Maenbulɛfoɛ 7:21 - AHYERƐLƐ KRONGRON

²¹ Koɛhonɛfoɛ nemɔ, bɛ mukoraa begyinagyinane Midian asikyeleɛ ne anwo bɛbra beyiale. Asikyeleɛ ne anu mmenia amukoraa bɛnwatili, na bɛnwati ne, né bɛbɔ awuye.

Maenbulɛfoɛ 7:21 Iomraidhean Croise

1 Ahemvo 20:20

Yisrael koɛhonɛfoɛ nemɔ huhuni Siria koɛhonɛfoɛ nemɔ. Siriafoɛ nwatili na Yisraelfoɛ guli bɛ so. Nakoso Siria hene Ben Hadade tenane pɔngɔ so ɔne pɔngɔhanɛfoɛ bɛnwatili.

2 Aberɛso Dwirɛ 20:15

Ɔhane kyɛ, “Yudafoɛ amukoraa, Yerusalemfoɛ ne Nana Yehosafate, ɛ́mɔtie. AWURADE nwa nyoo, ‘Sɔ ɛlɔen piri he, nnɛma ɛmɔsuro bɛ, yeɛ nnɛmɔma ɛmɔ kunu tete ɛmɔ wɔ bɛ nwo; ofikyɛ koɛ ne ɔtte ɛmɔ koɛ, na mmom ɔte Nyameɛ koɛ.

2 Aberɛso Dwirɛ 20:17

Koɛ he, nna ɛmɔ yeɛ odi kyɛ ɛmɔko ɔ. Ao Yuda ne Yerusalem, ɛ́mɔte begyina, ɛ́mɔyɛ konn, ná ɛmɔnea ngonim bɔ AWURADE koli kɔma ɛmɔ ɔ. Nnɛma ɛmɔsuro, yeɛ nnɛmɔma ɛmɔ kunu tete ɛmɔ. Ɛhema ɛ́mɔfa koɛ bɛɛtoa bɛ, na AWURADE kogyina ɛmɔ si.”

Ɛksadɔso 14:25

Ɔmane bɛ teaseɛnam nemɔ gya sɛkyesɛkyele bɔ né bɛngora ndɛ kɔ ɔ. Yiti Misraimfoɛ sele kyɛ, “Ɛ́mɔma yɛ́nwati yɛ́fi Yisraelfoɛ mɔ nwo wa, ofikyɛ AWURADE gyi bɛ si ɔko tia Misraim.”

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yesaya 30:15

Na AWURADE Nyameɛ, Yisrael Krongronniɛ ne, ɔnwa: “Sɛ ɛmɔsa bɛba me berɛ, ɔne kyɛ ɛmɔde bɛ nwome wɔ me nu a, yeɛ ɛmɔkonya ngoa ɔ; konnyɛlɛ ne anyelasoɛ nu yeɛ ɛmɔ anwoserɛ wɔ ɔ.” Nakoso ɛmɔanguro ye sɔ,

Yesaya 30:7

Ofikyɛ Misraim mmokalɛ ne ɔte mbaen bɔ mvasoɛ nne so ɔ. Yiti mato ye dumaa “Rahabo bɔ ɔngora huu yɔ ɔ.”

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

Maenbulɛfoɛ 7:20

Na koɛhonɛfoɛ kure nza ne, behuli bɛ totorobɛndo nemɔ, na bɛbobɔle bɛ kwangoa nemɔ. Betiratirale ɛtɛen ne wɔ bɛ sa bɛen nu, yeɛ totorobɛndo bɔ behu ne koso wɔ bɛ sa famaa nu; na bɛteateane nu kyɛ, “AWURADE ne Gideon ngrandɛ!”