Maenbulɛfoɛ 8:27 - AHYERƐLƐ KRONGRON

²⁷ Gideon fa yɔle amoen bɔ ɔte kyɛ ɔsɔfo ataadeɛ, na ɔsɔle amoen ne wɔ ye kuro Ofra. Yisrael maen amukoraa sɔnene amoen ne, na ɔɔyɛle ngaen mane Gideon ne ye abusuafoɛ.

Maenbulɛfoɛ 8:27 Iomraidhean Croise

Edwein 106:35

na mmom bɛ ne bosoensolɛfoɛ nemɔ bɛtenane bɛbɔle nu, na besuane bɛ yɔleɛ nemɔ bɛyɔle bie.

Edwein 106:39

Yiti bɛ yɔleɛ mane bɛ nwo guale fiɛ, na bɛ yɔleɛ ne kakyili adwamanbɔlɛ.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Ɛksadɔso 23:33

Nnɛmaa bɛtena w’aseɛ so, anyɔ a né bamaa ayɔ bɔne atia me; ofikyɛ sɛ ɛso bɛ bosoen nemɔ a, ɔkɔyɛ wɔ so ngaen.”

Ɛksadɔso 32:4

Olele sikaa kɔkorɛ bɔ bɛfa bɛbrɛle ye ne, ohurole ye, na ɔfa yɔle nandwie ba amoen. Na bɛhane kyɛ, “O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 34:16

Annea a, né agyigya bɛ mmrasua nemɔ bie ama wɔ mma mmienzua nemɔ. Na bɛ mma mmrasua nemɔ bɛbɔ adwaman bedi bɛ bosoen nemɔ asi a, bɛkɔma wɔ mma mmienzua nemɔ koso kɔbɔ adwaman koli bɛ bosoen nemɔ asi bie.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Hesekiel 7:20

Bɛfale bɛ mbembenanneɛ nyemene nemɔ bɛhoahoale bɛ nwo, bɛfa bɛyɔle akyiwadeɛ amoen mɔ, bɔ ɔte bɛ nningyein bɔ mekyi ne. Ye sɔ ati, ngɔmaa ɔkɔkakyi bɛ so akyiwadeɛ nikye.

Hosea 2:2

Ɛ́mɔdwudwo behyire ɛmɔ ani, ɛ́mɔdwudwo behyire ye, ofikyɛ nna me ye ɔ, yeɛ ye koso nna ohu ole me. Odi kyɛ ɔye ye gyanderabɔlɛ ne fi ye nye so, na ɔye ye agyaasɛkyelɛ ne fi ye nyɔfone mɔ b’afia.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Deuteronomi 12:5

Na mmom ɔsɛ kyɛ ɛmɔpena aseɛ bɔ AWURADE ɛmɔ Nyameɛ kɔneanea nu kɔye kosie berɛ wɔ ɛmɔ abusua kure ne amukoraati nu, kyɛ ɔ́fa ye dumaa to so ná ɔtena berɛ ne, na berɛ yeɛ ɛmɔhɔ ɔ.

Deuteronomi 7:16

Na ekohũhũ mmenia bɔ AWURADE wɔ Nyameɛ kɔfa bɛ kowura wɔ sa ne amukoraati. Nnɛnwu bɛ anwumvoin, yeɛ nnɛso bɛ nyameɛ nemɔ, ofikyɛ ɛhe kɔyɛ wɔ so ngaen.

Deuteronomi 7:25

Amoen mɔ bɔ bafa bayɛ bɛ nyameɛ mɔ ne, ɛ́mɔfa see bɛ́yera bɛ. Nnɛma wɔ nye boro ɛdwetɛ anaa esikaa kɔkorɛ bɔ bafa baboro amoen nemɔ nwo ne, ná amva bie ma wanyɛ ngaen wangye wɔ, ofikyɛ ɔte AWURADE wɔ Nyameɛ akyiwadeɛ.

Maenbulɛfoɛ 17:5

Sɔ biaa Mika he, né ole amoen asɔneyɛɛ. Ɔpale ɔsɔfo ataadeɛ, na ɔyɔle abusua amoen. Ɔhyɛle ɔwa bienzua ko sɔfo maa ɔyɛle ye sɔfo.

Maenbulɛfoɛ 18:14

Yeɛ mmienzua nnu bɔ bɛɛtetɛle Layise aseɛ ne, besele bɛ mmango nemɔ kyɛ, “Aso ɛmɔse kyɛ ɔsɔfo ataadeɛ, abusua amoen, ɔne buralɛ amoen wɔ sua hemɔ anu ɔ? Bɔ odi kyɛ ɛmɔyɔ ne, nna ebie yeɛ ɔbaahyire ɛmɔ ɔ.”

Maenbulɛfoɛ 18:17

mmienzua nnu bɔ bɛɛtetɛle aseɛ ne, bɛhɔle awuro berɛ bɛɛsesale buralɛ amoen ne, ɔsɔfo ataadeɛ ne ɔne abusua amoen nemɔ. Né ɔsɔfo ne, ɔne mmienzua ɛyaa nzia bɔ betiratira akodeɛ ne, begyigyi pambim ne anoa nu berɛ.

Maenbulɛfoɛ 2:2

Ɛmɔ koso, nnɛma ɛmɔ ne aseɛ he aso ama bɛyɛ apam. Ɛ́mɔdwiri b’afɔleɛ bokyea nemɔ begua.’ Nakoso ɛmɔanni m’ahyɛdeɛ so. Ɛmɔanwu bɔ ɛmɔayɔ ɔ!

Maenbulɛfoɛ 2:3

Yiti afei menwa, mengɔfoa bɛ mengofi ɛmɔ nyunu; na mmom bɛkɔkakyi ɛmɔ pɔfoɛ, na bɛ mmosoen nemɔ kɔyɛ ɛmɔ so ngaen.”

Maenbulɛfoɛ 6:11

AWURADE abɔfo hɔle ɔɔtenane Abieseniɛ Yoase eluii ne abo wɔ Ofra. Sɔ mmerɛ ne, né Yoase awa Gideon ɔboro atokoɔ wɔ kumaa bɔ betwi nzaa nu ɔ nu, ofikyɛ né ɔfa fea Midianfoɛ.

Maenbulɛfoɛ 6:24

Gideon sili afɔleɛ bokyea mane AWURADE wɔ berɛ, na ɔtole afɔleɛ bokyea ne dumaa AWURADE te Asomdwee. Afɔleɛ bokyea ne tɛ gyi Abiesefoɛ kuro Ofra nu maa waadwu ɛnɛ.

Maenbulɛfoɛ 8:26

Esikaa kɔkorɛ asomade bɔ bɛfa bɛmane Gideon ne, nu nonɛ te kilo buru ne ngona (asora mbembenanneɛ, akomuade, ɔne kende bɔ Midian ahemvo mɔ fa siesie bɛ nwo ɔ, ɔne ngaa bɔ ogua b’afupɔngɔ mɔ kɔme anu ɔ).

Maenbulɛfoɛ 8:28

Yiti Yisraelfoɛ lili Midian so ngonim bɔ maen ne angora ye ti so pagya ko ɔ. Na ɛhe mane asomdwee wale aseɛ ne aso afoɛ aburanna wɔ Gideon aberɛ so.