Maenbulɛfoɛ 8:23 - AHYERƐLƐ KRONGRON

²³ Gideon buale bɛ kyɛ, “Me de mengoli ɛmɔ so hene, yeɛ mma koso ngoli ɛmɔ so hene; mmom AWURADE yeɛ okoli ɛmɔ so hene ɔ.”

Maenbulɛfoɛ 8:23 Iomraidhean Croise

Edwein 10:16

AWURADE te hene afebɔɔ, na maen maen mɔ bɛ boso konua kofi ye aseɛ so.

Edwein 149:2

Odi kyɛ Yisrael nye gye, ɔnate (Nyameɛ) bɔ yeɛ ɔbɔle ye ne ati, odi kyɛ Sion mma bɛ nye gye, ɔnate bɛ Hene ne ati.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Yesaya 63:19

Yayɛ kyɛ mmenia bɔ ellili bɛ so hene le ɔ, yayɛ kyɛ mmenia bɔ bɛmva wɔ dumaa bɛmvrɛ bɛ ɔ.

2 Korintofoɛ 1:24

Nna kyɛ yɛhyɛ ɛmɔ so wɔ ɛmɔ gyidie nwo ɔ, na mmom kyɛbɔ ɛmɔ nye kɔha ti yeɛ yɛ ne ɛmɔ yɔ adwuma yɛbɔ nu ɔ, ofikyɛ ɛmɔ gyidie gyi berɛ pindinn.

1 Petro 5:3

bɔ ɔnzɛ kyɛ ɛmɔhyɛ bɛ bɔ bewura ɛmɔ sa ne aso, na mmom kyɛ ɛ́mɔyɛ nhwɛsoɛ bɛ́ma mmoaen kure ne ɔ.

Maenbulɛfoɛ 10:18

Na Gileadefoɛ bɛ safohene nemɔ sisele bɛ nwo kyɛ, “Nwa yeɛ okoli moa kɔfa koɛ kɔɔteta Amonfoɛ ɔ? Sɔ sona ne yeɛ ɔkɔla Gileadefoɛ amukoraa bɛ noa ɔ.”

Maenbulɛfoɛ 2:18

Mmerɛ biala, sɛ né AWURADE ye maenbulɛfoɛ ma bɛ a, AWURADE gyina maenbulɛfoɛ nemɔ si. Na mmerɛ amukoraa bɔ maenbulɛniɛ ne te ase ne, AWURADE de bɛ fi bɛ pɔfoɛ mɔ sa nu. Ofikyɛ ndaneanyeɛ ne nhyɛsoɛ bɔ bɛ pɔfoɛ nemɔ fa di bɛ ne, aworabɔlɛ bɔ ɔmaa bedi ne, AWURADE fa ye nye to, na onwu bɛ anwumvoin.

Maenbulɛfoɛ 8:22

Na Yisraelfoɛ sele Gideon kyɛ, “Di yɛ so hene, ɛne ɛwa ne w’anomaa koso; ofikyɛ ale yɛ afi Midian sa nu.”

1 Samuel 10:19

Nakoso ɛnɛ de, ɛmɔapo ɛmɔ Nyameɛ bɔ ode ɛmɔ fi ɛmɔ amaneɛ mukoraa ne ɛmɔ anwokyere mukoraa nu ne, na ɛmɔaha bahyire ye kyɛ, ‘Daabi, si hene ma yɛ.’ Ye sɔ ne ati, ɛmɔbra beegyina AWURADE nyunu abusua kure abusua kure ne mmusua mmusua.”

1 Samuel 12:12

Ɔwɔ nu kyɛ AWURADE ɛmɔ Nyameɛ yeɛ ɔte ɛmɔ hene ɔ, nakoso mmerɛ bɔ ɛmɔnwuni kyɛ Amonfoɛ hene Nahase ɔbaafa koɛ toa ɛmɔ ne, ɛmɔsele me kyɛ, ‘Daabi, ɔsɛ kyɛ yɛnya ɛhene maa odi yɛ so.’