Maenbulɛfoɛ 7:9 - AHYERƐLƐ KRONGRON

⁹ Sɔ kɔngɔen ne ala, AWURADE sele Gideon kyɛ, “Dwɔso, na fa koɛ kɔteta asikyeleɛ ne; ofikyɛ mafa mawura wɔ sa.”

Maenbulɛfoɛ 7:9 Iomraidhean Croise

2 Aberɛso Dwirɛ 20:17

Koɛ he, nna ɛmɔ yeɛ odi kyɛ ɛmɔko ɔ. Ao Yuda ne Yerusalem, ɛ́mɔte begyina, ɛ́mɔyɛ konn, ná ɛmɔnea ngonim bɔ AWURADE koli kɔma ɛmɔ ɔ. Nnɛma ɛmɔsuro, yeɛ nnɛmɔma ɛmɔ kunu tete ɛmɔ. Ɛhema ɛ́mɔfa koɛ bɛɛtoa bɛ, na AWURADE kogyina ɛmɔ si.”

YOB NWOMAA NE 4:13

Kɔngɔen laleɛ bie anu yeɛ ndele ɔ, mmerɛ bɔ adasa bɛda hatee ne.

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 2:13

Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Yosua 10:8

Na AWURADE sele Yosua kyɛ, “Nnɛsuro bɛ, ofikyɛ mafa bɛ mawura wɔ sa; na bɛ nu ko po ngɔhora ngogyina wɔ nyunu.”

Yosua 11:6

Na AWURADE sele Yosua kyɛ, “Nnɛsuro bɛ, ofikyɛ ɛhema bekye sɔa ala, ngohũhũ bɛ mukoraati ngɔma Yisrael. Na odi kyɛ ɛpepɛ bɛ mbɔngɔ mɔ gya ndii nu, ná ɛfa see yera bɛ teaseɛnam nemɔ.”

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Maenbulɛfoɛ 20:28

na Finehase bɔ ɔse ole Aarɔn awa Eleasa ne, ye yeɛ né ɔte sɔfo wɔ Nyameɛ alaka ne nyunu ɔ.) Bebisale AWURADE kyɛ, “Yɛfa koɛ yɛɛteta y’eliɛma mɔ Benyaminfoɛ bieku, anaakyɛ yɛyakyi?” Na AWURADE buale kyɛ, Ɛmɔɔho, ofikyɛ ɛhema ngɔfa bɛ ngowura ɛmɔ sa.”

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

Maenbulɛfoɛ 3:28

Osele bɛ kyɛ, “Ɛ́mɔli me si, ofikyɛ AWURADE afa ɛmɔ pɔfoɛ Moabofoɛ wawura ɛmɔ sa.” Yiti belili ye si, na beetuale Yɔɔdan apɛleɛ nemɔ bɔ bamma Moaboniɛ biala wambɛ ye wangɔ ye si dɔ ɔ.

Maenbulɛfoɛ 7:10

Nakoso sɛ esuro kyɛ ɛkɔfa koɛ kɔɔteta asikyeleɛ ne a, ye de ma wɔ somvoɛ Pura ɔne wɔ bɛhɔ.

Maenbulɛfoɛ 7:8

Yiti Gideon lele koɛhonɛfoɛ nemɔ b’aleɛ ne bɛ totorobɛndo mɔ fili bɛ sa nu. Ɔmane Yisrael koɛhonɛfoɛ ngaa ne amukoraati besa bɛhɔle b’ɛtena sua mɔ nu, nakoso koɛhonɛfoɛ ɛyaa nza ne de, ɔmaa bɛhale ye nwo berɛ. Nekaa bɔ né Gideon wɔ ne, né Midian asikyeleɛ wɔ ye ngwaen wɔ bɔnza ne anu.

1 Samuel 14:8

Yeɛ Yonatan sele kyɛ, “Yɛkɔpɛ nu yɛkɔhɔ sɔ mmenia nemɔ dɔ maa bekonwu yɛ.

1 Samuel 23:4

Dawide bisale AWURADE bieku. Na AWURADE buale ye kyɛ, “Kɔ. Kɔ Keila, na ngɔfa Filistifoɛ ngowura wɔ sa.”