Maenbulɛfoɛ 6:6 - AHYERƐLƐ KRONGRON

⁶ Ɔnate Midianfoɛ ti ɛhɔen huni Yisraelfoɛ paa. Na Yisraelfoɛ sũ frɛle AWURADE kyɛ ɔɔpepɛ ole bɛ.

Maenbulɛfoɛ 6:6 Iomraidhean Croise

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 78:34

Ohuhuni bɛ ne, bɛpenane ye si atee; bɛsakyerale b’adwene bɛpenane Nyameɛ si atee yé paa.

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Yeremia 5:17

Bekoli wɔ fieso aleɛ ne w’aleɛ; bekohũhũ wɔ mma mmienzua ne wɔ mma mmrasua; bekohũhũ wɔ mmoaen ne wɔ nandwie mɔ bekoli, bekobubu wɔ bobe ne borɔdoma mmakaa bekogua; wɔ nguro bɔ ato bɛ nwo fasue, bɔ afa wɔ wora awura bɛ nu ne, bɛkɔfa ngrandɛ bɛkɔsɛkye bɛ.

Hosea 5:15

Ngosa ngɔhɔ m’atenaleɛ berɛ, kɔpem kyɛ bekole bɛ bɔne bɛkɔto nu, ná bɛkɔpena me si atee ɔ. B’amaneɛnwunɛ mmerɛ nu, bɛkɔpena me si atee ndɛndɛ.

Malaki 1:4

Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Deuteronomi 28:43

Ɛwɔfoɛ mɔ bɔ bɛwɔ wɔ maen nu kɔhɔ so koli mu kɔtra wɔ, nakoso wɔ de, ɛkɔhɔ so kɔbɔ ase.

Maenbulɛfoɛ 10:10

Yiti Yisraelfoɛ sũ frɛle AWURADE kyɛ, “Yayɔ bɔne yatia wɔ, ofikyɛ wɔ bɔ ɛte yɛ Nyameɛ ne, yayakyi wɔ si lilɛ yaaso Baal mɔ.”

Maenbulɛfoɛ 3:15

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Ehude bɔ ɔse ole Benyaminniɛ Gera ne. Ehude te bɛen.

Maenbulɛfoɛ 3:9

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Otiniɛl bɔ ɔse ole Kalebo aliɛma bienzua kãa Kenase ne.

Maenbulɛfoɛ 4:3

Na Yisraelfoɛ sũ frɛle AWURADE kyɛ ɔɔpepɛ le bɛ. Ofikyɛ né Sisera le buralɛ teaseɛnam ɛyaa ngona, yeɛ afei né wahyɛ Yisraelfoɛ so yeayea afoɛ aburanyɔ.

Maenbulɛfoɛ 6:7

Midianfoɛ ndaneanyeɛ ne ati, Yisraelfoɛ sũ frɛle AWURADE,