Maenbulɛfoɛ 7:3 - AHYERƐLƐ KRONGRON

³ Yiti bɔ ye dawure ma koɛhonɛfoɛ nemɔ bɛte kyɛ, ‘Ebiala bɔ osuro ná ye kra anwati ne, osa ɔhɔ awuro.’ ” Na Gideon sale bɛ nu: bɛ nu apee aburanyɔ ne nyɔ sa hɔle, na apee buru de, bɛhale berɛ.

Maenbulɛfoɛ 7:3 Iomraidhean Croise

Mateo 13:21

nakoso sɔ sona ne ondira ndii, na mmom ɔkora gyina mmerɛ kãa bie. Na sɛ ɔnate edwirɛ ne ati amaneɛnwunɛ anaa ndaneanyeɛ ba ye so a, berɛ ne ala ɔkakyi sundidua ma ye.

Mateo 20:16

(Na Yesu hã toale so kyɛ,) “Yiti bɛ bɔ beli nziɛ ne, bekoli moa, yeɛ bɛ bɔ beli moa ne, bekoli nziɛ.” [Ofikyɛ bafrɛ pee, nakoso kãa bie yeɛ baneanea nu baye bɛ ɔ.]

Deuteronomi 20:8

Mbanyi nemɔ kɔhɔ so kodwudwo kohyire ɛlɔen ne kyɛ, ‘Aso ebie wɔ yɛ nu bɔ osuro anaa ye kunu tete ye ɔ? Osa hɔ ye awuro; anyɔ a né wama ye mmango kunu atete bɛ kyɛbɔ ye deɛ tete ye ne.’

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Maenbulɛfoɛ 6:35

Gideon tuli ɛbɔfoɛ maa bɛhɔle Manase aseɛ so amukoraa, na bɛbɔle bɛ amaneɛ maa bɛ koso beelili ye si. Osa tuli ɛbɔfoɛ maa bɛhɔle Asɛ, Sebulɔn ne Nafetali aseɛ so, na bɛ koso bɛɛbokale ye so.