Maenbulɛfoɛ 6:4 - AHYERƐLƐ KRONGRON

⁴ Bɛbakyekye b’asikyeleɛ bepingye Yisraelfoɛ, na bɛsɛkye bɛ fieso nningyein alaa kodwu Gasa wɛen so. Bɛnyakyi aleɛ kaala po, anaa boaen, anaa nandwie, anaa afunum ko po wɔ Yisrael.

Maenbulɛfoɛ 6:4 Iomraidhean Croise

Gyenesise 10:19

Na Kanaan maen ɛwɛen ne trɛle fili Sidon toonn hɔle Gera bue nu dɔ, na oodwuli Gasa, Sodom, Gomora, Adema ne Seboyim ne Lasa.

Gyenesise 13:10

Lɔto totole ye nye neane Yɔɔdan noa aseɛ frɛtɛɛ ne amukoraa, bɔ ɔkɔ Soa bue nu dɔ ne, na onwuni kyɛ nzue doadoa ye nekaa biala te kyɛ AWURADE turo ne, kyɛ Misraim aseɛ. Ɛhe sili koraka yeɛ AWURADE baasɛkye Sodom ne Gomora ɔ.

Anyandera 28:3

Ehianiɛ bɔ okosisi ehianiɛ ne, ɔte kyɛ esue bɔ ɔtɔ titititi sɛkye eboo nu aleɛ ɔ.

Yeremia 5:17

Bekoli wɔ fieso aleɛ ne w’aleɛ; bekohũhũ wɔ mma mmienzua ne wɔ mma mmrasua; bekohũhũ wɔ mmoaen ne wɔ nandwie mɔ bekoli, bekobubu wɔ bobe ne borɔdoma mmakaa bekogua; wɔ nguro bɔ ato bɛ nwo fasue, bɔ afa wɔ wora awura bɛ nu ne, bɛkɔfa ngrandɛ bɛkɔsɛkye bɛ.

Lewitikɔso 26:16

bɔ me koso ngɔfa ngɔyɔ ɛmɔ ɛhe: ngɔmaa asane kandinga kɔto ɛmɔ; anwonyerɛ koangɔ kɔbɔ ɛmɔ, yeɛ ebunu bɔ ɔma bɛ nye yɛ wusiwusi ná ɔma sona ngoa so te ɔ kɔhye ɛmɔ. Sɛ ɛmɔdua nningyein a, ɛmɔkɔfɛ bekogua mbaen, ofikyɛ ɛmɔ pɔfoɛ mɔ yeɛ bekoli ɔ.

Obadia 1:5

Sɛ awuefoɛ bɛba wɔ so, sɛ awerɔm awuefoɛ bɛba wɔ so kɔngɔen a, (nea kyɛbɔ basi bayɛ wɔ pasaa ɔ!) aso bengowua alaa bɔ bɛ kunu kuro ɔ? Sɛ bobe telɛfoɛ nemɔ bɛba wɔ bobe boo nu a, aso ahaa bɛngɔyakyi bobe si ne bie wɔ so?

Mika 6:15

Ekolua, nakoso engonya so aleɛ; ekohwi olive mma, nakoso engonya ye ngoo ne bie ngɔfa ngɔpopa; ekohwi bobe mma, nakoso engonya ye nzaa ne bie ngɔno.

Deuteronomi 28:33

W’aseɛ so aleɛ, yeɛ wɔ sa noa adwuma so mvasoɛ ne, maen bɔ ɛnze ye ne, nu ama yeɛ bekoli ɔ. Bekoli wɔ aminɛ, ná basisi wɔ daa;

Deuteronomi 28:51

Okohu wɔ nyɛmmoa mɔ koli ná wasa wali w’aseɛ so aleɛ kɔpem kyɛ ekowu ɔ. Ɔngɔma w’aburoo, nzaa, ngoo, anaa wɔ nandwie mmaa ne wɔ mmoaen mmaa ko po ngɔha, kɔpem kyɛ ɔkɔmaa ekowu ɔ.

Maenbulɛfoɛ 6:3

Ofikyɛ mmerɛ biala bɔ Yisraelfoɛ kɔyɔ eboo ne, né Midianfoɛ ne Amalɛkefoɛ ne eyia afiteleɛfoɛ bafa ngondii baateta bɛ.