Maenbulɛfoɛ 7:7 - AHYERƐLƐ KRONGRON

⁷ Na AWURADE sele Gideon kyɛ, “Mmenia ɛyaa nza bɔ bele bɛ temverema bɛnone nzue ne, ngɔfa bɛ so ngole ɛmɔ, ná mafa Midianfoɛ mawura wɔ sa. Ma bɛ ngaa ne amukoraa besa bɛ́hɔ b’awuro.”

Maenbulɛfoɛ 7:7 Iomraidhean Croise

Maenbulɛfoɛ 7:6

Bɛ bɔ bele bɛ temverema bɛnone nzue ne bie ne, bɛ somaa te ɛyaa nza. Nakoso koɛhonɛfoɛ ngaa nemɔ de, bebuli ndwerɛ yeɛ bɛnone nzue ne bie ɔ.

Maenbulɛfoɛ 7:8

Yiti Gideon lele koɛhonɛfoɛ nemɔ b’aleɛ ne bɛ totorobɛndo mɔ fili bɛ sa nu. Ɔmane Yisrael koɛhonɛfoɛ ngaa ne amukoraati besa bɛhɔle b’ɛtena sua mɔ nu, nakoso koɛhonɛfoɛ ɛyaa nza ne de, ɔmaa bɛhale ye nwo berɛ. Nekaa bɔ né Gideon wɔ ne, né Midian asikyeleɛ wɔ ye ngwaen wɔ bɔnza ne anu.

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”

1 Samuel 23:4

Dawide bisale AWURADE bieku. Na AWURADE buale ye kyɛ, “Kɔ. Kɔ Keila, na ngɔfa Filistifoɛ ngowura wɔ sa.”