Maenbulɛfoɛ 8:30 - AHYERƐLƐ KRONGRON

³⁰ Gideon wole mma mmienzua aburasoo, ofikyɛ ogyale mmraa pee.

Maenbulɛfoɛ 8:30 Iomraidhean Croise

Gyenesise 2:24

Yiti bienzua kofi ɔse ne oni anwo, ná waafa ye nwo wabata ɔye, na bayɛ anwoɔnaen ko.

Gyenesise 46:26

Yakob ye bɔbɔ ye sasofoɛ mukoraa bɔ ɔne bɛ wale Misraim ne, sɛ ɛye ye mma mmienzua nemɔ bɛ ye mɔ esie ahameɛ a, bɛ mukoraa bɛte aburasia ne nzia.

Gyenesise 7:7

Yiti Nowa, ye mma, ɔye, yeɛ ye mma nemɔ koso bɛ ye mɔ bɛɛfole ɛlɛen alaka ne anu bɛfa bɛperele bɛ ti ngoa befili nzueyilɛ ne anu.

1 Ahemvo 11:3

Solomon gyale mmraa ɛyaa nzoo, yeɛ né ye sómaa mɔ te ɛyaa nza. Ɔye nemɔ mane ye adwene kakyili fili AWURADE nwo.

2 Ahemvo 10:1

Né Ahabo le mmaa mmienzua aburasoo wɔ Samaria. Yiti Yehu hyerɛle ngrataa, na ɔsomane maa bɛfa bɛhɔle Samaria bɛɛmane Yesreel nnehyeɛ, mbanyi mɔ, bɛ ne mmenia bɔ bɛnea Ahabo mma mmienzua nemɔ aso ne kyɛ,

Ɛksadɔso 1:5

Né Yakob boso ama ne amukoraa bɛte aburasoo; na né Yosef de ɔwɔ Misraim dada.

Malaki 2:15

Aso Nyameɛ wanyɔ ɛmɔ sona komapɛ bɔ ngoa sunzum wɔ ɛmɔ nu ɔ? Na nzikyɛ yeɛ ɔpena ɔ? Kyɛ ɛmɔkɔwo mmaa bɔ Nyameɛ surolɛ wɔ bɛ nu ɔ. Yiti ɛ́mɔnea ɛmɔ nwo yé wɔ ɛmɔ sunzum nwo, na nnɛma ebiala fa ye mmerandeɛ nu braa ɔfa nnakannaka atee so.

Deuteronomi 17:17

Nnɛmaa ogyigya mmraa pee, ná ye wora amvi Nyameɛ. Nnɛmaa ɔsesa ɛdwetɛ ne sikaa kɔkorɛ pee bɔ so.

Maenbulɛfoɛ 10:4

Ye mma mmienzua te aburasa, na né bɛ nu biala le ye ti anwo afunum bɔ ɔtena so ɔ. Né bele nguro aburasa wɔ Gileade mbɔtam, bɔ ɔbaadwu ɛnɛ ye bɛfrɛ bɛ Yari nguro ɔ.

Maenbulɛfoɛ 12:14

Né ole mmaa mmienzua aburanna ne nnomaa mmienzua aburasa. Sɔ mmenia aburasoo ne, né bɛ nu biala le ye ti anwo afunum bɔ ɔtena so ɔ. Abedon buli Yisraelfoɛ maen ne afoɛ mmɔtwɛ.

Maenbulɛfoɛ 12:9

Né ole mmaa mmienzua aburasa ne mmaa mmrasua aburasa. Ye mma mmrasua aburasa nemɔ, ɔfale bɛ mane ɛwɔfoɛ mɔ bɔ nna ye abusuafoɛ ahɔ ɔ agyaa. Yeɛ ɔɔpenane ndaluwa aburasa bɔ nna ye abusuafoɛ ahɔ ɔ mane ye mma mmienzua nemɔ gyigyale bɛ. Yibesan buli Yisrael maen ne afoɛ nzoo.

Maenbulɛfoɛ 8:31

Ɔne ye sómaa bɔ ɔwɔ Sɛkem ne koso bɛwole baa bienzua, na ɔtole ye dumaa Abimɛlɛke.

Maenbulɛfoɛ 9:1

Yerubaal awa Abimɛlɛke hɔle oni awuro ama berɛ wɔ Sɛkem, na osele bɛ ne oni abusuafoɛ amukoraati kyɛ,

Maenbulɛfoɛ 9:18

Nakoso ɛnɛ ye de, ɛmɔayɛ me baba awuro ama nwo lɔen. Ɛmɔahu ye mma mmienzua aburasoo wɔ nyɔboɛ komapɛ aso, na Abimɛlɛke bɔ ɔte ye afaneɛ awa ne, ɛmɔafa ye bali Sɛkem mbanyi so hene, ɔnate kyɛ ɔte ɛmɔ abusuaniɛ ne ati.

Maenbulɛfoɛ 9:2

“Ɛ́mɔfa bɛto Sɛkem mbanyi amukoraati bɛ nyunu kyɛ, ‘Kyɛ Yerubaal mma mmienzua aburasoo ne amukoraa bekoli ɛmɔ so, ɔne kyɛ bɛ nu ko pɛ koli ɛmɔ so ɔ, beni yeɛ ɔte paa ma ɛmɔ ɔ?’ Ɛ́mɔkaye koso kyɛ ɛmɔ bɔbɔ ɛmɔ dehyeɛ ole me.”

Maenbulɛfoɛ 9:5

Ɔhɔle ɔse awuro berɛ wɔ Ofra, na oliɛma mmienzua mɔ bɔ bɛ ole Yerubaal mma aburasoo ne, ohuhuni bɛ wɔ nyɔboɛ komapɛ aso. Nakoso Yotam bɔ ɔte Yerubaal kasiɛ ne de, onyane ye ti didili nu, ofikyɛ ɔnwatili ɔɔfeale.