Maenbulɛfoɛ 7:20 - AHYERƐLƐ KRONGRON

²⁰ Na koɛhonɛfoɛ kure nza ne, behuli bɛ totorobɛndo nemɔ, na bɛbobɔle bɛ kwangoa nemɔ. Betiratirale ɛtɛen ne wɔ bɛ sa bɛen nu, yeɛ totorobɛndo bɔ behu ne koso wɔ bɛ sa famaa nu; na bɛteateane nu kyɛ, “AWURADE ne Gideon ngrandɛ!”

Maenbulɛfoɛ 7:20 Iomraidhean Croise

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yeremia 47:6

Ao, AWURADE ngrandɛ, kyinzu yeɛ ɛkɔyɛ konn ɔ? Kowura wɔ bɔha nu, de wɔ nwome ná yɛ konn!

1 Korintofoɛ 15:52

Na mvum nu, kyɛ ɛbɔ wɔ nye perɛ ne, totorobɛndo bɔ ɔpɛ ye bo ne kohu. Ofikyɛ bekohu totorobɛndo ne, na bekotingye awufoɛ bɛkɔhɔ tebea bɔ bɛmborɔ ɔ nu, na yɛ de yɛkɔkakyi.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Yosua 6:16

Ye pɛen nzoo ne aso, bɔ asɔfo nemɔ huli totorobɛndo nemɔ nen, Yosua sele mmenia ne kyɛ, “Ɛ́mɔbɔ ese, ofikyɛ AWURADE afa kuro ne wawura ɛmɔ sa.

Yosua 6:20

Yiti mmenia ne bɔle ese, na asɔfo nemɔ huli totorobɛndo nemɔ. Mmerɛ bɔ mmenia ne tele kyɛ bahu totorobɛndo nemɔ pɛ, bɛbɔle ese serɛserɛ, na fasue ne bu guale gyirigorɔɔ. Na mmenia ne amukoraa hɔle bɛ nyunu tee beewura kuro ne anu, na belili so ngonim.

Yosua 6:4

Ma asɔfo nzoo bɛfa boaen mmɛen totorobɛndo nzoo beli alaka ne nyunu moa. Na kyẽa bɔ ɔtɔ so nzoo nen, ɔsɛ kyɛ ɛmɔbɔ kuro ne anwo nzra bɛbra beyia pɛen nzoo, wɔ mmerɛ bɔ asɔfo nemɔ koso béhu totorobɛndo nemɔ ɔ.

2 Petro 1:15

Na mébɔ mmɔden menea kyɛ, mefi wiase wa mekɔ a, nziɛ ye ɛmɔkɔkaye ɛhemɔ daa biala.

Maenbulɛfoɛ 7:19

Abunnamu bɔ bɛsesane kuro berɛ awɛmvoɛ nemɔ nen, Gideon ne koɛhonɛfoɛ ɛyaa ko bɔ bɛboka ye so ne, bɛwale asikyeleɛ ne tiwaa. Behuli totorobɛndo nemɔ, na bɛbobɔle kwangoa bɔ né otiratira bɛ nemɔ.

Maenbulɛfoɛ 7:21

Koɛhonɛfoɛ nemɔ, bɛ mukoraa begyinagyinane Midian asikyeleɛ ne anwo bɛbra beyiale. Asikyeleɛ ne anu mmenia amukoraa bɛnwatili, na bɛnwati ne, né bɛbɔ awuye.

1 Samuel 11:11

Aleɛ hyene ne, Sɔɔlo hyɛle ye lɔen ne anu kure nza. Na alebahyene, bɛhɔle Amonfoɛ asikyeleɛ ne anu, na behuhuni Amonfoɛ toonn maa oodwuli eyia ketee. Bɛ bɔ benyane bɛ ti bedidili nu ne, bɛbɔle aya, bɔ mmenia nyɔ po banga neka horɛ ɔ.