bɛkɔwa ɔ, na ngoli bɛ nyunu. Ngɔmaa bɛkɔnate bɛkɔhɔ asue noa, wɔ atee bɔ ɔtengyɛ bɔ bengosoti wɔ so ɔ so; ofikyɛ me yeɛ nde Yisrael ye baba ɔ, na Efraim yeɛ ɔte me bamuɛbaa ɔ.

Hesekiel 33:24

“Sona awa, mmenia bɔ bɛtete sɔ Yisrael aseɛ bɔ wakakyi kurofoen ne aso ne, bɛnwa, ‘Né Abraham te sona horɛ, yeɛ onyane aseɛ ne fa yɛle ye deɛ ɔ; nakoso yɛ de yɛsone, na yɛ mmom yeɛ bafa aseɛ ne bama yɛ kyɛ yɛfa yɛyɛ yɛ deɛ ɔ.’

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Malaki 2:11

Yuda anni nahorɛ, na bɛbɔ akyiwadeɛ bra wɔ Yisrael ne Yerusalem; ofikyɛ AWURADE nekaa krongron bɔ ɔla ye ahone nwo ne, Yuda agua ye nwo fiɛ, na wagya bosoen ɛwɔfoɛ bie ɔwa brasua.

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Mateo 10:21

“Aliɛmaa kɔye aliɛmaa kɔma maa bekohu ye, seɛ kɔye baa kɔma, na mmaa kodwɔso kotia awofoɛ maa bekohu bɛ.

Mateo 22:16

Na bɛsomane b’asuafoɛ mɔ ne Herodefoɛ maa bɛwale ye berɛ beebisale ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ekyirekyire Nyameɛ atee ne turoloo, ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea.

Mateo 3:9

Na nnɛma ɛmɔlakalaka ɛmɔ nwo bɛka kyɛ, ‘Abraham bosofoɛ ole yɛ’; na mekã mekyire ɛmɔ kyɛ, Nyameɛ kɔhora kɔkakyi nyɔboɛ hemɔ maa bɛkɔyɛ Abraham bosofoɛ.

Luka 1:73

Ndaen bɔ ɔta hyirele yɛ nana Abraham

Luka 3:8

Ɛ́mɔbɔ bra bɔ ɔfata adwenesakyera ɔ, na nnɛma ɛmɔhyɛ ye bo bɛkekã bekyirekyire ɛmɔ nwo kyɛ, ‘Abraham te yɛ nana’; na mekã mekyire ɛmɔ kyɛ, Nyameɛ kɔhora kotingye nnomaa kofi nyɔboɛ hemɔ anu kɔma Abraham.

Yohane 8:39

Bebuale ye kyɛ, “Yɛ nana ole Abraham.” Na Yesu sele bɛ kyɛ, “Sɛ ɛmɔte Abraham nnomaa a, ahaa ɛmɔkɔyɔ bɔ Abraham yɔle ɔ;

Yohane 8:41

Ɛmɔ baba yɔleɛ yeɛ ɛmɔyɔ ɔ.” Na bebuale ye kyɛ, “Yɛ de yɛtte adwaman mmaa; yɛ Baba te komapɛ twe, ye ole Nyameɛ.”

Yohane 8:53

Edi mu tra yɛ nana Abraham bɔ owuli ne anaa? Ngɔmhyɛlɛfoɛ nemɔ koso bewuwuli. Ɛdwene kyɛ ɛte nzu koraa?”

Yohane 8:56

Ɔyɛle ɛmɔ nana Abraham fɛ kyɛ né okonwu me kyẽa ne ɔ; onwuni ye, na ye nye gyele.”

Asomafoɛ 17:24

Nyameɛ bɔ ɔbɔle wiase ne nu nningyein amukoraa ne, ye bɔ ɔte nyameɛso ne aseɛ Mene ne, nna asɔneyɛɛ sua mɔ bɔ bafa bɛ sa basi ɔ nu yeɛ ɔte ɔ,

Asomafoɛ 17:25

yeɛ nna sona sa yeɛ bɛfa bɛsɔne ye ɔ, kyɛ ebiaa ohia nikyee bie ɔ; ofikyɛ ye bɔbɔ yeɛ ɔma sona biala ngoa ne nwomeɛ ne nikyee biala ɔ;

Asomafoɛ 17:26

na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,

Asomafoɛ 7:2

Na Setefano buale kyɛ, “Aliɛmaa mɔ ne me baba mɔ, ɛ́mɔtie me! Animnyam Nyameɛ ne ɔyele ye nwo ali hyirele yɛ nana Abraham mmerɛ bɔ né ɔwɔ Mesopotamia ne, koraka yeɛ ɔbaahɔ kɔtena Haran ɔ,

Asomafoɛ 7:26

Aleɛ hyene ne, onwuni Yisraelfoɛ nyɔ kyɛ bɛko; ɔyɛle kyɛ ɔpata bɛ, na osele bɛ kyɛ, ‘O, biamɔ adwo! Ɛmɔte aliɛmaa, nzu ati yeɛ ɛmɔpɛ bɛ nwo bɛko ye?’

Romanfoɛ 4:1

Yɛ anwoɔnaen nu nana Abraham, bɔ onyane ye ne, nzikyɛ yeɛ yɛkã yɛfa ye nwo ɔ?

Romanfoɛ 9:10

Nna kyɛ ɛhe ngome, na Rebɛka koso ɔne biaa ko bɛnwonzɛle, bɔ ye ole yɛ nana Yisake ne.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Ɛfesofoɛ 4:6

yɛ mukoraa yɛ Nyameɛ ne Baba komapɛ bɔ odi yɛ mukoraa so ɔ, odi dwumaa wɔ yɛ mukoraa nu, na ɔte yɛ mukoraa nu.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

Hebrifoɛ 12:9

Afei koso, yɛle seɛ mɔ wɔ aseɛ ye aso bɔ bɛtea yɛ ɔ, na yɛfa ebuo yɛma bɛ. Sɛ ɔte sɔ de a, aso onhia kyɛ yɛbrɛ yɛ nwo ase bɔ ɔtra so yɛma yɛ sunzum nu Seɛ ne na yanya ngoa anaa?

Yosua 24:3

Yeɛ nyele ɛmɔ nana Abraham mvili asue ne asi dɔ, mvale ye mvale Kanaan aseɛ ne aso amukoraa, na mmane ye bosofoɛ yɛle pee. Mmaa ɔwole Yisake.