Maenbulɛfoɛ 6:32 - AHYERƐLƐ KRONGRON

³² Yiti sɔ kyẽa ne, bɛtole Gideon dumaa Yerubaal, bɔ ye bo ole: “Maa Baal ɔne ye beli,” ofikyɛ wabubu ye afɔleɛ bokyea.

Maenbulɛfoɛ 6:32 Iomraidhean Croise

2 Samuel 11:21

Nwa yeɛ ohuni Yerubaal awa Abimɛlɛke ɔ? Aso nna braa bie yeɛ ɔyakyili nyɔkoa nu fili fasue so maa ɔɔbɔle ye huni ye wɔ Tebese ɔ? Nzu ati yeɛ ɛmɔhɔle fasue ne anwo berɛ pɛɛ ɔ?’ a, ye de ka kyɛ, ‘Wɔ somvoɛ Hitiniɛ Yuria koso bahu ye.’ ”

Yeremia 11:13

Ofikyɛ Yuda, wɔ nyameɛ mɔ basone pee kyɛ wɔ nguro mɔ; afɔleɛ mmokyea bɔ ɛmɔasi bafa bagua ɛmɔ nyunu ase, bɔ ɛmɔyera ɛyɛɛ wɔ so bɛma Baal ne, bɛ somaa te kyɛ Yerusalem mmorɔnoɛ mɔ.

Hosea 9:10

Nwuni Yisrael kyɛ ɛserɛ so bobe mma. Nwuni ɛmɔ nana mɔ kyɛ bobe mma bɔ wali moa wasu wɔ ye sulɛ mmerɛ bɔ oli moa nu ɔ. Nakoso bedwuli Baal Peɔ nen, beguale bɛ nwo fiɛ bɛbɔle nyanzoen bra, na bɛ bɔbɔ bɛkakyili akyiwadeɛ te kyɛ nningyein bɔ né bekuro ne ala.

Maenbulɛfoɛ 6:31

Nakoso Yoase sele mmenia bɔ bedwɔso betiale ye ne amukoraa kyɛ, “Aso ɛmɔ yeɛ odi kyɛ ɛmɔko bɛma Baal ɔ? Anaa ɛmɔ yeɛ odi kyɛ ɛmɔko ye ti ngondii ɔ? Ebiala bɔ ɔkɔho kɔma Baal ne, kyɛ odwu ɛhema ngyerɛmɔ ne, odi kyɛ beku ye. Sɛ Baal te nyameɛ a, ɛ́mɔma ye bɔbɔ ɔho ye ngondii, ofikyɛ ye afɔleɛ bokyea yeɛ babubu ye ɔ.”

Maenbulɛfoɛ 7:1

Yerubaal (bɔ osa li Gideon ne) ɔne koɛhonɛfoɛ bɔ bɛboka ye so ne amukoraati, bedwɔsole ngyerɛmɔ tutuutu bɛɛkyekyele asikyeleɛ wɔ Harode mbombonzue ne anwo. Né Midian asikyeleɛ wɔ bɛ sorɔ wɔ More bokaa ne anwo, wɔ bɔnza ne anu.

Maenbulɛfoɛ 8:35

Ɔwɔ nu kyɛ Yerubaal (bɔ besa bɛfrɛ ye Gideon ne), ɔyɔle nningyein paa pee mane Yisrael de, nakoso bɛyele ye awuro ama boniayɛ.

1 Samuel 12:11

Na AWURADE somane Yerubaal, Bedan, Yɛfeta ne Samuel; na ɛmɔ pɔfoɛ mɔ bɔ bapɛ ɛmɔ nwo bayia ne, ɔpepɛ lele ɛmɔ fili bɛ sa nu maa ɛmɔtenane asomdwee nu.