Malaki 1:12 - AHYERƐLƐ KRONGRON

¹² Nakoso ɛmɔ de, ɛmɔagua ye nwo fiɛ, bɔ ɛmɔnwa: AWURADE poen ne anwo agua efiɛ, ɛkora bu so nningyein ne so aleɛ po animtia.

Malaki 1:12 Iomraidhean Croise

2 Samuel 12:14

Nakoso sɔ bra he bɔ abɔ, bɔ ɔnate so ama AWURADE pɔfoɛ mɔ banya ate baha musue dwirɛ batia ye ne ati, akwadaa bɔ awo ye ne okowu.”

Hesekiel 41:22

bakaa afɔleɛ bokyea, bɔ ofi ye aseɛnwo bɔ ɔkwaadwu ye anwuro ne, ɔte agyirɛ nza ɔ, ye tendenn nu te agyirɛ nyɔ, [ye tɛtrɛtɛɛ nu te agyirɛ nyɔ]. Na ye ndweasoɛ nemɔ, ye nyinasoɛ nemɔ ne ye fasue nemɔ te bakaa. Na biaa ne sele me kyɛ, “Ɛpoen he yeɛ ogyi AWURADE nyunu ne.”

Hesekiel 44:16

Bɛ yeɛ bɛkɔwa me nekaa krongron ne anu ɔ, na bɛ yeɛ bekopingye me poen nwo bɛkɔso me ɔ, na bɛkɔyɔ me ɛsɔnenɛ adwuma ne.

Hosea 13:9

Ao Yisrael, afrɛfrɛ w’asefinɛ ama wɔ nwo, nakoso me nu yeɛ wɔ mmokalɛ wɔ ɔ.

Lewitikɔso 18:21

Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.

Amose 2:7

Bɛ yeɛ betiatia ehiafoɛ ti so bɛkã bɛ ti bewura nnɛterɛ nu, ná besisi mmenia bɔ bɛyɛ anwumvo ɔ; ebie ne ɔse bɛ ne afaneɛ ko bɛda bɛfa begua me dumaa krongron ne anwo fiɛ.

Malaki 1:13

Ɛmɔsa bɛkã kyɛ, Eh, nzikyɛ ɛfɛɛ ɛhe? Na ɛmɔsobi bɛ noa begua so, Asafo AWURADE noa dwirɛ ɛne. Kaka bɔ ɛmɔali aminɛ banya ye, anaa kaka bɔ wabubu, anaa bɔ ɔnde apɔ ɔ yeɛ ɛmɔfa bɛbabɔ afɔleɛ ɔ. Aso odi kyɛ mede ɛhe mefi ɛmɔ berɛ anaa? Asafo AWURADE noa dwirɛ ɛne.

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Romanfoɛ 2:24

Ofikyɛ bahyerɛ kyɛ, “Ɔnate ɛmɔ Yudafoɛ ti, Amaenmaensofoɛ bedwudwo betia Nyameɛ.”