Maenbulɛfoɛ 6:34 - AHYERƐLƐ KRONGRON

³⁴ Nakoso AWURADE Sunzum wale Gideon so, na ohuli totorobɛndo ne fa frɛle Abiesefoɛ amukoraa maa belili ye si.

Maenbulɛfoɛ 6:34 Iomraidhean Croise

1 Aberɛso Dwirɛ 12:18

Yeɛ Amasae bɔ ɔla koɛhonɛfoɛ aburasa nemɔ noa ne, Sunzum ne wale ye so ɔ, na ɔhane kyɛ, “O Dawide, yɛte wɔ deɛ; O Yese awa, yɛne wɔ ala! Asomdwee, asomdwee ɔ́yɛ wɔ deɛ, ná ebiala bɔ ɔkɔboka wɔ ne koso, ónya asomdwee! Ofikyɛ wɔ Nyameɛ yeɛ ogyi wɔ si ɔ.” Yiti Dawide maa bɛɛbokale ye so, na ɔmaa bɛlelale ye koɛhonɛfoɛ nemɔ noa.

1 Aberɛso Dwirɛ 12:19

Mmerɛ bɔ Dawide ne Filistifoɛ bɛfale koɛ bɛɛtoale Sɔɔlo ne, Manase koɛhonɛfoɛ nemɔ bie nwati fili Yisrael koɛhonɛ kure ne anu bɛɛbokale Dawide so. (Nakoso Dawide wammoka Filistifoɛ nemɔ, ofikyɛ Filisti mbanyi dwenene ye nwo bɛfoane Dawide. Bɛnwa, “Sɛ Dawide yakyi yɛ nu kodi ye mene Sɔɔlo si a, ɔkɔmaa yɛkɔfa yɛ ngoa yɛkɔpɛ so.”)

2 Aberɛso Dwirɛ 24:20

Yeɛ Nyameɛ sunzum wale ɔsɔfo Yehoada awa Sakaria so, na ogyinane mmenia ne nyunu wɔ nekaa bɔ ebiala nwu ye ɔ, na osele bɛ kyɛ, “Nyameɛ nwa nyoo, ‘Nzu ati yeɛ ɛmɔabu AWURADE mmeraa dwirɛ so maa ɔnate so onyie ɛmɔ yé ye? Ɔnate kyɛ ɛmɔapo AWURADE ne ati, ye koso wapo ɛmɔ.’ ”

Edwein 51:11

Nnɛfoa me fi wɔ nyunu, yeɛ nnɛye wɔ krongronyɛlɛ sunzum ne fi me nu.

Numeri 10:3

Sɛ behu bɛ munyɔ ne a, odi kyɛ maen ne amukoraa babɔ dwaa wɔ wɔ nyunu wɔ ɛtena sua atenaleɛ anoa nu berɛ.

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

Galatiafoɛ 3:27

Na ɛmɔ amukoraa bɔ babɔ ɛmɔ asu wɔ Kristo nu ne, ɛmɔafa Kristo bahera.

Yosua 17:2

Bɛfale aseɛ ne bie koso bɛmane Manase abusua kure ne anu mmusua ngaa nemɔ: Abiesa abusua, Heleke abusua, Aseriɛl abusua, Sɛkem abusua, Hefa abusua ne Semida abusua. Sɔ mmienzua nemɔ, bɛte Yosef awa Manase ye bosofoɛ, na bɛ yeɛ bɛlela bɛ mmusua nemɔ noa ɔ.

Maenbulɛfoɛ 13:25

AWURADE Sunzum hyɛle ye bo kanyane ye wɔ Mahane Dan bɔ ɔwɔ Sora ne Esetao b’afia ne.

Maenbulɛfoɛ 14:19

Yeɛ AWURADE Sunzum wale Samson so, na osili nu hɔle Asekelɔn. Ohuni kuro berɛ mmienzua aburasa. Opuropurole bɛ ndaadeɛ yɛle koɛ nu nzesadeɛ. Na ndaadeɛ bɔ bewura bɛkɔ dwaabɔlɛ bo ne, ɔfa brɛle bɛ bɔ behyirele anyandera ne abo ne. Afei ole ɛyaa piri sa hɔle ye baba kuro.

Maenbulɛfoɛ 15:14

Samson oodwuli Lehi ne, Filistifoɛ bɔle ese beeyiale ye. AWURADE Sunzum wale ye so, na nyamaa bɔ ogua ye sa ne yɛle kyɛ gyese bɔ see atɔ nu ɔ, na nyamaa ne sangye fili ye sa.

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

Maenbulɛfoɛ 3:27

Odwuli berɛ ne, ohuli totorobɛndo ne wɔ Efraim mmokaa aseɛ ne aso. Na Yisraelfoɛ ne Ehude bɛtorotorole befili mmokaa aseɛ ne aso, bɔ né Ehude ɔla bɛ noa ɔ.

Maenbulɛfoɛ 6:11

AWURADE abɔfo hɔle ɔɔtenane Abieseniɛ Yoase eluii ne abo wɔ Ofra. Sɔ mmerɛ ne, né Yoase awa Gideon ɔboro atokoɔ wɔ kumaa bɔ betwi nzaa nu ɔ nu, ofikyɛ né ɔfa fea Midianfoɛ.

Maenbulɛfoɛ 8:2

Yiti Gideon buale bɛ kyɛ, “Nikyee titire beni yeɛ mayɔ bɔ odwu bɔ ɛmɔayɔ ye ɔ? Aso Efraim bobe bɔ wate maa waha ye si ne, ɔnzone ɔndera Abiesa bobe abiribira?

1 Samuel 10:6

Afei AWURADE Sunzum kɔte kɔpe wɔ so, ɛne bɛ kɔbɔ nu kɔhyɛ ngɔm, na ɔkɔmaa ɛkɔsesã kɔyɛ sona foforɛ.

1 Samuel 11:6

Na mmerɛ bɔ Sɔɔlo tele sɔ dwirɛ nen, Nyameɛ sunzum kanyane ye, na ɔfɛle yaa hahii.

1 Samuel 13:3

Filistifoɛ bɛ koɛhonɛfoɛ atenaleɛ bɔ ɔwɔ Geba ne, Yonatan lili so ngonim, na Filistifoɛ tele sɔ dwirɛ ne. Sɔɔlo maa behuli awɛen wɔ aseɛ ne aso amukoraa besele kyɛ, “Hebrifoɛ ee, ɛ́mɔtie oo!”

1 Samuel 16:14

AWURADE Sunzum hwene ye nwo fili Sɔɔlo nwo, na AWURADE somane sunzum tɛɛ bie maa ɔɔteetee ye.