Malaki 1:6 - AHYERƐLƐ KRONGRON

⁶ Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Malaki 1:6 Iomraidhean Croise

Edwein 123:2

Amba, kyɛbɔ ngoaa bɛ nye la bɔ bɛ mene ɔfa ma bɛ so, ɔne kyɛbɔ afaneɛ ye nye la bɔ ye mene brasua ɔfa ma ye so ne, sɔ ala yeɛ yɛ nye la AWURADE yɛ Nyameɛ so ɔ, kɔpem kyɛ okonwu yɛ anwumvoin ɔ.

Ɛksadɔso 20:12

“Di ɛse ne eni ni, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

Anyandera 17:6

Nnomaa te nworowaa b’abotire, yeɛ mmaa b’animnyam ole bɛ baba.

Anyandera 30:11

Mmenia biemɔ wɔ berɛ a, bɛnoma bɛ baba, yeɛ bɛnga kyɛ bɛ maame onya saleɛ.

Anyandera 30:17

Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Yesaya 1:2

O nyameɛso, ɛ́mɔtie, O aseɛ, ma wɔ so bra wa! Ofikyɛ AWURADE nwa nyoo: “Matete ngwadaa manea bɛ so maa banyi, nakoso bayɛ me nwo lɔen.

Yesaya 43:23

Amva wɔ mmoaen amma ammɔ naen yeralɛ afɔleɛ amma me, yeɛ amva w’afɔleɛ mɔ anhyɛ me animnyam. Mamva afɔleɛ mɔ manyɛ wɔ so adesoa, yeɛ mammisa wɔ ɛyɛɛ mamva manha w’adwene.

Yesaya 45:10

Sona bɔ okobisa ɔse kyɛ, ‘Nzikyɛ yeɛ ɛbaawo ye e?’ ne, ye yaakɔ! Anaa bɔ okose brasua kyɛ, ‘Nzikyɛ yeɛ awo ye e?’ ne, ye yaakɔ!

Yesaya 64:7

Ebiala nne berɛ bɔ ɔbɔ wɔ dumaa sɔne wɔ ɔ bɔ waye ye kunu wafa ye nwo wabɔ wɔ ɔ; ofikyɛ aye wɔ nye ato buro afea yɛ, na yɛ amumuyɛɛ ti ahũhũ yɛ.

Yesaya 64:8

Nakoso, O AWURADE, wɔ yeɛ ɛte yɛ Baba ɔ, yɛ de, yɛte ɛfaa, na wɔ yeɛ ɛnwo yɛ ɔ; na yɛ mukoraa yɛte wɔ sa noa adwuma.

Yeremia 23:11

Ofikyɛ ngɔmhyɛlɛniɛ ne ɔsɔfo bɛ munyɔ benzuro Nyameɛ; amba, m’awuro po manwu bɛ bɔne wɔ berɛ, AWURADE noa dwirɛ ɛne.

Yeremia 3:4

Aso anzu amvrɛ me kekesaala ye kyɛ’, ‘Me baba, ɛte me ndaluwa nu abiɛngoɛ,

Yeremia 31:9

Bele esuɛ ne ngotosrɛ yeɛ bɛkɔwa ɔ, na ngoli bɛ nyunu. Ngɔmaa bɛkɔnate bɛkɔhɔ asue noa, wɔ atee bɔ ɔtengyɛ bɔ bengosoti wɔ so ɔ so; ofikyɛ me yeɛ nde Yisrael ye baba ɔ, na Efraim yeɛ ɔte me bamuɛbaa ɔ.

Yeremia 35:16

Rekabo awa Yonadabo ye boso ama bali ahyɛdeɛ bɔ bɛ nana fa mane bɛ ne aso, nakoso maen he de, bandie me dwirɛ.

Hesekiel 22:26

Ye asɔfo mɔ babu me mmeraa so, bagua me nningyein krongron nemɔ anwo fiɛ; bɛmma nzonzoleɛ nna nningyein bɔ bɛte krongron ɔne bɔ bɛtte krongron ɔ b’afia; yeɛ bengyire nzonzoleɛ bɔ ɔla nikyee bɔ ye nwo te ɔ ɔne bɔ ye nwo nde ɔ b’afia, bɛmva m’afofingyẽa nemɔ bɛnyɛ huu, na bagua me nwo fiɛ wɔ bɛ nu.

Hosea 12:8

Efraim nwa, “Aa, manya me nwo, manya anwonyadeɛ.” M’adwumayɔlɛ amukoraa nu, bannwu amumuyɛɛ biala wɔ me nu, bɔ ɔte bɔne ɔ.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Lewitikɔso 19:3

Odi kyɛ ebiala bu oni ne ɔse, ná ɛ́mɔli m’afofingyẽa nemɔ aso. Me ole AWURADE ɛmɔ Nyameɛ.

Sefania 3:4

Ye ngɔmhyɛlɛfoɛ bɛte anwohoahoafoɛ, nnakannaka mmenia, ye asɔfo mɔ begua nekaa krongron berɛ nwo fiɛ, na bɛmva mmeraa ne bɛnyɛ huu.

Malaki 2:1

“Ɛmɔ, asɔfo mɔ, sɔ ahyɛdeɛ he, ɔkɔ ma ɛmɔ.

Malaki 2:10

Aso nna Seɛ komapɛ yeɛ yɛ mukoraa yɛle ye ɔ? Aso nna Nyameɛ komapɛ yeɛ ɔbɔle yɛ ɔ? Na ɔwale ye sɛ bɔ ebiala pepɛ ngondombo okyire obiɛngo, bɔ yɛfa yɛgua yɛ nana mɔ apam ne anwo fiɛ ɔ?

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 15:4

Ofikyɛ Nyameɛ hyɛle kyɛ, ‘Di ɛse ne eni ni,’ yeɛ, ‘Ebiala bɔ ɔkɔhã edwirɛ tɛɛ kotia ɔse anaa oni ne, ehunɛ yeɛ odi kyɛ beku ye ɔ’?

Mateo 15:6

Ɛmɔ tete amammerɛ ne ati ɛmɔasɛkye Nyameɛ ahyɛdeɛ ne.

Mateo 19:19

Di ɛse ne eni ni; yeɛ kuro ebiɛngo dwirɛ kyɛ wɔ bɔbɔ wɔ nwo.”

Mateo 6:9

Yiti sɔaa yeɛ ɛ́mɔbɔ mbaeɛ: ‘Yɛ Baba bɔ ɛwɔ nyameɛso ɔ, Wɔ dumaa nwo te.

Mateo 7:21

“Nna ebiala bɔ ose me kyɛ ‘Awurade, Awurade’ ne, yeɛ ɔkɔhɔ nyameɛso ahennie ne anu ɔ, na mmom sana bɔ ɔyɔ me Baba bɔ ɔwɔ nyameɛso ne ye apɛdeɛ ɔ.

Marko 10:19

Ɛse mmeraa dwirɛ ne: ‘Nnɛdi awue, Nnɛsɛkye agyaa, Nnɛwua, Nnɛdi adanzewia, Nnɛdi aminɛ, Di ɛse ne eni ni.’ ”

Marko 7:10

Ofikyɛ Mose hane kyɛ, ‘Di ɛse ne eni ni,’ yeɛ: ‘Ebiala bɔ ɔkɔhã ɔse anaa oni nwo dwirɛ tɛɛ ne, ehunɛ yeɛ odi kyɛ beku ye ɔ!’

Luka 10:29

Nakoso ye de, né ɔpena kyɛ obua ye nwo be ne ati, obisale Yesu kyɛ, “Na nwa yeɛ ɔte mmiɛngo ɔ?”

Luka 18:20

Ɛse mmeraa dwirɛ ne: ‘Nnɛsɛkye agyaa, Nnɛdi awue, Nnɛwua, Nnɛdi adanzewia, Di ɛse ne eni ni!’ ”

Luka 6:36

Yiti ɛ́mɔnwu anwumvoin, kyɛbɔ ɛmɔ Baba koso onwu anwumvoin ne.

Luka 6:46

“Nzu ati yeɛ ɛmɔfrɛ me ‘Awurade, Awurade’ nakoso ɛmɔnyɔ bɔ mekã mekyire ɛmɔ ɔ?

Ɛfesofoɛ 6:2

“Di ɛse ne eni ni” (ɛhe te mmeraa dwirɛ bɔ oli moa bɔ bɔhyɛ bata ye nwo ɔ),

Deuteronomi 1:31

Ɛserɛ ne aso koso ɛmɔnwuni kyɛbɔ AWURADE ɛmɔ Nyameɛ dodole ɛmɔ, kyɛbɔ sona dodo ɔwa ɔ, wɔ atee biala bɔ ɛmɔfale so kɔpem kyɛ ɛmɔɔdwuli wa ɔ.

Deuteronomi 32:6

Yiti akatuaa bɔ ɛfa ma AWURADE hɔ ɛne? Ngwaseafoɛ bɔ nworɛ nne bɛ ti anu ɔ! Aso nna wɔ baba bɔ ɔbɔle wɔ hɔ ɛne? Ye bɔ ɔyɔle wɔ, bɔ ɔmaa enyane nyinasoɛ ne!

Deuteronomi 5:16

“ ‘Di ɛse ne eni ni, kyɛbɔ AWURADE wɔ Nyameɛ ahyɛ wɔ ne, amaa ɔnate so anya ngoa tendenn, ná wayie wɔ yé wɔ aseɛ bɔ AWURADE wɔ Nyameɛ ɔ́fa ma wɔ ne aso.

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.