Maenbulɛfoɛ 6:39 - AHYERƐLƐ KRONGRON

³⁹ Yeɛ Gideon sele Nyameɛ kyɛ, “Mesrɛ wɔ, nnɛfɛ me so yaa. Maa mva edwirɛ bieku ndo wɔ nyunu. Ma nza mva gyese ne nzo nnea. Ma gyese ne angome ɔ́yɛ wosee, ná ma bosue ógua aseɛnwo berɛ amukoraa.”

Maenbulɛfoɛ 6:39 Iomraidhean Croise

Gyenesise 18:30

Na Abraham hane kyɛ, “Ɛhe de mesrɛ wɔ, AWURADE, nnɛfɛ yaa, na maa ndwudwo kãa. Sɛ enya mmenia aburasa berɛ ɛ?” Na obuale kyɛ, “Sɛ menya mmenia aburasa berɛ a, mengɔyɔ sɔ.”

Gyenesise 18:32

Afei ɔhane kyɛ, “Mesrɛ wɔ, AWURADE, nnɛfɛ yaa. Maa nga edwirɛ komapɛ twe he ala: Na sɛ enya mmenia buru berɛ ɛ?” Na obuale kyɛ, “Ɔnate buru ne ati mengɔsɛkye ye.”

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Mateo 8:12

Nakoso Ahennie mma nemɔ de, bekogyi bɛ bekogua nziɛ dɔ awosii nu; na berɛ yeɛ esuɛ ne agyeenwosenɛ wɔ ɔ.”

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 22:21

Na Awurade sele me kyɛ, ‘Kɔ, na ngɔsoma wɔ dedeede maa ɛkɔhɔ Amaenmaensofoɛ berɛ.’ ”

Asomafoɛ 28:28

Afei Pɔɔlo dwurale ye dwirɛ ne kyɛ, “Mema ɛmɔnwu ye kyɛ bafa Nyameɛ ngoalelɛ nwo dwirɛ ne baama Amaenmaensofoɛ, na bekotie koso!” [

Maenbulɛfoɛ 6:38

Na ɔwale nu sɔ. Odwɔsole ngyerɛmɔ tutuutu, ná ohwini gyese ne anu ne, bosue bɔ oguale gyese ne aso ne, onyane nzue komiti ko.

Maenbulɛfoɛ 6:40

Na sɔ kyẽa ne kɔngɔen, Nyameɛ yɔle ye sɔ ala. Gyese ne angome yɛle wosee, na bosue guale aseɛnwo berɛ amukoraa.