Malaki 1:3 - AHYERƐLƐ KRONGRON

³ yeɛ mbɔle Yisɔ ɔ. Mama ye mmokaa nemɔ aso ayɛ pralaa, yeɛ mafa ye agyapadeɛ ne mawura ɛserɛ so ngyea bɛ sa.”

Malaki 1:3 Iomraidhean Croise

Gyenesise 25:23

Na AWURADE sele ye kyɛ, “Maen nyɔ wɔ wɔ kunu, na mmenia fekue nyɔ bɔ ɛkɔwo bɛ ne, b’afia ngɔwo fite b’aworɛ nu. Ko koli obiɛngo so, na panyi ne kɔso kãa ne.”

Yesaya 35:7

anweaa futuu hyerɛhyerɛ kɔkakyi ɛkwaa, mbombonzue kopu kofi aseɛ katerepee so, na ɛserɛ so kyea ye atenaleɛ bɔ ɔda berɛ ne, nzenzaen ne elemmire ne ngyɛngyɛma kofifi berɛ.

Yeremia 49:10

Nakoso Yisɔ de, mabɔ ye kwaterekwa, mama ye afealeɛ mɔ nwo alela berɛ, na ɔngora mva ye nwo mvea. Bahũhũ ye boso ama mɔ, oliɛma mɔ ne ye mmango mɔ, na ye boso anua.

Yeremia 49:20

Yiti ɛ́mɔtie AWURADE nhyehyɛleɛ bɔ wayɛ wafa Edom nwo ɔ, ɔne adwene bɔ wadwene wafa Temanfoɛ nwo ɔ. Amba, bɛkɔhwe bɛ bɛkɔhɔ kyɛ mmoaen nemɔ anu mmaa mmaa paa nemɔ. Amba, ɔnate bɔ wato bɛ ne ati, b’atenaleɛ nwo kodwiri bɛ.

Yeremia 49:33

Hasɔ kɔyɛ ɛserɛ so ngyea b’atenaleɛ ne kurofoen afebɔɔ; sona biala ngɔtena berɛ, dasaniɛ biala ngɔtena nu.”

Yeremia 49:7

Bɔ Asafo AWURADE kã fa Edom nwo ole kyɛ, “Aso nworɛ nne Teman ko? Aso nworɛfoɛ bendu foɛ ko anaa? Aso bɛ nworɛ atu amini anaa?

Yeremia 49:8

Ɛmɔ, Dedanfoɛ, ɛ́mɔnwati, ɛ́mɔsa ɛmɔ si, ɛ́mɔfeafea ngumaa nemɔ anu, ofikyɛ ngɔprapra Yisɔ amaneɛnwunɛ ngogua ye so wɔ mmerɛ bɔ ngɔɔhwe ye so ne.

Yeremia 51:37

Na Babilɔn kɔkakyi esire, ɛserɛ so ngyea atenaleɛ, anwodwiri nikye ne ngorohoɛ nikye bɔ sona fee ɔtte berɛ ɔ.

Yeremia 9:11

Ngɔma Yerusalem kɔkakyi esire sire, ɛserɛ so ngyea atenaleɛ; ngɔma Yuda nguro kɔkakyi kurofoen, bɔ sona biala nne so ɔ.”

Awuye 4:22

Ao Sion awa brasua, w’amumuyɛɛ ne nwo akatuaa wawa ayieleɛ, na ɔngɔfa wɔ ngɔhɔ nnurehyelɛ nu ko. Nakoso wɔ, Edom awa brasua de, okootua w’amumuyɛɛ so kerɛ, na ɔkɔma wɔ bɔne kɔla ali.

Hesekiel 36:7

Yiti AWURADE Nyameɛ nwa nyoo: Meta ndaen kyɛ maen maen mɔ bɔ bapɛ ɛmɔ nwo bayia ne, bɛ bɔbɔ b’animguaseɛ kɔto bɛ.

Hesekiel 36:9

Tie, ngyi ɛmɔ asi, ngɔkakyi me nye ngɔwa ɛmɔ berɛ, bɛkɔsõ ɛmɔ so boo, ná balua ɛmɔ so nningyein.

Yoel 3:19

“Misraim kɔbɔ, na Edom kɔyɛ ɛserɛ pralaa, ɔnate akakabenzɛm bɔ bali ye wɔ Yudafoɛ so ne ati, ofikyɛ bahã mogya bɔ odi be ɔ bagua wɔ b’aseɛ ne aso.

Obadia 1:10

Ɔnate atianuserɛ bɔ ɛbɔle eliɛma Yakob ne ati, animguaseɛ kobia wɔ, na wɔ boso konua afebɔɔ.

Luka 14:26

“Sɛ ebie ba me berɛ, ná ɔmbɔ ɔse ne oni, ɔye ne ye mma, oliɛma mmienzua ne oliɛma mmrasua, ɔne ye bɔbɔ ye ngoa a, ngɔhora ngɔyɛ me suaniɛ.