Malaki 1:13 - AHYERƐLƐ KRONGRON

¹³ Ɛmɔsa bɛkã kyɛ, Eh, nzikyɛ ɛfɛɛ ɛhe? Na ɛmɔsobi bɛ noa begua so, Asafo AWURADE noa dwirɛ ɛne. Kaka bɔ ɛmɔali aminɛ banya ye, anaa kaka bɔ wabubu, anaa bɔ ɔnde apɔ ɔ yeɛ ɛmɔfa bɛbabɔ afɔleɛ ɔ. Aso odi kyɛ mede ɛhe mefi ɛmɔ berɛ anaa? Asafo AWURADE noa dwirɛ ɛne.

Malaki 1:13 Iomraidhean Croise

2 Samuel 24:24

Nakoso Nana Dawide buale Arayuna kyɛ, “Daabi! Ɛtɔlɛ yeɛ ngɔtɔ ngofi wɔ berɛ ɔ. Ngotua ye kerɛ, kyɛbɔ bɛ nyɔboɛ te ɔ. Ofikyɛ nikyee bɔ mafa ye mbaen ne, mengɔfa ngɔbɔ naen yeralɛ afɔleɛ ngɔma AWURADE me Nyameɛ.” Yiti Dawide tɔle nekaa bɔ bɛboro aburoo ne, ɔne nandwie nemɔ ɛdwetɛ sekel aburannu.

Yesaya 1:12

Sɛ ɛmɔba me nyunu a, nwa yeɛ osele ɛmɔ kyɛ ɛmɔyɔ sɔ ɔ, kyɛ ɛ́mɔtiatia m’aluo berɛ basabasa ɔ?

Yesaya 57:6

Bɔnza nu nyɔboɛ torometorome nemɔ anu yeɛ ɔte wɔ kyɛfa ɔ, bɛ yeɛ bɛte w’agyapadeɛ ɔ, bɛ yeɛ abɔ wɔ anonneɛ afɔleɛ ne aburoo afɔleɛ ama bɛ ɔ. Aso me kunu kodwo wɔ sɔ nningyein nemɔ anwo anaa?

Yesaya 61:8

Ofikyɛ me, AWURADE, mekuro pɛpɛɛpɛyɛlɛ, mekyi naen yeralɛ afɔleɛ bɔ ɔte awue nikye ɔ, ngogyina pɛpɛɛpɛyɛlɛ so ngɔma bɛ akatuaa, na me ne bɛ yɛkɔyɛ apam afebɔɔ.

Hesekiel 4:14

Yeɛ nzele kyɛ, “Ao, AWURADE Nyameɛ, me kra nwo ogguale fiɛ le; ofi me ngwadaa nu bɔ ɔbaadwu ɛnɛ ɔ, nnnili kaka bɔ ye bɔbɔ wawu ɔ anaa bɔ kaka bie ahye ye ɔ le, yeɛ akyiwadeɛ naen biala ɔhhane me noa le.”

Hesekiel 44:31

Onni kyɛ asɔfo nemɔ bedi nikyee biala bɔ ye bɔbɔ wawu, anaa bɔ kaka bie ahu ye ɔ, kyɛ anomaa oo, anaa kaka bie oo.

Hosea 13:9

Ao Yisrael, afrɛfrɛ w’asefinɛ ama wɔ nwo, nakoso me nu yeɛ wɔ mmokalɛ wɔ ɔ.

Lewitikɔso 22:8

Naenmvuin anaa naen bɔ kaka aboyaa bie ahu ye atete ye de, nnɛmaa odi ná wamva wangua ye nwo fiɛ: Me ole AWURADE.’

Lewitikɔso 6:4

sɛ ebie nwu kyɛ wayɔ bɔne ná odi fɔ a, nikyee bɔ owuale ne, anaakyɛ bɔ ɔnate apoobɔlɛ so wanya ne, anaa bɔ bɛfa bewurale ye sa ne, anaa bɔ wamini ná wanwu ye ne,

Amose 8:5

ná ɛmɔkã kyɛ, “Kyinzu yeɛ ɛsraen foforɛ ne kɔpɛ nu maa yɛkɔtɔne aburoo ɔ; yeɛ mmerɛ beni yeɛ afofikyẽa ne kɔpɛ nu kɔhɔ, maa yɛkobukyebukye atokoɔ pata anoa nemɔ ɔ? Yɛkosi olonka ne abo, ná yama sekel ne ayɛ piri, ná yafa tonyi bɔ bawura nu ɔ yasisi mmenia ɔ.

Mika 6:3

“Ao me maen, mayɔ wɔ nzu? Nzikyɛ anwo yeɛ mayɛ wɔ so tɔsom ɔ? Bɔ me kwaadu e!

Malaki 1:10

O, ɛmɔ nu nwa yeɛ ɔkɔɔtoto anoa nemɔ anu ɔ, amaa ɔnate so ɛmɔangɔ anzɔ m’afɔleɛ bokyea ne aso see mbaen. Me kunu ndwo wɔ ɛmɔ nwo, yeɛ mengole ɛmɔ sa nu afɔleɛ ne, Asafo AWURADE noa dwirɛ ɛne.

Malaki 2:12

Na bienzua biala bɔ ɔyɔ sɔ, kyɛ okyirekyire oo, anaa osua oo, AWURADE konua ye boso ama mukoraa bɛ bo kofi Yakob ɛtena sua nu, bɔ ebiala ngɔha bɔ ɔkɔfa afɔleɛ kɔbrɛ Asafo AWURADE ɔ.

Malaki 2:13

Nikyee bieku bɔ ɛmɔsa bɛyɔ ɛhe: ɛmɔfa ɛmoenporolɛ, esuɛ ne awuyebɔlɛ bɛkata AWURADE afɔleɛ bokyea ne aso; ofikyɛ onne afɔleɛ ne ndo nu ko, yeɛ ye nye nzɔ bɔ ofi ɛmɔ berɛ ne ko.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Deuteronomi 15:21

Nakoso sɛ kaka ne ali nnɛen, ɔtɔ gua so anaa ye nye asi, anaakyɛ watɔ bue a, ye de nnɛfa bɔ afɔleɛ ma AWURADE wɔ Nyameɛ.

1 Samuel 2:29

M’afɔleɛ ne m’afɔleɛ nningyein bɔ mahyɛ kyɛ bɛbɔ ye wɔ m’atenaleɛ ne anu ne, nzu ati yeɛ ɛmɔbu ye animtia ɔ. Nzu ati yeɛ ebu wɔ mma mɔ tra me ɔ, bɔ ɛmɔfẽ me maen Yisrael b’afɔleɛ ne anu paa bedi bɛdɔ ɔ?’