Maenbulɛfoɛ 7:1 - AHYERƐLƐ KRONGRON

¹ Yerubaal (bɔ osa li Gideon ne) ɔne koɛhonɛfoɛ bɔ bɛboka ye so ne amukoraati, bedwɔsole ngyerɛmɔ tutuutu bɛɛkyekyele asikyeleɛ wɔ Harode mbombonzue ne anwo. Né Midian asikyeleɛ wɔ bɛ sorɔ wɔ More bokaa ne anwo, wɔ bɔnza ne anu.

Maenbulɛfoɛ 7:1 Iomraidhean Croise

Gyenesise 12:6

Abram pɛle nu wɔ aseɛ ne aso, na oodwuli More eluii bakaa bɔ ɔwɔ Sɛkem ne anwo. Sɔ mmerɛ ne, né Kanaanfoɛ wɔ aseɛ ne aso.

Gyenesise 22:3

Yiti Abraham dwɔsole ngyerɛmɔ tutuutu, osiesiele ye afunum ne, na ɔfale ye somvoɛ nemɔ nu nyɔ, ɔne ɔwa Yisake bokale ye nwo so. Ɔpakyele eyein bɔ ɔkwaafa bɔ naen yeralɛ afɔleɛ ne, na osili nu hɔle nekaa bɔ Nyameɛ hyirele ye kyɛ ɔhɔ ne.

2 Samuel 23:25

Sama bɔ ofi Harode, Elika bɔ ofi Harode,

Edwein 83:9

Bɔ ɛfa yɛle Midian, Sisera ne Yabin wɔ asue Kison nwo ne, fa sɔ alaa yɛ bɛ.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Deuteronomi 11:30

(Sɔ bokaa nemɔ wɔ asue Yɔɔdan si, wɔ eyia atɔleɛ atee bue nu dɔ, wɔ Kanaanfoɛ bɔ bɛte Araba nen b’aseɛ so, Gilgal ndendeneɛ so, bɔ opingye More eluii bakaa nen).

Yosua 3:1

Yosua ne Yisraelfoɛ amukoraati bedwɔsole ngyerɛmɔ tutututu, betuli bɛ bo befili Sitim, na beedwuli asue Yɔɔdan noa. Bɛkyekyele asikyeleɛ wɔ berɛ koraka yeɛ bɛpɛ asue ne ɔ.

Yosua 6:12

Ye alehyeleɛ nu ne, Yosua dwɔsole ngyerɛmɔ tutututu, na asɔfo nemɔ soale AWURADE alaka ne.

Maenbulɛfoɛ 6:32

Yiti sɔ kyẽa ne, bɛtole Gideon dumaa Yerubaal, bɔ ye bo ole: “Maa Baal ɔne ye beli,” ofikyɛ wabubu ye afɔleɛ bokyea.

Maenbulɛfoɛ 6:33

Afei Midianfoɛ, Amalɛkefoɛ ɔne eyia afiteleɛfoɛ amukoraa bɛboale bɛ noa, bɛpɛle asue Yɔɔdan, na bɛɛkyekyele asikyeleɛ wɔ Yesreel bɔnza ne anu dɔ.

Maenbulɛfoɛ 6:40

Na sɔ kyẽa ne kɔngɔen, Nyameɛ yɔle ye sɔ ala. Gyese ne angome yɛle wosee, na bosue guale aseɛnwo berɛ amukoraa.

Maenbulɛfoɛ 8:29

Yoase awa Yerubaal (bɔ besa bɛfrɛ ye Gideon ne) ɔɔtenane ye bɔbɔ ye awuro.

1 Samuel 12:11

Na AWURADE somane Yerubaal, Bedan, Yɛfeta ne Samuel; na ɛmɔ pɔfoɛ mɔ bɔ bapɛ ɛmɔ nwo bayia ne, ɔpepɛ lele ɛmɔ fili bɛ sa nu maa ɛmɔtenane asomdwee nu.

1 Samuel 29:1

Afei Filistifoɛ boaboale bɛ koɛhonɛfoɛ amukoraati noa wɔ Afeke, yeɛ Yisraelfoɛ koso bɛkyekyele asikyeleɛ wɔ mbombonzue bɔ ɔwɔ Yesreel ne anwo.