Malaki 1:4 - AHYERƐLƐ KRONGRON

⁴ Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Malaki 1:4 Iomraidhean Croise

YOB NWOMAA NE 12:14

Sɛ odwiri nikyee gua a, ebiala ngɔhora ngosa ngosi, sɛ ɔto sona kuku nu a, ebiala ngɔhora ye bukye.

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

YOB NWOMAA NE 9:4

Ye nworɛ ne ye tumi te totohyia, nwa yeɛ wadwɔso watia ye bɔ wafa ye nwo wali tɔtorɔtɔɔ ɔ?

Edwein 127:1

Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

Edwein 137:7

Ao AWURADE, kaye bɔ Edomfoɛ bɛyɔle ye kyẽa bɔ Yerusalem bɔle ne, na tua bɛ so kerɛ; kyɛbɔ bɛhane kyɛ, Ɛ́mɔbubu ye bégua ase! ɛ́mɔbubu ye bégua ase! Ɛ́mɔbubu ye bégua ase maa ɔɔhã ye fapem!” ne.

Edwein 33:10

AWURADE ma maen maen mɔ b’agyinatulɛ ɔyɛ mbaen, na maen maen mɔ bɛ nhyehyɛleɛ yɛ basaa.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Yesaya 10:4

Ɛmɔkokundukundu berɛ wɔ kukunufoɛ nemɔ anu, anaakyɛ bekohu ɛmɔ bɛkɔfra bɛ bɔ batotɔ ne. Na ɛhemɔ amukoraa nu ne, AWURADE ahone ngɔtɔ nzue nu, na okodwɔso kotia bɛ.

Yesaya 11:14

Na mmom bɛkɔhɔ Filistifoɛ so wɔ eyia atɔleɛ bue nu dɔ, bɛkɔbɔ nu bɛkɔfẽ eyia afiteleɛ maen maen mɔ bɛ nningyein. Bekoli Edom ne Moabo so ngonim, na Amonfoɛ kɔbrɛ bɛ nwo ase bekowura bɛ bo.

Yesaya 34:10

Kɔngɔen oo, eyia oo, ongonua, na ye nwosina kotu kɔhɔ anwuro afebɔɔ. Aseɛ ne kɔkakyi kurofoen fi aworɛ ndoatoasoɛ so kodwu aworɛ ndoatoasoɛ so, na sona biala ngɔɔpɛ nu berɛ afebɔɔ.

Yesaya 34:5

Ofikyɛ me ngrandɛ ne, wano wama ye ko ayi wɔ anwuro, na nea, ódwu ba Edom so, ódwu ba maen bɔ manoma ye ne aso ɔbabua ye ndɛen.

Yeremia 31:17

Anyelasoɛ wɔ berɛ ma wɔ kyẽa bie, AWURADE noa dwirɛ ɛne. Na wɔ mma koso, bekosa bɛkɔwa bɛ bɔbɔ b’aseɛ so.

Yeremia 49:20

Yiti ɛ́mɔtie AWURADE nhyehyɛleɛ bɔ wayɛ wafa Edom nwo ɔ, ɔne adwene bɔ wadwene wafa Temanfoɛ nwo ɔ. Amba, bɛkɔhwe bɛ bɛkɔhɔ kyɛ mmoaen nemɔ anu mmaa mmaa paa nemɔ. Amba, ɔnate bɔ wato bɛ ne ati, b’atenaleɛ nwo kodwiri bɛ.

Yeremia 49:7

Bɔ Asafo AWURADE kã fa Edom nwo ole kyɛ, “Aso nworɛ nne Teman ko? Aso nworɛfoɛ bendu foɛ ko anaa? Aso bɛ nworɛ atu amini anaa?

Yeremia 49:8

Ɛmɔ, Dedanfoɛ, ɛ́mɔnwati, ɛ́mɔsa ɛmɔ si, ɛ́mɔfeafea ngumaa nemɔ anu, ofikyɛ ngɔprapra Yisɔ amaneɛnwunɛ ngogua ye so wɔ mmerɛ bɔ ngɔɔhwe ye so ne.

Yeremia 5:17

Bekoli wɔ fieso aleɛ ne w’aleɛ; bekohũhũ wɔ mma mmienzua ne wɔ mma mmrasua; bekohũhũ wɔ mmoaen ne wɔ nandwie mɔ bekoli, bekobubu wɔ bobe ne borɔdoma mmakaa bekogua; wɔ nguro bɔ ato bɛ nwo fasue, bɔ afa wɔ wora awura bɛ nu ne, bɛkɔfa ngrandɛ bɛkɔsɛkye bɛ.

Awuye 3:37

Nwa yeɛ ɔkã maa ɔba nu wɔ aberɛ bɔ nna AWURADE yeɛ wahyehyɛ ye sɔ ɔ?

Hesekiel 11:10

Ɛmɔkɔtotɔ ngrandɛ noa, ngɔhwe ɛmɔ so wɔ Yisrael ɛwɛen so, na ɛmɔkonwu kyɛ me ole AWURADE.

Hesekiel 25:13

yiti AWURADE Nyameɛ nwa nyoo: Ngɔhwe Edom so, na ngohũhũ so mmenia ne ngaka. Ngɔbɔ maen ne, na bɛkɔtotɔ ngrandɛ noa bekofi Teman maa okoodwu Dedan.

Hesekiel 25:14

Ngɔfa me maen Yisrael so ngɔtɔ Edom so wereɛ. Bɛkɔhwe Edom so, kyɛbɔ me yaafɛlɛ ne m’ahonehulɛ osi te ɔ, na bekonwu me wereɛtɔlɛ ne, AWURADE Nyameɛ noa dwirɛ ɛne.

Hesekiel 26:14

Ngɔmaa ɛkɔkakyi nyɔbotaen wosee; ɛkɔyɛ nekaa bɔ bɛworɛ asawu nu ɔ; bɛngɔkyekye wɔ (nguro nemɔ) ko, ofikyɛ me, AWURADE, me yeɛ mahã ɔ. AWURADE Nyameɛ noa dwirɛ ɛne.

Hesekiel 35:4

Ngɔkakyi wɔ nguro mɔ kurofoen, na ɛkɔla berɛ mbaen, na afei ekonwu kyɛ me ole AWURADE.

Hesekiel 35:9

Ngɔbɔ wɔ tɔɔ afebɔɔ, na ebiala ngɔtena wɔ nguro nemɔ aso; na afei ɛmɔkonwu kyɛ me ole AWURADE.

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Amose 3:15

Ngobubu prakasua mmerɛ sua ne ahuhuro mmerɛ sua nemɔ ngogua ase, ɛsoen gye sua nemɔ kɔsɛkyesɛkye, na awuro mbiri mbiri nemɔ kobubu kogua ase gyirigorɔɔ,” AWURADE noa dwirɛ ɛne.

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Amose 6:11

Tie, AWURADE afa ahyɛdeɛ wama, na bekobubu awuro piri ne bekogua gyirigorɔɔ, ná babu sua ba ne bagua ase bɔkɔɔ.

Amose 6:2

Ɛ́mɔpɛ nu bɛhɔ Kalene bɛɛnea, na ɛmɔfi berɛ a, ɛmɔhɔ kuro piri Hamate; afei ɛ́mɔtoro bɛhɔ Filistifoɛ kuro Gate. Aso bɛte paa bɛtra sɔ ahennie hemɔ? Anaa b’aseɛ te piri tra ɛmɔ aseɛ anaa?

Obadia 1:1

Nyekyire bɔ Obadia nyane ye ne, ye ɛhe: Bɔ AWURADE Nyameɛ kã fa Edom nwo ole kyɛ, Yate ngunga bie yafi AWURADE dɔ, na wasoma ɛbɔfoɛ mɔ wɔ maen maen mɔ berɛ kyɛ, “Ɛ́mɔdwɔso, ɛ́mɔma yɛdwɔso yɛɛfa koɛ yɛteta ye.”

Obadia 1:10

Ɔnate atianuserɛ bɔ ɛbɔle eliɛma Yakob ne ati, animguaseɛ kobia wɔ, na wɔ boso konua afebɔɔ.

Malaki 1:3

yeɛ mbɔle Yisɔ ɔ. Mama ye mmokaa nemɔ aso ayɛ pralaa, yeɛ mafa ye agyapadeɛ ne mawura ɛserɛ so ngyea bɛ sa.”

Mateo 12:30

“Ebiala bɔ ɔbboka me so nen, né otia me; yeɛ ebiala bɔ ɔne me mmoaboa ye noa nen, né ɔsande nu.