Malaki 1:11 - AHYERƐLƐ KRONGRON

¹¹ Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Malaki 1:11 Iomraidhean Croise

1 Aberɛso Dwirɛ 16:25

Ofikyɛ AWURADE te piri, na ɔfata ayɛyelɛ piri paa; odi kyɛ sona suro ye tra nyameɛ biala.

Edwein 111:9

Ɔpepɛ lele ye maen; wahyɛ kyɛ ye apam tena berɛ afebɔɔ. Ye dumaa te Krongron, na ɔyɛ suro!

Edwein 113:3

Ofi eyia ye fitelɛ kodwu ye tɔlɛ, odi kyɛ bɛye AWURADE dumaa ayɛ.

Edwein 138:5

Amba, bɛkɔto AWURADE atee mɔ nwo dwein, ofikyɛ AWURADE animnyam te piri.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Edwein 45:17

Ngɔmaa bɛkɔkaye wɔ dumaa wɔ aworɛ ndoatoasoɛ amukoraa nu; yiti maen maen mɔ kɔye wɔ ayɛ afebɔɔ.

Edwein 48:10

Ao Nyameɛ, kyɛbɔ wɔ dumaa te ne, sɔ ala yeɛ bɛye wayɛ kɔpem aseɛ ye noa dɔ paa ɔ. Tenenee ayi wɔ sa famaa ne anu tɛkyɛ.

Edwein 48:11

Ɔnate wɔ ndɛenbualɛ turoloo ti, odi kyɛ Sion bokaa nye gye, ná Yuda mma mmrasua bedi ahurusi.

Edwein 50:1

Tuminiɛ ne, Nyameɛ bɔ ɔte AWURADE ne, wadwudwo, wato ye sa wafrɛ aseɛ ye aso ama amukoraa, fi eyia afiteleɛ kɔka eyia atɔleɛ.

Edwein 65:9

Ɛba bapasa aseɛ ye anwo, na eguagua so nzue, ɛmaa nningyein paa ba so. Nyameɛ asue ne, nzue ayi ye to, ɛmaa yɛnya aleɛ yɛdi, ofikyɛ wɔ yeɛ ahyehyɛ ye sɔ ɔ.

Edwein 67:2

amaa ɔnate so banwu w’atee wɔ aseɛ ye aso, ná banwu wɔ ngoalelɛ tumi ne wɔ maen maen amukoraa nu.

Edwein 86:9

Ao AWURADE, amaen maen amukoraa bɔ ɛyɔle ne, bɛkɔwa bɛkɔɔbɔ bɛ nu ase wɔ wɔ nyunu, ná bahyɛ wɔ dumaa animnyam.

Edwein 96:8

Ɛ́mɔfa animnyam bɔ ɔfata AWURADE dumaa ɔ bɛma ye; ɛ́mɔfa afɔleɛ bɛbra ye awuro n’aluo berɛ.

Yesaya 12:4

Na sɔ kyẽa ne, ɛmɔkose kyɛ, “Ɛ́mɔfa asennaa bɛ́ma AWURADE, ɛ́mɔbɔ ye dumaa, ɛ́mɔbɔ ye anwanwadeɛ ne dawure wɔ maen maen mɔ nu, ɛ́mɔbɔ ye dawure kyɛ ye dumaa ne te piri.

Yesaya 12:5

“Ɛ́mɔto AWURADE nwo ayɛyelɛ dwein, ofikyɛ wayɔ anwanwadeɛ nningyein; ɛ́mɔma bénwu sɔ dwirɛ ne wɔ aseɛ amukoraa so.

Yesaya 19:21

AWURADE kɔye ye nwo ali kohyire Misraim; Misraimfoɛ konwu AWURADE sɔ kyẽa ne, bɛkɔbɔ afɔleɛ ne naen yeralɛ afɔleɛ bɛkɔfa bɛkɔsɔne ye, bɛkɔhyɛ AWURADE bɔ, na bekoli so.

Yesaya 30:27

Tie, AWURADE dumaa fi dedeede yeɛ ɔ́ba ɔ, ye ahone ahu piri paa, wɔ nwosina munguu bɔ otu kɔ anwuro ɔ nu, ɛyaafɛlɛ ayi ye noa nu to, na ye temverema te kyɛ see bɔ ɔ́yera nikye ɔ.

Yesaya 45:6

na ɔnate so mmenia konwu ye kofi eyia afiteleɛ ne eyia atɔleɛ, kyɛ ebiala nne berɛ, sana me ngome. Me ole AWURADE, na ebiala nne berɛ ko.

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Yesaya 66:18

“Ofikyɛ mese bɛ yɔleɛ ne b’adwene: meba mebaboaboa maen mukoraa ne edwudwolɛ amukoraa noa, na bɛkɔwa bekoonwu m’animnyam ne.

Yeremia 10:6

Ao AWURADE, ebiala nne berɛ bɔ ɔte kyɛ wɔ ɔ; ɛte piri, wɔ dumaa te piri, na tumi wɔ nu.

Yeremia 10:7

Ao maen maen mɔ Hene, nwa yeɛ onzuro wɔ ɔ? Ofikyɛ wɔ yeɛ ɛhe fata wɔ ɔ. Amaenmaenso nworɛfoɛ amukoraa nu, yeɛ b’ahennie amukoraa nu, ebiala nne berɛ bɔ ɔte kyɛ wɔ ɔ.

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Daniel 2:45

Na kyɛbɔ enwuni kyɛ nyɔboɛ bie, bɔ nna sona sa yeɛ ofindini ye ɔ, ɔte ofili bokaa so wale, bɔ obubuli buralɛ ne, kɔɔbere ne, ɛfaa ne, ɛdwetɛ ne ne sikaa kɔkorɛ ne nyokonyoko nen, Nana, sɔ ala yeɛ Nyameɛ piri ne waye bɔ kyẽa bie ɔbaasi ɔ wahyire wɔ ɔ. Laleɛ ne te nahorɛ, na ye bo hyirelɛ ne koso te turoloo.”

Amose 9:12

amaa ɔnate so bafa Edom ngaa ne bayɛ bɛ deɛ, ɔne maen maen amukoraa bɔ me dumaa la bɛ so ne bayɛ bɛ deɛ,” AWURADE bɔ ɔyɔ sɔ ne, ye noa dwirɛ ɛne.

Mika 5:4

Na ɔkɔfa AWURADE anwoserɛ kogyina berɛ kɔma ye mmoaen kure aleɛ, wɔ AWURADE ye Nyameɛ animnyam ahennie dumaa nu. Bɛ bo kotimu, ofikyɛ afei ɔkɔyɛ titire koodwu aseɛ so nekaa biala.

Sefania 2:11

AWURADE nye kɔboro bɛ so, ofikyɛ okonua aseɛ so mmosoen amukoraa bɛ boso, na asue noa maen maen ne amukoraa, sona biala kɔsɔne ye wɔ ye bɔbɔ ye aseɛ so.

Sefania 3:9

“Sɔ mmerɛ ne, ngɔma maen maen mɔ bɛ noa dwirɛ kɔyɛ krongron, amaa ɔnate so bɛ mukoraa babɔ AWURADE dumaa, ná bayɛ ko baso ye.

Sakaria 8:7

Asafo AWURADE nwa nyoo: Tie, ngɔpepɛ ngole me maen ngofi eyia afiteleɛ maen ne sa nu, ɔne eyia atɔleɛ maen ne sa nu;

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Malaki 3:3

ɔkɔtena ase kyɛ dwumvoɛ bɔ ohuro ɛdwetɛ ɔye ye nwo fiɛ ɔ: ɔkɔte Lewi boso ama mɔ bɛ nwo, okohwi bɛ nwo kyɛ sikaa kɔkorɛ ne ɛdwetɛ, amaa ɔnate so bafa tenenee afɔleɛ babrɛ AWURADE.

Numeri 7:74

ayaa ko bɔ bafa esikaa kɔkorɛ bayɔ ɔ, bɔ nu nonɛ, ɛkyɛ kilo ko nu ɛyaa a, ɔte nu ngyɛmuɛ nza, bɔ ɛyɛɛ ayi ye tɛkyɛ ɔ;

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Mateo 8:11

Na mekã mekyire ɛmɔ kyɛ, mmenia pee kofi eyia afiteleɛ ne eyia atɔleɛ bɛkɔwa, na bɛ ne Abraham ne Yisake ne Yakob bɛkɔtena bekodidi wɔ nyameɛso ahennie ne anu.

Luka 1:10

Na mmerɛ bɔ ɔ́yera ɛyɛɛ ne nen, né ɛlɔen ne amukoraa bɛwɔ aluo dɔ bɛbɔ mbaeɛ.

Romanfoɛ 12:1

Yiti aliɛmaa mɔ, ngyi Nyameɛ anwumvoinnwunɛ so mesrɛ ɛmɔ, kyɛ ɛ́mɔtu ɛmɔ nipadua bésie berɛ kyɛ afɔleɛ bɔ ɔte ase ɔ, bɔ ɔte krongron ná ɔsɔ Nyameɛ nye ɔ, na ɛhe yeɛ ɔte ɛmɔ nyamesom bɔ ɔfata ɔ.

Romanfoɛ 15:16

kyɛ nyɛ Kristo Yesu somvoɛ mma Amaenmaensofoɛ, ná nyɛ Nyameɛ nzɛmba ne nwo asɔfodwuma, ná Amaenmaensofoɛ bɛ́yɛ afɔleɛ bɔ ɔsɔ anyeɛ, bɔ Sunzum Krongron wate bɛ nwo ɔ.

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.

2 Tɛsalonika 1:12

amaa ɔnate so bahyɛ y’Awurade Yesu Kristo dumaa animnyam wɔ ɛmɔ nu, na ɛmɔ koso bahyɛ ɛmɔ animnyam wɔ ye nu, kyɛbɔ yɛ Nyameɛ ne Awurade Yesu Kristo adom ne te ɔ.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.