Maenbulɛfoɛ 7:2 - AHYERƐLƐ KRONGRON

² Na AWURADE sele Gideon kyɛ, “Koɛhonɛfoɛ bɔ bɛboka wɔ so bɔ mepena kyɛ mefa Midianfoɛ mewura bɛ sa ne, bɛsone soma. Ɔba ye sɔ a, Yisrael kɔhoahoa ye nwo kohyire me, ná waha kyɛ, ‘Me bɔbɔ m’anwoserɛ yeɛ wapepɛ wale me ɔ.’

Maenbulɛfoɛ 7:2 Iomraidhean Croise

Gyenesise 46:2

Na Nyameɛ dwudwo hyirele Yisrael kɔngɔen ne wɔ nyekyire nu. Ɔfrɛle ye: “Yakob, Yakob,” na osurole kyɛ, “Me ɛhe.”

2 Aberɛso Dwirɛ 14:11

Asa sũ frɛle AWURADE ye Nyameɛ kyɛ, “Ao AWURADE, ɛkora boka sona bɔ ye nwo yɛ se, yeɛ ɛkora boka bɔ ye nwo nyɛ se koso ɔ. Ao AWURADE yɛ Nyameɛ, boka yɛ, ofikyɛ yafa yɛ nwo yato wɔ so, na wɔ dumaa nu yeɛ yɛfa koɛ yɛkɔtoa ɛlɔen he ɔ. Ao AWURADE, wɔ yeɛ ɛte yɛ Nyameɛ ɔ. Nnɛma dasaniɛ biala di wɔ so ngonim.”

Yesaya 10:13

Ofikyɛ Asiria hene nwa: “Me bɔbɔ m’anwoserɛ ne me nworɛ yeɛ mafa mayɔ ɛhe ɔ, ofikyɛ m’adwene nu pi; matutu maen maen nemɔ bɛ wɛen magua, mafẽ bɛ nningyein mafa; mayɛ kyɛ katakyie bɔ mapemo bɛ hene mɔ maa batete bagua ase ɔ.

Yesaya 2:11

Bɛkɔbrɛ ahandaen anyeɛ ase, yeɛ bekogua mmenia b’anwomasoɛ nyunu ase, na AWURADE angome yeɛ bɛkɔma ye so sɔ kyẽa ne ɔ.

Yesaya 2:17

Bɛkɔbrɛ sona ye ahandaen ase, yeɛ bekogua mmenia b’anwomasoɛ nyunu ase, na AWURADE angome yeɛ bɛkɔma ye so sɔ kyẽa ne ɔ.

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Hesekiel 28:17

W’anwonyemene ti ɛyɛle anwomasoɛ, wɔ talɛ bɔ ɛta ti ɛsɛkyele wɔ nworɛ. Yiti mvindini wɔ ndole ase, nguale wɔ nyunu ase wɔ ahemvo mɔ bɛ nyunu, maa betuli bɛ nye beguale wɔ so.

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Daniel 4:30

na osele kyɛ, “Babilɔn yeɛ wayɛ piri sɔa e! Aso nna me tumi piri yeɛ mafa makyekye kuro ye maa wayɛ m’ahenguro, bɔ mefa meye m’ahennie animnyam ali ɔ?”

Habakuku 1:16

Yiti bɛbɔ afɔleɛ bɛma b’asawu ne, bɛyera ɛyɛɛ bɛma bɛ tɛen ne; ofikyɛ ɔnate bɛ so yeɛ bɛtena ase wɔ anwotɔ nu ɔ.

Sakaria 12:7

“AWURADE koli moa kɔpepɛ kole Yuda ɛtena sua mɔ, amaa ɔnate so Dawide awuro ama animnyam ne Yerusalemfoɛ b’animnyam bambagya bandra Yuda.

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Numeri 31:4

Ɛmɔye Yisrael abusua kure biala anu mmenia apee ko maa bɛhɔ koɛ ne.”

Romanfoɛ 11:18

Yiti ɔnzɛ kyɛ ɛmɔhoahoa bɛ nwo bekyire bakaa mmaen bɔ bɛpɛle bɛ beguale ne. Sɛ ɛmɔhoahoa bɛ nwo a, ɛmɔkaye kyɛ nna ɛmɔ yeɛ ɛmɔtira ndii ne anu ɔ, na mmom ndii ne yeɛ betira ɛmɔ nu ɔ.

Romanfoɛ 3:27

Afei nzikyɛ yeɛ yɛfa yɛhoahoa yɛ nwo ɔ? Yɛlle hwee! Kyɛ yɛdi mmeraa ne aso anaa? Anaakyɛ yɛ yɔleɛ paa ti ɔ? Daabi, na mmom ɔnate gyidie so.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

Ɛfesofoɛ 2:9

nna ɛmɔ nnwumaa ti ɔ, ná ebiala amva anhoahoa ye nwo.

Deuteronomi 32:27

Nakoso né mesuro kyɛ pɔfoɛ ne kɔfa kɔhoahoa ye nwo, ofikyɛ ebiaa né bɛ pɔfoɛ mɔ ande bɔ meyɔ ne abo, na bɛkɔhã kyɛ, ‘Yali ngonim; nna AWURADE yeɛ ɔyɔle sɔ nningyein he amukoraati ɔ.’

Deuteronomi 8:17

Nnɛyɛ w’adwene kyɛ, ‘Ɔnate m’anwoserɛ ne m’abasa nu serɛ so yeɛ manya me nwo ɔ.’

Deuteronomi 8:18

Na mmom kaye AWURADE wɔ Nyameɛ, ofikyɛ ye yeɛ ɔma wɔ anwoserɛ maa ɛfa nya wɔ nwo ɔ, kyɛbɔ kekesaala ye ɔwɔ so ɔyɔ ye; amaa ɔnate so apam bɔ ɔtale ye nwo ndaen hyirele wɔ nana mɔ ne, wasi ye agyinayɛɛ.

Yakobo 4:6

Nakoso adom bɔ ɔfa ma ne, ɔsone pee. Na ye sɔ ati yeɛ Ahyerɛlɛ ne kã kyɛ, “Nyameɛ nye sa anwomasoɛfoɛ, na ɔdo anwobrɛaseɛfoɛ.”

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”