Maenbulɛfoɛ 7:14 - AHYERƐLƐ KRONGRON

¹⁴ Yeɛ obiɛngo ne buale kyɛ, “Laleɛ he de nna hwee ɔ; Yoase awa Yisraelniɛ Gideon, ye ngrandɛ ne ɔ. Nyameɛ afa Midian ne koɛhonɛfoɛ ne amukoraa wawura ye sa.”

Maenbulɛfoɛ 7:14 Iomraidhean Croise

YOB NWOMAA NE 1:10

Ye nwo waen, ye abusua nwo waen, ɔne nikyee biala bɔ ole ye ɔ nwo waen bɔ abɔ abra ayia ne, aso nna ye ti ɔ? Ayira ye sa noa adwuma so, na ye nyɛmmoa bata pee wɔ aseɛ ne aso.

Numeri 22:38

Balaam buale Balake kyɛ, “Kekesaala ye, mawa, nakoso atee nne berɛ kyɛ meka bɔ me bɔbɔ mekuro ɔ. Edwirɛ bɔ Nyameɛ kɔfa kotua me noa ne, ye ala yeɛ odi kyɛ meka ɔ.”

Numeri 23:20

Tie, saleɛ nwo dwirɛ yeɛ wafa wasoma me ɔ, wayira bɛ, yiti mengɔhora ye sesã.

Numeri 23:5

Na AWURADE fale edwirɛ tuale Balaam noa kyɛ, “Sa kɔ Balake dɔ, na edwirɛ he yeɛ odi kyɛ ɛkã ɔ.”

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Yosua 2:9

oosele bɛ kyɛ, “Mese kyɛ AWURADE afa aseɛ ye wama ɛmɔ; ɛmɔ nwo suronyi atɔ yɛ so, na ɔnate ɛmɔ ti ahunundetelɛ atɔ maen he anu ama mukoraati so.

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Maenbulɛfoɛ 3:28

Osele bɛ kyɛ, “Ɛ́mɔli me si, ofikyɛ AWURADE afa ɛmɔ pɔfoɛ Moabofoɛ wawura ɛmɔ sa.” Yiti belili ye si, na beetuale Yɔɔdan apɛleɛ nemɔ bɔ bamma Moaboniɛ biala wambɛ ye wangɔ ye si dɔ ɔ.

Maenbulɛfoɛ 7:13

Gideon oodwuli berɛ ne, né biaa bie ɔka ye laleɛ nu dwirɛ kyire obiɛngo kyɛ, “Ngyene laleɛ, nwuni kyɛ ayuo paanoo mumua ko amunu waatɔ Midian asikyeleɛ ne anu. Na oodwuli ɛtena sua ne anwo ne, ɔpemone ye maa otu tɔle; ɛtena sua ne gya tuatuale anwuro na ɔsɛkyele bɔkɔɔ.”

Maenbulɛfoɛ 7:15

Gideon tele kyɛ ɔka laleɛ ne anu dwirɛ ná okyire ye bo ne, ɔsɔnene AWURADE; na osa wale Yisrael asikyeleɛ ne anu oosele kyɛ, “Ɛ́mɔdwɔso, ofikyɛ AWURADE afa Midian koɛhonɛfoɛ ne wawura ɛmɔ sa.”

1 Samuel 14:12

Na koɛhonɛfoɛ bɔ bɛwɔ asikyeleɛ ne anu ne, bɛteane nu besele Yonatan ne ye somvoɛ bɔ otira ye akodeɛ ne kyɛ, “Ɛmɔ de, ɛ́mɔfo bɛbra wa, na yɛkohyire ɛmɔ nworɛ!” Na Yonatan sele ye somvoɛ bɔ otira ye akodeɛ ne kyɛ, “Di me si, ofikyɛ AWURADE afa bɛ awura Yisrael sa.”