Malaki 1:7 - AHYERƐLƐ KRONGRON

⁷ Ɛmɔfa aleɛ bɔ ye nwo agua efiɛ ɔ bɛbɔ afɔleɛ wɔ m’afɔleɛ bokyea so, nakoso ɛmɔbisa kyɛ, ‘Atee beni aso yeɛ yagua wɔ nwo fiɛ ɔ?’ Ye ole kyɛ, ɛmɔdwene kyɛ AWURADE poen ne de, ɛkora bu ye animtia.

Malaki 1:7 Iomraidhean Croise

Hesekiel 41:22

bakaa afɔleɛ bokyea, bɔ ofi ye aseɛnwo bɔ ɔkwaadwu ye anwuro ne, ɔte agyirɛ nza ɔ, ye tendenn nu te agyirɛ nyɔ, [ye tɛtrɛtɛɛ nu te agyirɛ nyɔ]. Na ye ndweasoɛ nemɔ, ye nyinasoɛ nemɔ ne ye fasue nemɔ te bakaa. Na biaa ne sele me kyɛ, “Ɛpoen he yeɛ ogyi AWURADE nyunu ne.”

Hesekiel 44:16

Bɛ yeɛ bɛkɔwa me nekaa krongron ne anu ɔ, na bɛ yeɛ bekopingye me poen nwo bɛkɔso me ɔ, na bɛkɔyɔ me ɛsɔnenɛ adwuma ne.

Lewitikɔso 2:11

“Aburoo afɔleɛ biala bɔ ɛmɔbɔ bɛma AWURADE ne, onni kyɛ ɛmɔfa mɔle harewaa bɛbɔ; ofikyɛ onni kyɛ ɛmɔfa mɔle harewaa anaa woɛ bɛbɔ see so afɔleɛ bɛma AWURADE.

Lewitikɔso 21:6

Odi kyɛ bɛyɛ krongron bɛma bɛ Nyameɛ, na ɔnzɛ kyɛ begua bɛ Nyameɛ dumaa nwo fiɛ; ofikyɛ afɔleɛ bɔ bɛbɔ ye see so bɛma AWURADE, bɔ ɔte bɛ Nyameɛ aleɛ ne, bɛ yeɛ bɛbɔ ɔ; yiti odi kyɛ bɛyɛ krongron.

Lewitikɔso 21:8

Odi kyɛ Yisraelniɛ biala nwu asɔfo mɔ kyɛ bɛte krongron, ofikyɛ bɛ yeɛ bɛbɔ aleɛ afɔleɛ bɛma wɔ Nyameɛ ɔ; nwu bɛ kyɛ bɛte krongron, ofikyɛ me AWURADE bɔ mete ɛmɔ nwo ne, nde krongron.

Lewitikɔso 3:11

Na odi kyɛ ɔsɔfo ne ɔyera ye afɔleɛ bokyea ne aso maa ɔyɛ aleɛ bɔ bɛyera ye see so bɛma AWURADE ɔ.

Malaki 1:12

Nakoso ɛmɔ de, ɛmɔagua ye nwo fiɛ, bɔ ɛmɔnwa: AWURADE poen ne anwo agua efiɛ, ɛkora bu so nningyein ne so aleɛ po animtia.

Malaki 1:13

Ɛmɔsa bɛkã kyɛ, Eh, nzikyɛ ɛfɛɛ ɛhe? Na ɛmɔsobi bɛ noa begua so, Asafo AWURADE noa dwirɛ ɛne. Kaka bɔ ɛmɔali aminɛ banya ye, anaa kaka bɔ wabubu, anaa bɔ ɔnde apɔ ɔ yeɛ ɛmɔfa bɛbabɔ afɔleɛ ɔ. Aso odi kyɛ mede ɛhe mefi ɛmɔ berɛ anaa? Asafo AWURADE noa dwirɛ ɛne.

Malaki 1:8

Sɛ ɛmɔfa kaka anyesiniwaa bɛbabɔ afɔleɛ a, aso ɔtte bɔne hɔ ɔ? Yeɛ sɛ ɛmɔfa kaka agyabuburuwaa anaa bɔ ɔnde apɔ ɔ bɛbabɔ afɔleɛ a, aso ɔtte bɔne hɔ ɔ? Nzaade fa kɔma w’amrado nea! Aso ɛkɔsɔ ye nye, anaa ɔkɔnea wɔ nyunu anaa? Asafo AWURADE noa dwirɛ ɛne.

1 Korintofoɛ 10:21

Ɛmɔngɔhora bɛngɔno Awurade kulie noa, ná ɛmɔano sunzummɔne mɔ koso bɛ kulie noa. Ɛmɔngɔhora bengodidi Awurade poen so, ná ɛmɔasa badidi sunzummɔne mɔ bɛ poen so.

Deuteronomi 15:21

Nakoso sɛ kaka ne ali nnɛen, ɔtɔ gua so anaa ye nye asi, anaakyɛ watɔ bue a, ye de nnɛfa bɔ afɔleɛ ma AWURADE wɔ Nyameɛ.