Maenbulɛfoɛ 7:8 - AHYERƐLƐ KRONGRON

⁸ Yiti Gideon lele koɛhonɛfoɛ nemɔ b’aleɛ ne bɛ totorobɛndo mɔ fili bɛ sa nu. Ɔmane Yisrael koɛhonɛfoɛ ngaa ne amukoraati besa bɛhɔle b’ɛtena sua mɔ nu, nakoso koɛhonɛfoɛ ɛyaa nza ne de, ɔmaa bɛhale ye nwo berɛ. Nekaa bɔ né Gideon wɔ ne, né Midian asikyeleɛ wɔ ye ngwaen wɔ bɔnza ne anu.

Maenbulɛfoɛ 7:8 Iomraidhean Croise

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Lewitikɔso 23:24

“Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.

Lewitikɔso 25:9

Na bosome bɔ ɔtɔ so nzoo ne, eleburu ne aso bɔ yeɛ ɔte mbata kyẽa ne, maa behu totorobɛndo serɛserɛ; maa behũ ye wɔ ɛmɔ maen ne anu amukoraa.

Numeri 10:9

Sɛ ɛmɔ ne ɛmɔ pɔfoɛ mɔ bɔ bɛtane ɛmɔ nye bɛko koɛ wɔ ɛmɔ aseɛ ne aso a, ɛ́mɔhu totorobɛndo nemɔ maa ohyire kyɛ edwirɛ asi, amaa ɔnate so AWURADE ɛmɔ Nyameɛ waboka ɛmɔ, ná ɛmɔanya ɛmɔ ti badidi nu bafi ɛmɔ pɔfoɛ mɔ sa nu.

1 Korintofoɛ 15:52

Na mvum nu, kyɛ ɛbɔ wɔ nye perɛ ne, totorobɛndo bɔ ɔpɛ ye bo ne kohu. Ofikyɛ bekohu totorobɛndo ne, na bekotingye awufoɛ bɛkɔhɔ tebea bɔ bɛmborɔ ɔ nu, na yɛ de yɛkɔkakyi.

Yosua 6:20

Yiti mmenia ne bɔle ese, na asɔfo nemɔ huli totorobɛndo nemɔ. Mmerɛ bɔ mmenia ne tele kyɛ bahu totorobɛndo nemɔ pɛ, bɛbɔle ese serɛserɛ, na fasue ne bu guale gyirigorɔɔ. Na mmenia ne amukoraa hɔle bɛ nyunu tee beewura kuro ne anu, na belili so ngonim.

Yosua 6:4

Ma asɔfo nzoo bɛfa boaen mmɛen totorobɛndo nzoo beli alaka ne nyunu moa. Na kyẽa bɔ ɔtɔ so nzoo nen, ɔsɛ kyɛ ɛmɔbɔ kuro ne anwo nzra bɛbra beyia pɛen nzoo, wɔ mmerɛ bɔ asɔfo nemɔ koso béhu totorobɛndo nemɔ ɔ.

Maenbulɛfoɛ 3:27

Odwuli berɛ ne, ohuli totorobɛndo ne wɔ Efraim mmokaa aseɛ ne aso. Na Yisraelfoɛ ne Ehude bɛtorotorole befili mmokaa aseɛ ne aso, bɔ né Ehude ɔla bɛ noa ɔ.

Maenbulɛfoɛ 6:33

Afei Midianfoɛ, Amalɛkefoɛ ɔne eyia afiteleɛfoɛ amukoraa bɛboale bɛ noa, bɛpɛle asue Yɔɔdan, na bɛɛkyekyele asikyeleɛ wɔ Yesreel bɔnza ne anu dɔ.

Maenbulɛfoɛ 7:7

Na AWURADE sele Gideon kyɛ, “Mmenia ɛyaa nza bɔ bele bɛ temverema bɛnone nzue ne, ngɔfa bɛ so ngole ɛmɔ, ná mafa Midianfoɛ mawura wɔ sa. Ma bɛ ngaa ne amukoraa besa bɛ́hɔ b’awuro.”

Maenbulɛfoɛ 7:9

Sɔ kɔngɔen ne ala, AWURADE sele Gideon kyɛ, “Dwɔso, na fa koɛ kɔteta asikyeleɛ ne; ofikyɛ mafa mawura wɔ sa.”