Maenbulɛfoɛ 9:7 - AHYERƐLƐ KRONGRON

⁷ Bɛfale edwirɛ bɔ wasi ne nwo amaneɛ bɛbɔle Yotam nen, oogyinane Gerisim bokaa ne ti afia, na ɔteane nu sele bɛ kyɛ, “Sɛkem mbanyi, ɛ́mɔtie me, amaa Nyameɛ koso watie ɛmɔ.”

Maenbulɛfoɛ 9:7 Iomraidhean Croise

Gyenesise 37:6

Osele bɛ kyɛ, “Ɛ́mɔtie laleɛ bɔ mahye ɔ:

Anyandera 21:13

Ebiala bɔ mmenia bɔ bɛyɛ anwumvo ɔ besu bɛfrɛ ye a otuatua ye so ne, ye koso osũ frɛ a, ebiala ngɔtɛ ye so.

Anyandera 28:9

Sɛ ebie prapra ye so asi wɔ mmeraa ne anwo a, ye mbaeɛ po ɔte akyiwadeɛ.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yohane 4:20

Yɛ nana mɔ bɛsɔnene wɔ bokaa he aso; na ɛmɔ de, ɛmɔnwa Yerusalem ole nekaa bɔ odi kyɛ yɛsɔne ɔ.”

Deuteronomi 11:29

Na sɛ AWURADE wɔ Nyameɛ fa wɔ kodwu aseɛ bɔ ɛkwaafa ne aso a, bɔ saleɛ nwo dawure wɔ Gerisim bokaa ne aso, ná bɔ musue koso nwo dawure wɔ Ebal bokaa ne aso.

Deuteronomi 11:30

(Sɔ bokaa nemɔ wɔ asue Yɔɔdan si, wɔ eyia atɔleɛ atee bue nu dɔ, wɔ Kanaanfoɛ bɔ bɛte Araba nen b’aseɛ so, Gilgal ndendeneɛ so, bɔ opingye More eluii bakaa nen).

Deuteronomi 27:12

“Ɛmɔpɛ asue Yɔɔdan bɛkɔ ye si dɔ a, Simeon, Lewi, Yuda, Yisaka, Yosef ne Benyamin abusua kure nemɔ kogyina Gerisim bokaa ne aso bekoyirayira mmenia ne.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Yosua 8:33

Yisraelfoɛ amukoraati, ɛwɔfoɛ ne maen mmaa, bɛ ne Yisrael mbanyi ne safohene mɔ ne ndɛenbualɛfoɛ mɔ, begyinagyinane apam alaka ne bue faen ne ye bue faen, wɔ Lewifoɛ bɔ bɛte asɔfo bɔ bɛsõ AWURADE apam alaka ne anyunu. Bɛ bue ko gyinagyinane Gerisim bokaa ndendeneɛ so, yeɛ bɛ bue ko wora gyinagyinane Ebal bokaa ndendeneɛ so, kyɛbɔ AWURADE somvoɛ Mose lili moa hyehyɛle ne; kyɛ, odi kyɛ beyira Yisrael.

Maenbulɛfoɛ 9:6

Yeɛ Sɛkem ne Bete Milo mbanyi amukoraati bɛbɔle nu, na bɛhɔle beesili Abimɛlɛke ɛhene wɔ eluii ne abo. Eluii ne pingye bonima bɔ ɔwɔ Sɛkem ne.

Maenbulɛfoɛ 9:8

Mmakaa mɔ sili nu, kyɛ bɛkwaapopa bɛ nu ko ngoo ma odi bɛ so hene. Yiti besele olive kyɛ, ‘Di yɛ so hene.’