Maenbulɛfoɛ 9:13 - AHYERƐLƐ KRONGRON

¹³ Nakoso bobe buale bɛ kyɛ, ‘Aso me nzaa, bɔ ɔma nyameɛ mɔ ne adasa bɛ nye gye ne, nyakyi ye yɔlɛ, ná ngongyini mmakaa mɔ so anaa?’

Maenbulɛfoɛ 9:13 Iomraidhean Croise

Edwein 104:15

ɔne nzaa bɔ ɔma sona nye gye ɔ, ɔne sakyeɛ bɔ ɔma sona nyunu yɛ mmenanwo mmenanwo ɔ, yeɛ aleɛ bɔ ɔma sona wora kyekye ɔ.

Anyandera 31:6

Fa nzaa serɛ ma sona bɔ ɔla awusu ɔ, ná fa bobe nzaa ma sona bɔ odi aworabɔlɛ ɔ.

Nworɛ Dwirɛhanɛniɛ 10:19

Ɛpoentolɛ ma sona sere, nzaa ma sona nye gye, na sikaa yeɛ ɔyɔ nikyee biala ɔ.

Nworɛ Dwirɛhanɛniɛ 2:3

Mvale adwene kyɛ ngɔfa nzaa ngɔgye me nye, wɔ aberɛ bɔ mepena nworɛ si atee ɔ, yeɛ afei kyɛ ngɔyɔ ngwaseade ɔ, kɔpem kyɛ ngonwu bɔ ɔte paa ma adasa kyɛ bɛkɔyɔ ye wɔ ewiase, wɔ bɛ ngoa tikaape ye anu ɔ.

Numeri 15:10

na fa bobe nzaa towaa nza ne bue bɔ anonneɛ afɔleɛ wɔ see so, bɔ ɔbo AWURADE fona ɔ.

Numeri 15:5

Afei koso, boaen akrɔngrɔma ko biala, fa bobe nzaa towaa ko ne bue yɛ anonneɛ afɔleɛ boka naen yeralɛ afɔleɛ anaa afɔleɛ ne aso.

Numeri 15:7

ná fa bobe nzaa towaa nyɔ bɔ anonneɛ afɔleɛ bɔ ɔbo AWURADE fona ɔ.

Maenbulɛfoɛ 9:12

Na mmakaa nemɔ sele bobe kyɛ, ‘Bra na baali yɛ so hene.’

Maenbulɛfoɛ 9:14

Yiti mmakaa ne amu besele ɛfone kyɛ, ‘Bra ná baali yɛ so hene.’