Maenbulɛfoɛ 8:33 - AHYERƐLƐ KRONGRON

³³ Gideon wuli pɛ yeɛ Yisraelfoɛ hyɛle ye bo besa bɛɛsɔnene Baal mɔ ɔ, na bɛfale Baal Berite bɛkakyili bɛ nyameɛ.

Maenbulɛfoɛ 8:33 Iomraidhean Croise

2 Ahemvo 12:2

Yehoase yɔle bɔ ɔtengyɛ wɔ AWURADE nyunu ɔ mmerɛ bɔ olili bia ne amukoraa, ofikyɛ né ɔsɔfo Yehoada tu ye foɛ.

Yeremia 23:27

Bɛ laleɛ mɔ bɔ bɛkekã bekyire bɛ nwo bɛ nwo nemɔ, bɛdwene kyɛ bɛkɔfa so bɛkɔma me maen ye wora kofi me dumaa, kyɛbɔ bɛ nana mɔ mane bɛ wora fili me dumaa bɛɛsole Baal ne.

Yeremia 3:9

Ɔnate kyɛ né ommu adwamanbɔlɛ kyɛ ɔtte mayee ne ati, oguale aseɛ ne anwo fiɛ, na ɔne nyɔboɛ mɔ ne mmakaa yeɛ bɛbɔle adwaman ɔ.

Yosua 24:31

Mmerɛ amukoraa bɔ né Yosua te ase ne, Yisrael sole AWURADE. Na Yosua wue asi ne koso, maen ne anu mbanyi bɔ né bɛtɛ te ase, ná afei benwuni nikyee biala bɔ AWURADE ayɔ ama Yisrael nen, mmerɛ mukoraa bɔ né bɛte ase ne, Yisrael hɔle so sole AWURADE.

Maenbulɛfoɛ 10:6

Yisraelfoɛ sa yɔle bɔ ɔte bɔne wɔ AWURADE nyunu ɔ. Bɛsɔnene Baal ne Astarote mɔ, Siria nyameɛ mɔ, Sidon nyameɛ mɔ, Moabo nyameɛ mɔ, Amonfoɛ nyameɛ mɔ, yeɛ Filistifoɛ nyameɛ mɔ. Yiti bɛyakyili AWURADE si lilɛ, na banzɔne ye.

Maenbulɛfoɛ 2:12

Na AWURADE bɔ ɔte bɛ nana mɔ Nyameɛ bɔ ɔyele bɛ fili Misraim aseɛ so ne de, bɛyakyili ye si lilɛ. Nyameɛ foforɛ biemɔ bɔ bɛwɔ maen maen bɔ bapɛ bɛ nwo bayia nemɔ aso ne, beelili bɛ si, bɛsɔnene bɛ, na bewurale AWURADE apue mane ye ahone huli.

Maenbulɛfoɛ 2:17

Nakoso maenbulɛfoɛ nemɔ po, Yisraelfoɛ andie bɛ; ofikyɛ Yisraelfoɛ beelili nyameɛ foforɛ biemɔ si bɛkotole bɛ. Bɛ nana mɔ bɔ belili AWURADE mmeraa dwirɛ so ne, Nyameɛ dwirɛ bɔ belili so ne, wangyɛ yeɛ Yisraelfoɛ lili ye nwo makyebu ɔ. Bɛ de, banni so.

Maenbulɛfoɛ 2:19

Nakoso sɛ sɔ maenbulɛniɛ ne wu pɛ, né basa bɛ si baabɔ bra tɛɛ bɔ ɔtra bɛ nana mɔ deɛ ne ɔ. Bekodi nyameɛ foforɛ mɔ si, bɛso bɛ ná bɛkoto bɛ. Bɛnyakyi bɛ yɔleɛ tɛɛ anaa b’asoserɛ ne anu biala.

Maenbulɛfoɛ 3:7

Yisraelfoɛ yɔle bɔ ɔte bɔne wɔ AWURADE nyunu ɔ. Bɛmane bɛ wora fili AWURADE bɛ Nyameɛ, na bɛsɔnene Baal mɔ ne Asera mɔ.

Maenbulɛfoɛ 8:27

Gideon fa yɔle amoen bɔ ɔte kyɛ ɔsɔfo ataadeɛ, na ɔsɔle amoen ne wɔ ye kuro Ofra. Yisrael maen amukoraa sɔnene amoen ne, na ɔɔyɛle ngaen mane Gideon ne ye abusuafoɛ.

Maenbulɛfoɛ 8:32

Yoase awa Gideon nyini yɛle aworowaa posoposo koraka yeɛ owu ɔ, na besiele ye wɔ ɔse Yoase ye nyɔboɛ sua nu wɔ Abiesefoɛ kuro Ofra.

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.

Maenbulɛfoɛ 9:4

Bɛyele ɛdwetɛ aburasoo befili Baal Berite asɔneyɛɛ sua nu berɛ bɛmane Abimɛlɛke, na ɔfa bɔle ammɔbrafoɛ ne patapaafoɛ biemɔ paa maa beelili ye si.

Maenbulɛfoɛ 9:46

Sɛkem abandenden nwo mbanyi amukoraa, bɛtele edwirɛ ne pɛ, beewurale Ɛl Berite asɔneyɛɛ sua anwoserɛ afealeɛ ne anu.