Maenbulɛfoɛ 7:4 - AHYERƐLƐ KRONGRON

⁴ Yeɛ AWURADE sele Gideon kyɛ, “Koɛhonɛfoɛ nemɔ bɛtɛ sone. Fa bɛ torotoro kɔ asue ne noa, ná ngɔsa bɛ nu wɔ dɔ ngɔma wɔ. Sɛ meka kyɛ, ‘Ɛne ɛhesɔa bɛhɔ’ a, ye de ɛne ye bɛhɔ. Yeɛ sɛ meka kyɛ ‘Nnɛma ɛne ɛhesɔa bɛkɔ’ a, onni kyɛ ɛne ye bɛkɔ.”

Maenbulɛfoɛ 7:4 Iomraidhean Croise

Gyenesise 22:1

Ɛhemɔ asi ne, Nyameɛ sole Abraham neane. Ɔfrɛle ye kyɛ, “Abraham!” Na Abraham surole kyɛ, “Me ɛhe.”

YOB NWOMAA NE 23:10

Nakoso ye de, ɔse atee bɔ mefa so ɔ, na sɛ oso me nea a, ngofi nu ngofite ma me nwo kɔyɛ hyɛmm kyɛ sikaa kɔkorɛ.

Edwein 33:16

Ɛhene biala, nna ye koɛhonɛfoɛ somaa yeɛ bɛkora bɛpepɛ bede ye ɔ; yeɛ koɛhonɛniɛ koso, nna ye anwoserɛ kandinga yeɛ ɔpepɛ de ye ɔ.

Edwein 66:10

Ofikyɛ wɔ, ao Nyameɛ, aso yɛ anea; aso yɛ anea kyɛbɔ bɛpɔ ɛdwetɛ nwo wɔ see nu ɔ.

Edwein 7:9

Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Maenbulɛfoɛ 7:5

Yiti Gideon fale koɛhonɛfoɛ nemɔ torotoro hɔle asue ne noa; na AWURADE sele ye kyɛ, “Ebiala bɔ ɔkɔfa ye temverema kɔno nzue ne bie, kyɛbɔ kyẽa no nzue ne, maa ogyina bue ko. Yeɛ ebiala bɔ okobu ndwerɛ kɔfa ye noa kɔbɔ nzue ne anu kɔno bie ne, maa ye koso ogyina bue ko.”

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”